မှတ်ဉာဏ်မှ အမှတ်တရ သုညစာရင်း

အတိတ်ကို ပြန်တူးဆွကြည့်တော့
ဆေးလိပ်ပြာတွေ ဖွားခနဲ ကျလာတယ်
နေဦး အများကြီးကျန်သေးတယ်
ကျွန်တော် ပြောကြည့်မယ်လေ။

ပြီးတော့ …
၂၀၀ ကျပ်လို့ရေးထားတဲ့ ဂရမ်းရွိုင်ရယ် ပုလင်းအဖုံး နှစ်ဒါဇင်ကျော်
ဖှိုတီဖှိုက်နွယ်ချို နှစ်ရာဖိုးများ
ယဉ်နောက်လိုက်တွေက မေ့လျော့ခြင်းခံလိုက်ရတဲ့ တစ်ရာတန်များ
All Star စာစောင်ထဲက N ကြယ်မင်းရဲ့ တီတီတာတာ စကားများ
Sakura Tower အောက်က သူတောင်းစားလေးများရဲ့ အင်္ဂလိပ်အသံထွက်
MFTB ထဲက ပြန်ထွက်လာတဲ့ စွန်းထင်းညစ်ထေး ဒေါ်လာတစ်ထောင်များ
ရန်ကုန်ဘူတာကြီးထဲက မတီးလိုက်ရတဲ့ ဆင်စွယ်ရောင် ဂစ်တာရှိုတ်လေးတစ်လက်
အကြွေးမှတ်လို့ရတဲ့ မြို့သစ်အရက်ဆိုင်တချို့
ကာဖှူးည ပေတရာလမ်းပေါ်မှာ သူရဲကောင်းဆန်စွာ ရေတွက်ခဲ့သော ကြယ်စင်များ
ရဟတ်စီးရင် အကျချည်းပဲ ဖြစ်ချင်နေခဲ့တဲ့ ကလေးဆန်ဆန် အစွဲအလန်း
သူမတို့၏ ပါးစပ်မှ လှလှပပ ထွက်ကျလာခဲ့သော သဒ္ဒါမှားယွင်း အငြင်းဝါကျများ
အဆိုပါဝါကျများဖြင့် လုပ်ကြံဖန်တီးခဲ့မိလေသော ရယ်ရွင်ဖွယ် အလွမ်းများ
ဓာတ်လှေကားအတွင်းမှ ဘယ်ခလုတ်နှိပ်ရမည်မသိသော ဒွိဟများ
ပွဲမပြီးခင် မီးခဏခဏသေတတ်လို့ ခဏခဏ ခြစ်ရတဲ့ သူဇာ
ဒူလာကောင်းတယ်ဟလို့ မချိုမချဉ်မျက်နှာပေးနဲ့ပြောတတ်တဲ့ လူပျိုကြီးတစ်ယောက်
မြန်မာ့အတော်ဆုံး အိုင်တီသမားချာတိတ်နှင့် ပူးတွဲသရေကျခဲ့သော သွားကြားထိုးပြိုင်ပွဲ
ခေတ်မီဆန်းပြားဗိုင်းရပ်စ်ပိုးများအား ဂိုးလေဘယ်ခြောက်ပက်ဖြင့်
မိုက်မိုက်ကန်းကန်း ခုခံကာကွယ်ခဲ့ရသော ထရိုဂျန်ညစာစားပွဲ
အသံမကောင်းသော အဆိုတော်တစ်ဦးနှင့် ပွင့်ပွင့်လင်းလင်း စကားပြောမိခြင်း
ကျစ်ကျစ်ပါအောင် ဆုပ်ကိုင်ထားခဲ့တဲ့ လက်ထဲက ဒမ်ဘဲလ်များ
ရှေ့မရောက်တဲ့ Jogging စက်များအပေါ်မှာ ဂီတမပါဘဲ လမ်းသလားခြင်းများ
ညီလေး ခြေတစ်ဖက်စာလောက်တောင်းဆိုမှုအား ခြေဖမိုးပေးသနားခဲ့ခြင်းများ
ဖျက်ချလိုက်မှာပေါ့… အစရှိသည့် ပန်းဖြူ၏ အကယ်ဒမီရှော့များ
အင်းယားလမ်းကို ဖြတ်မောင်းတဲ့ လိုင်းကားအား ကြံစည်တွေးဆရမှုများ
ဂစ်တာကြိုးပြတ်တာကို မျက်စိကိုမမှန်လို့ အမြဲကျေးဇူးတင်တတ်တဲ့
အကောင်းမြင်ဝါဒီ ရွာသာကြီးပြန် သူငယ်ချင်းတစ်ယောက်
ဗြဟ္မာကြီး ဦးခွံအား ဖလားလုပ်ပြီးကစားသော သင်္ကြန်တွင်းလေးရက်
ကာရာအိုကေခန်းထဲမှာ သီချင်းမဆိုဖြစ်ရခြင်းအကြောင်းရင်း
နောက်ဆုံးကား အမြဲမီခဲ့တဲ့ သန်းခေါင်ကျော်ရန်ကုန်ညများ
ဂုန်းတံတားအောက် ဆန်ကွဲယက်နေရှာသော ဝေနေယျများနှင့် အကြည့်ချင်းမဆုံဖြစ်ခြင်းများ
မိတ်ဆွေတို့ တည်ခင်းသော လက်သီးများအား မြိန်ရည်ယှက်ရည် စားသုံးရခြင်း
ရေခဲတုံးတလှည့် မြေပဲလုံးတစ်လှည့် ယူဆောင်လာပေးသော စားပွဲထိုးလေးများ
အတူတူ ဝေမျှသုံးစွဲခဲ့သော တစ်ခါသုံးတူများ
အောင်သုခမှ ငါးပိရည်ခွက်နှင့် ဒညင်းသီးပြုတ်များ
မျက်ရည်တောက်တောက်ကျလောက်သော စွမ်းအားပြင်းမုန်းဟင်းခါး
ရထားလမ်းပေါ်တွင် သက်စွန့်ဆန်ဖျား ဈာန်ဝင်စွာ စာဖတ်ပြခြင်း
မြောက်ကိုရီးယားသံအမတ်အား စိန်လက်စွပ်တစ်ကွင်း အောင်မြင်စွာ အကြမ်းဖက်ရောင်းချခြင်း
အမြဲတစေ အားစိုက် တွန်းဖွင့်ရသော British Council က မှန်တံခါးထူထူကြီး
ဖုံတွေ အခြေတကျ နေထိုင်ရာ ရှုးဖိနပ်ဖြူဖျော့ဖျာ့
ကြိုးရှည်ရှည်ဖြင့် လှန်ထားခဲ့သော ခပ်ချောချော မာကတ်တင်း မိန်းကလေးများ
Tele Port က မျက်နှာထားတင်းတင်းနဲ့ တဗြောဗြော ငွေရေစက်
အခမဲ့ အော့အန်ခွင့်ရှိသော Junction 8 ရှိ Rest Room
Summit Parkview Hotel Ball Room ထဲမှ ၀ိုင်ဖြူပုလင်းပျောက်ဆုံးမှုကြီး၏ သံသယတရားခံ
DJ Bar ရောင်စုံမီးများအောက်မှ Dancing Floor ရှိ ကောက်ကြောင်းများအား
ဒဿနရှုထောင့်မှ တွေးခေါ်နေခဲ့သော အဆင့်မြင့်ဝေဒနာရှင် ယမကာလုလင်
ဟိုတစ်ဖက်ကမ်းက တရားဒေသနာအရောက်မှာ အသံကြောင်သွားခြင်း
နေဦး မပြီးသေးဘူး
သန်းများတဲ့ ကြောင်တစ်ကောင် ညှောင်လို့အော်နေတာကျန်ခဲ့သေးတယ်
ပြီးတော့ သတိရဖို့ သတိမရတဲ့ သတိမရစရာ အကြောင်းများစွာ
အားလုံး အားလုံးပေါင်းလဒ်ဟာ
များပြားလှပါတယ်။

သုညတွေအားလုံး ပေါင်းလဒ်ဟာ သုညပြည့်လုနီးပါးပဲ
ကဲ… တွေ့ပြီလား
ကျွန်တော်ကလည်း သိပ်နှမြောတတ်တဲ့လူတစ်ယောက်ဆိုတာ…။




တေဇာ (လရောင်လမ်း)