အတိုးဆုံး ကဗျာများ (၇)

`စာရေးခြင်း´

တကယ်ပါ

လျှောက်ရေးနေတာပါ

တကယ်ပါ

ရေးရင်း လျှောက်နေတာပါ။

`Rubik Tube အဖြေမှန်´

ဘယ်လှည့် ညာလှည့်

အထက်လှည့် အောက်လှည့်

လှည့်ရင်း မူလနေရာ ပြန်မရောက်နိုင်ခဲ့တော့

ဆေးရောင် ခြောက်မျိုးနဲ့ မျက်နှာပြင်တစ်ဘက်စီသုတ်

ဟန်လုပ် ပြထားခဲ့ရတော့တယ်။

“လိပ်ဆင်ကွက်”

ကြောင် ဖြူဖြူမဲမဲ

ကြွက်ခုတ်ဖို့က အဓိက။

ဝါကျမှာ

လိပ်ဆင်ကွက် (*) သတ္တ၀ါတစ်ကောင်

ကိုယ်ဖျောက်နေရဲ့။

`ခေါ်သံ´

ကိုယ်တိုင်က သွားလေသူဆိုတော့

မတွေ့ရတော့တဲ့ ကောင်တွေက အယောက်ပေါင်းများစွာ

`ကျော်´ ခဲ့တာတွေ အားလုံး ခွင့်လွှတ်တယ် သားကြီးတို့

အမြန်ပြန်လာပါ။

`မံမီ ဟာသ´

လူဆိုတော့လည်း ဒီလိုပဲပေါ့

အနာဂတ်တော့ ရှိချင်တာပေါ့

သေပြီးလည်း သေပြီးတဲ့အလျောက်ပေါ့

ပြန်လည်ထမြောက်ဖို့တောင် သူတို့တွေ ဂူသွင်းဆေးစိမ်ခဲ့ကြသေးတာ

အံမာ. . . ။

◄ တေဇာ ►

(*) လိပ်ဆင်ကွက် = Tortoiseshell