ဝေဒနာညနက်

သန်းခေါင်ယံတိတိ
ပကတိ တိတ်ဆိတ်မှု
ကျွန်တော့်အသက်ရှူသံရယ်
ကလေးလေးတစ်ယောက်ရဲ့ ငိုသံရယ်သာ
ချောက်ခြားဖွယ်ရာ ကျန်ရစ်ပေါ့...။

တစ်ချက်ချက်နာရီသံထဲ
ယုတ္တိဗေဒနဲ့ စည်းချက်ကျမှု စိမ့်ဝင်
အဆိုးမြင်စွာပြောရရင်
သင်္ချာဘာသာရပ်လို ရက်စက်လှတယ်...။

အာဂေါင်ခြစ်ပြီး အနုပညာလို့အော်နေလည်း
အသံဝင်ရုံပဲရှိလိမ့်မယ်
ဘောဂဗေဒကဗျာဆရာတွေကြား...
ဈေးကွက်စီးပွားရေးစနစ်ကြား...
ကျွန်တော်များရဲ့ အလင်းဓာတ်ကို
မီးသဂြိုလ်ဖို့ မလိုအပ်ဘူး...။

အလွမ်းဓာတ်ခံ ကဗျာဆန်ဆန်ညနေတွေနောက်
နာကျည်းချက်ရယ်သံတွေပဲ့တင်ထပ်
အဲဒီညက...
အချစ်ဆိုတဲ့စကားလုံးကို
အဘိဓာန်မှာ ရှာကြည့်ဖြစ်ခဲ့တယ်...
ဒါပေမဲ့
အဘိဓာန်အိုရဲ့ အဲဒီစာမျက်နှာဟာ
ခြစားထားလေရဲ့ ...။

ဒီလိုနဲ့
သန်းခေါင်ယံည...
စည်းချက်ကျနာရီသံနဲ့...
ဘောဂဗေဒဆန်ဆန် အနုပညာတွေကြား
နှစ်ပါးမကသွားနေချိန်...
နောက်တစ်ကြိမ် ကလေးငယ်တစ်ယောက်ရဲ့ ရယ်သံမှာ
ကျွန်တော် ရှိုက်ငိုနေခဲ့မိပေါ့...။

<<<တေဇာ>>> ၂၁၊ ၃၊ ၂၀၀၉၊ ၁၂း၃၀