Skip to main content

Posts

Showing posts from November, 2011

လမ်းလျှောက်သူ

ဒီနေ့ ကျွန်တော် လမ်းလျှောက် ထွက်လာတော့ မှောင်စပြုနေပြီ။ အပြင်မှာ အေးနေတယ်။ ကားလမ်းမကြီးကို ကူးပြီး ဒီဘက် ရပ်ကွက်ရောက်တော့ လူတွေ ရှင်းသွားတယ်။ ပေတရာလမ်းမက ကျယ်တယ်။ ကျွန်တော် တစ်ယောက်တည်း ဆက်လျှောက်လာတယ်။ အရင် ရေခဲချောင်းလှည်းကလေး အမြဲရှိတတ်တဲ့ နေရာမှာ အငွေ့တထောင်းထောင်း ထနေတဲ့ အိန္ဒိယ အစားအစာတစ်မျိုး ရောင်းနေတယ်။ အရင် ရေခဲချောင်းရောင်းခဲ့တဲ့ လူတော့ ဟုတ်ပုံမရဘူး။ အခုလို ဆောင်းတွင်းရောက်လာလို့ လူတွေ ရေခဲချောင်းမစားကြတော့ အရင်ရေခဲချောင်းရောင်းခဲ့တဲ့လူ ဘာသွားရောင်းမလဲလို့ ကျွန်တော် စဉ်းစားမိတယ်။ မြေပဲပြုတ်ကလေးဘာလေး ရောင်းမယ်ထင်တယ်၊ သူ့အစီအစဉ်နဲ့သူတော့ ရှိမှာပဲ။ ရာသီစာဆိုတာကတော့ အမြဲရှိနေတာကိုး။ ဒါ ကျွန်တော်နဲ့တော့ သိပ်မဆိုင်လှဘူး။ ကျွန်တော် ပန်းခြံရှိတဲ့ဘက်ကို ကွေ့ဝင်လိုက်တယ်၊ ဒီနားမှာတော့ သစ်ရွက်ကြွေတွေနဲ့ အမှိုက် နည်းနည်းရှိနေတယ်။ ဒီနေ့လူအတော်ရှင်းပါလားလို့ တွေးပြီးတာနဲ့ချက်ချင်း၊ ဒီနေ့ ငါအတော်နောက်ကျသွားတာပဲလို့ ဆက်တိုက်တွေးလိုက်မိတယ်။ နောက်တော့ ကျွန်တော် ဇဝေဇ၀ါဖြစ်လာတယ်။ ဒီနေ့ လူရှင်းနေတယ်နဲ့ ဒီနေ့ ငါနောက်ကျတယ်၊ အဆိုနှစ်ရပ် ဘယ်သင်းက ပိုမှန်လဲ စဉ်းစားကြည့်မိတယ်။ မှန်တာတောင်မှ ပိုမှန်တာ

မျှော်လင့်ခြင်း ( မြင့်သန်း )

(ဆရာတာ.. ဒီဝတ္ထုလေးက လွန်ခဲ့တဲ့ သုံးလလောက်က ရေးထားတာ။ ဘာသာပြန် မဟုတ်ပါ။ ဖတ်တဲ့အခါတော့ ရိုးရိုးပဲ တွေးဖို့လိုလိမ့်မယ်။ ဆန်းဆန်းတွေးချင်လည်း တွေးပေါ့ဗျာ။  ရိုသေစွာဖြင့်- မြင့်သန်း) Before me things create were none, save things Eternal, and eternal I endure. All hope abandon ye who enter here.     _Dante Alighieri     Divine Comedy. (H.F Cary’s translation) လူတစ်ယောက်မျှ မရှိတဲ့ စားသောက်ခန်းထဲက စားပွဲပေါ်မှာရှိတဲ့ ပန်းအိုးထဲက ပန်းကို ဘားမန်နေဂျာကဲင်ဟာ အနေအထားပြင်ပြီး ပြန်ချလိုက်တယ်။ စိတ်ကျေနပ်သွားတယ်။ ခဏရပ်နေလိုက်ပြီးမှ သူ ဘားရှိရာဘက် လှည့်လာတယ်။ ကော်ရစ်ဒါရဲ့ အခြားဘက်က ထိပ်နားဆီမှာ လူရိပ်တွေ့လိုက်ရလို့ ရပ်ကြည့်ုလိုက်တော့ ဖလောမန်နေဂျာလို့ ခေါ်တဲ့ ဒီအထပ်ရဲ့ မန်နေဂျာ လဇ်ဇီရယ်။ အခန်းတစ်ခန်းရဲ့ ရှေ့မှာ လဇ်ဇီက ဟိုတယ်ရဲ့ ဟောက်(စ)မန်နေဂျာ ရှာမိန်းနဲ့ ရပ်စကားပြောနေတယ်.။ ရှာမိန်း တကယ် အလုပ်များပုံရတယ်။ ကဲင်ကိုယ်တိုင်လည်း အီးမေးလ်ရထားပြီးပြီမို့ ရှာမိန်းအလုပ်များလိမ့်မယ်ဆိုတာ တွေးကြည့်လိုက်မိတာပဲ။ ဟိုတယ်ရဲ့ ဒီအထပ်က သီးသန့်အထပ်။ နှစ်ဆယ့် သုံးထပ်မှာ.။ နှစ်ဆယ့်လေးထပ်ကလည်း ဒီလိုပဲ။ မတူတာတစ်ခုက