◘ ကိုယ်ဝန်ဖျက်ချမှု…..၊ ဥပဒေနဲ့ ပြစ်ဒဏ် … ◘

ကိုယ်ဝန်ဖျက်ချမှုဆန့်ကျင်သူများကို မေးခွန်းရိုးရိုးလေးတစ်ခွန်းတည်းနဲ့ ပြန်ဖြေစရာရှာမရဖြစ်သွားအောင် သင်လုပ်နိုင်ပါသလား ???

ဒီလိုလေးပဲမေးလိုက်ပါ…။

“ကိုယ်ဝန်ဖျက်ချမှုဟာ တရားဥပဒေနဲ့ မလွတ်ကင်းဘူးဆိုရင်၊ တရားမ၀င်ကိုယ်ဝန်ဖျက်ချတဲ့ အမျိုးသမီးတွေကို ဘာလုပ်သင့်ပါသလဲ”

ဒွိဟဖြစ်နေတဲ့ နားလည်လက်ခံထားမှုတစ်ခု သူတို့မျက်နှာမှာ ပေါ်လာတာကို စောင့်ကြည့်ကြည့်ပါ။ သူတို့က ကိုယ်ဝန်ဖျက်ချမှုဟာ “လူသတ်မှု” ဖြစ်တယ်လို့ ယုံကြည်ကြပါတယ်။ လူသတ်သမားတွေဟာ ပြင်းထန်တဲ့ ပြစ်ဒဏ်ကို ခံကြရတာပဲ။ ဒီလိုဆိုရင် တရားမ၀င်ကိုယ်ဝန်ဖျက်ချတဲ့ အမျိုးသမီးတွေဟာ ပြင်းထန်တဲ့ ပြစ်ဒဏ်တွေကို ခံကြရမှာပေါ့။ လူသတ်မှုအတွက်ထိုက်တန်တဲ့ ပြစ်ဒဏ်တွေဖြစ်တဲ့ ထောင်ဒဏ်တစ်သက်၊ သေဒဏ် စတာတွေပေါ့။ ဒါဟာ ယုတ္တိရှိတဲ့ ကောက်ချက်ဖြစ်ပါတယ်။

ဒါပေမဲ့ ဒီကောက်ချက်ကို သူတို့က လက်မခံနိုင်ကြပါဘူး။ ဒီလိုပြစ်ဒဏ်မျိုးဟာ ပြင်းထန်လွန်းပြီး သင့်တင့်လျောက်ပတ်မှုမရှိဘူးလို့ သူတို့ သိကြတယ်။ ဒါဟာ တကယ်တော့ ကိုယ်ဝန်ဖျက်ချမှုဟာ လူသတ်မှုမဟုတ်ဘူးလို့ အဓိပ္ပာယ်သက်ရောက်နေပါတယ်။

ကိုယ်ဝန်ဖျက်ချမှုဆန့်ကျင်သူများအား အဆိုပါမေးခွန်းကိုမေးထားတဲ့ ဗီဒီယိုကို ဒီမှာကြည့်ရှုနိုင်ပါတယ်။

http://www.youtube.com/watch?v=iD97OVJ4PNw

အတော်လေးအံ့အားသင့်ဖို့ကောင်းတာတစ်ခုက ကိုယ်ဝန်ဖျက်ချမှုတိုက်ဖျက်ရေးလှုပ်ရှားမှုတွေမှာ နှစ်ပေါင်းများစွာ ပါဝင်ဆောင်ရွက်ခဲ့ပေမဲ့ ဒီမေးခွန်းကို သူတို့ဟာ အရင်တုန်းက တစ်ခါမျှ မတွေးတောဖူးခဲ့ တာပါပဲ။ ဥပဒေချိုးဖောက်မှုအတွက် ပြစ်ဒဏ်တစ်စုံတရာ ကျခံသင့်တယ်လို့တောင် မသေချာခဲ့ဘူးဆိုရင် ကိုယ်ဝန်ဖျက်ချမှုကို ဥပဒေပြင်ပလုပ်ရပ်အဖြစ် သက်ရောက်ဖို့ တစ်ချိန်လုံး ကြိုးစားခဲ့ရတဲ့ အကြောင်းအချက်ဟာ ဘာများပါလဲ။ အကောင်းဆုံးလို့ဆိုရမယ့် အမေးအဖြေကတော့ အောက်ပါအတိုင်းဖြစ်ပါတယ်။

မေး ။ ကိုယ်ဝန်ဖျက်ချမှုဟာ တရားဝင် ဖြစ်သင့်ပါသလား၊ မဖြစ်သင့်ဘူးလား။

ဖြေ ။ မဖြစ်သင့်ပါဘူး။ ဘာလို့လဲဆိုတော့ လူ့အသက်တစ်ချောင်းကို သတ်တဲ့ကိစ္စဖြစ်လို့ပါ။

မေး ။ ဒါဆို တရားမ၀င် ကိုယ်ဝန်ဖျက်ချခဲ့တဲ့ အမျိုးသမီးတွေကို ဘယ်လိုများ ဖြစ်စေသင့်ပါသလဲ။

ဖြေ ။ သူတို့အတွက် ဆုတောင်းပေးရုံပါပဲ။ ထောင်ထဲသွားနေသင့်တယ် ဘာညာတော့ မထင်မိပါဘူး။

မေး ။ ဒါဟာ တရားဥပဒေနဲ့ငြိစွန်းတယ်ဆိုရင် ဥပဒေဘောင်အတွင်းကပြစ်ဒဏ် တစ်စုံတစ်ရာချသင့်တယ်လို့ ခင်ဗျား မထင်ဘူးလား။

ဖြေ ။ ဟင့်အင်း။ ပြစ်ဒဏ်ပေးသင့်တယ်လို့တော့ မထင်ပါဘူး။ ဘာဖြစ်လို့လဲဆိုတော့ သေပြီးပြီကိုး…။ ပြစ်မှုကတော့ လုပ်ပြီးသွားပြီပဲ…။

မေး ။ ဒါဟာ “လူသတ်သမား” တစ်ယောက်အတွက်တော့ မမှန်ဘူးမဟုတ်လား။ လူသတ်မှုအတွက် ပြစ်ဒဏ်တစ်ခုတော့ ရှိတာပဲ မဟုတ်ဘူးလား။

ဖြေ ။ ဟုတ်ပါတယ်။ လူ့အသက်တစ်ချောင်းကို သေစေတာဖြစ်လို့ လူသတ်မှုမှာတော့ ပြစ်ဒဏ်ရှိပါတယ်။

မေး ။ ဒါဆို တရားမ၀င်ကိုယ်ဝန်ဖျက်ချတဲ့ အမျိုးသမီးတွေအတွက်ကျတော့ ဘာလို့ ပြစ်ဒဏ်မရှိသင့်တာလဲ။

ဖြေ ။ အိုး….၊ သူများတွေပြောသလိုပေါ့။ ဒါကတော့ ဘုရားသခင်နဲ့ သူ့တို့ကြားက ကိစ္စပဲ။ နောက်ဆုံးမှာ သူ့တို့ရဲ့ပြစ်ဒဏ် သူတို့ခံရမှာပဲပေါ့။

မေး ။ ဒါဆို ဘာလို့ ဒီကိစ္စဟာ တရားမ၀င်ဖြစ်ရတာလဲ….။

ဖြေ ။ ဘာဖြစ်လို့လဲဆိုတော့ အသက်တစ်ချောင်းကို နှုတ်ယူလိုက်တဲ့ကိစ္စဖြစ်လို့ပေါ့….။

ကဲ ..... ကြက်ဥနဲ့ကြက်မပုစ္ဆာလို တစ်ပတ်ပြန်လည်သွားပါပြီ...။ ☺

အတွေးဖြန့်ကျက်ဖို့ ဝေမျှခြင်းသာဖြစ်ပြီး လက်ခံခြင်းလက်မခံခြင်းကိစ္စများသည် ကျွန်တော်နှင့် မသက်ဆိုင်ပါကြောင်း...။

<<<တေဇာ>>>

Source:

http://www.unreasonablefaith.com/2009/01/21/how-to-stump-anti-abortionists-with-one-question