Skip to main content

Posts

Showing posts from July, 2011

Announcement 02

လရောင်လမ်း ( Wordpress ) မှာ ကဗျာအသစ်တချို့ တင်ထားပါတယ်။ စိတ်ဝင်စားသူများ ဖတ်ကြည့်ဖို့ပါ။ :) တေဇာ (လရောင်လမ်း)

ကူးတို့ (Kafka)

ဆိပ်ခံတံတားဘေးက နံရံပေါ်မှာ ကောင်လေးနှစ်ယောက် ကြွေအံကစားနေကြတယ်။ အထိမ်းအမှတ်ရုပ်တုတစ်ခုရဲ့ ခြေရင်းက ဓားရွယ်ထားတဲ့ သူရဲကောင်းရုပ် အရိပ်အောက်မှာ လူတစ်ယောက် ထိုင်ပြီး သတင်းစာဖတ်နေတယ်။ ခပ်ငယ်ငယ် ကောင်မလေးတစ်ယောက်က ရေပန်းမှာ သူ့ရဲ့ ရေဗူးထဲကို ရေဖြည့်နေတယ်။ သစ်သီးရောင်းတဲ့လူက သူ့သစ်သီးတွေရဲ့ အနီးမှာ လဲလျောင်းရင်း ပင်လယ်ပြင်ဆီ ငေးကြည့်နေတယ်။ ဘီယာဘားတစ်ခုရဲ့ ဒိုးယိုပေါက် တံခါးနဲ့ ပြတင်းပေါက်ကနေ အထဲမှာ လူနှစ်ယောက်ထိုင်ပြီး ၀ိုင်သောက်နေတာကို မြင်ရပါလိမ့်မယ်။ ဘီယာဘားမန်နေဂျာက အရှေ့မှာထိုင်နေရင်း အိပ်ငိုက်နေတယ်။ လှေသေးသေးလေးတစ်စင်းက တစ်စုံတစ်ယောက်ကပဲ ကြိုးနဲ့ဆွဲယူလာသလို ဆိပ်ကမ်းငယ်လေးအတွင်းကို ဖြည်းဖြည်းချင်း မျောဝင်လာတယ်။ ဂျာကင်အင်္ကျီအပြာနဲ့ လူတစ်ယောက် ကမ်းပေါ်ကိုတက်လာပြီး လှေကြိုးကို ချည်လိုက်တယ်။ အဲဒီလူရဲ့ နောက်မှာ ငွေကြယ်သီးတွေပါတဲ့ အရောင်ရင့်ရင့် ကုတ်အင်္ကျီတွေဝတ်ထားတဲ့ တခြားလူနှစ်ယောက်က အလောင်းသယ်တဲ့ထမ်းစင်တစ်ခုကို သယ်လာကြတယ်။ ထမ်းစင်ပေါ်မှာ ပင်းပွင့်ပုံတွေစီခြယ်ထားတဲ့ ပိုးသားခြုံလွှာကြီးတစ်ခုနဲ့ အနားကွပ်တွေ။ အောက်မှာ လူတစ်ယောက် လဲလျောင်းပြီးပါလာမယ်လို့ ခန့်မှန်းလို့ရတယ်။

ခဏပန်း သက်သေ (The Ephemeral Evidence)

စကြ၀ဠာ သင်္ကေတစနစ်မှာ ခြေရာတွေက ငါဒီမှာ၊ ငါဒီမှာလို့ ပါးစပ်လှုပ်ပြတယ်။ ကမ်းစပ်က သဲပြင်ပဲဖြစ်ဖြစ် ကျွန်တော် ဖြတ်လျှောက်ပစ်ဦးမယ် ခြေထောက်အသစ်ကျပ်ချွတ်နဲ့။ The Ephemeral Evidence In universal symbolism, Footprints mouth, I'm here, I'm here. Even if it's just a sandy shore, I'm going to stroll By brand-new feet. တေဇာ (လရောင်လမ်း)

ပုံစံကျ ချော်လဲမှုဖြစ်စဉ်

ချော်လဲပြီးတော့ ရောထိုင်လိုက်ရတာ ချော်လဲပြီးတော့ ခြေထောက်နှစ်ချောင်းလုံး သွင်သွင်ကျိုးသွားတာ ချော်လဲပြီးတော့ ဖုတ်ဖတ်ခါတောင် မထနိုင်တော့တာ ချော်လဲပြီးတော့ ပထ၀ီကသိုဏ်းရှုနေတာ ချော်လဲပြီးတော့ မုတ်ဆိတ်တွေရှည်လာတာ ချော်လဲပြီးတော့ ဒူဝေေ၀မြည်နေတာ ချော်လဲပြီးတော့ အလှူငွေတွေလက်ခံရရှိတာ ချော်လဲတုန်းက သူတော်စင်တစ်ယောက်ဖြစ်ဖို့ မရည်ရွယ်ခဲ့ပေမဲ့ ချော်လဲသူဟာ ရှိခိုးဦးချခံလိုက်တယ် ဒါဟာ အောင်မြင်ပျော်ရွှင်သော ချော်လဲမှု ဇာတ်လမ်းပဲ တကယ်တော့ ဒီလို ချော်လဲခြင်းကို လွဲချော်မှုတစ်ခုလို့တောင် ယူဆဖို့ ခက်လာရတယ် ကျိုးနေတဲ့ခြေထောက်တွေအကြောင်း ကောင်းကောင်းကြီးမေ့ခဲ့တယ် ဆိုရင်ပေါ့။ တေဇာ (လရောင်လမ်း)

သိမ်ငယ်စိတ္တဇ (The Inferiority Complex)

သူ့ကို ကျွန်တော် ပျံနိုင်တယ်ဆိုတဲ့ အကြောင်းပြောတုန်း သူ လုံးဝမပြုံးခဲ့ဘူး။ ကျေးဇူးတင်ရတယ် တကယ်တော့ ယင်ကောင်တစ်ကောင်ဟာ သူ့ကိုယ်သူ အယဉ်ကျေးဆုံး မိတ်ဆက်နေတာလေ။ When I let her know I can fly She hardly smiled. I have to thank her. After all, A fly is introducing itself As polite as possible. တေဇာ (လရောင်လမ်း)

Hibernation Mode

you see? i sink, i sink, i sink. it's not a stunt. you see? i sink, i sink, i sink. it's but a stint. _Tazar

ပင်ဘော [*]

အရှိန်ပြင်းပြင်း ပြုတ်ကျလာတဲ့အခါ အောက်မှာ စပရိန်ပါလို့ ကျွန်တော် အကောင်းမြင်တယ်။ တွန်းကန်မြင့်တက်သွားတဲ့အခါ အရှိန်တွေရဲ့ ယာယီသဘောကို အဆိုးဘက်နှောပြီး ပြောဦးမယ်။ ဘာပဲဖြစ်ဖြစ် လေထဲက အချိန်တိုင်း ကျွန်တော့်မှာ တသမတ်တည်းရှိနေတဲ့ အာသီသက မြေပေါ်မှာ ရပ်တည်ခွင့်ရဖို့ပဲ။ ကျွန်တော့် ခြေဖ၀ါးတစ်စုံက မြေဆွဲအားကို ရှာဖွေတွေ့ရှိတဲ့တစ်နေ့မှာ အမြင်မှန်တစ်ခုခုတော့ ရကောင်းပါတယ်။ တေဇာ (လရောင်လမ်း) [*] Pinball