အေးစက်နေသော အက်ဆေးများ

ကိုယ်ပိုင်ရေးမဟုတ်ဘဲ တခြားလူတွေရဲ့စာတွေကိုတင်လို့ ခုတလော ဝေဖန်မှုတွေ ခံနေရပါတယ်။ ဝေဖန်သူများကိုလည်း ကျေးဇူးတင်ပါတယ်။ ဒါပေမဲ့ အများစုဟာ ပို့စ် (Post) ကိုမဖတ်ဘဲ ဘယ်သူရေးတဲ့စာကြီးပဲဆိုပြီး ကျွန်တော့်ကိုပြောလာကြတယ်။ ဒါဟာ တေဇာရေးတဲ့စာပဲ ဖတ်ချင်လွန်းလို့ လာပြောတာတော့ မဟုတ်နိုင်ဘူး။ ဒီအတွက် ကျွန်တော့်မှာ အချိန်တွေ အရမ်းပေါနေလို့ လျှောက်လုပ်နေတာ လို့ပဲမှတ်ကြပါ။ ကျွန်တော် ဖတ်မိလို့ ကျွန်တော်ကြိုက်တဲ့စာတွေ၊ (ကျွန်တော်ကလည်း အဟောင်းတွေဖတ်တာ များတတ်တော့) အလွယ်တကူပျောက်ကွယ် သွားနိုင်တဲ့စာ ကဗျာတွေ၊ ခံစားချက်နဲ့တိုက်ဆိုင်တဲ့ သီချင်းတွေ စသည်ဖြင့်... Type ရိုက်ပြီးပြန် Share လုပ်တာပါ။ ဘယ်သူတွေဘာပြောပြော ကျွန်တော် ဘာလုပ်နေတာဆိုတာ ကိုယ့်ကိုယ်ကိုယ်သိတယ်လို့ ယူဆပါတယ်။ အောက်က အက်ဆေးဆိုတာလေးတွေက ဆရာနေမျိုး ရေးတာပါ။ နှစ်သက်စရာ တစ်စုံတစ်ခုရှိတယ်လို့ ထင်ပါတယ်။ စိတ်ဝင်စားရင် မြည်းကြည့်ကြဖို့ပါ…။
<<<တေဇာ>>>

သူအဝေးကို ပျံသန်းသွားတယ်

သူတို့အားလုံး ၀င်္ကပါထဲမှာ နေထိုင်ကြတယ်။ သူတို့အဖေ၊ သူတို့အဘိုးအဘွား သူတို့ ဘိုးဘေး တွေလည်း ၀င်္ကပါထဲမှာပဲ နေထိုင်လာခဲ့ကြတယ်။ ၀င်္ကပါဆိုတာ ကျယ်ဝန်းကွေ့ကောက်ပြီး ဒီနေရာကိုပဲ ပြန်ပြန် ရောက်တတ်တယ်ဆိုတာ သူတို့ ကလေးဘ၀ကတည်းက သိထားခဲ့ကြပြီ။ နောက်ထပ် သူတို့သိထားတဲ့ အသိတစ်ခုကတော့ ၀င်္ကပါဆိုတာ မြို့တစ်မြို့ရဲ့အမည်ဖြစ်တယ်ဆိုတာပေါ့။ သူတို့ဟာ သူတို့မြို့ကို ချစ်ကြတယ်လေ။ သူတို့မြို့ဟာ အလွန်ထူထဲတဲ့ သတ္တုနံရံတွေနဲ့ တည်ဆောက်ထားတာပေါ့။ ဒါကိုသူတို့ ဂုဏ်ယူကြတယ်။ လူတစ်ယောက် သူ့အိမ်ကထွက်ပြီး လမ်းလျှောက်လိုက်တာနဲ့ ၀င်္ကပါထဲ ရောက်သွားတော့ တာပဲ။ သူဟာ တော်တော်နဲ့ အိမ်ကို ပြန်မရောက်တော့ဘူး။ ဒီလို သာဓကတွေဟာ သူတို့မြို့မှာ အများကြီး ရှိခဲ့ဖူးတာပေါ့။ တချို့ လူငယ်တွေဟာ ၀င်္ကပါဟာ ဘယ်လောက်ကျယ်လေမလဲလို့ စူးစမ်းကြတယ်။ သူတို့ဟာ ကွန်ပါဗူးတွေ၊ အဝေးကြည့်မှန်ပြောင်းတွေ၊ သံလိုက်အိမ်မြောင်တွေနဲ့ စူးစမ်းမှုခရီးစဉ်ကို စတင် ထွက်ခွာလာခဲ့ကြတယ်။ သူတို့ဟာ ၀င်္ကပါထဲကို ရောက်သွားကြတာပါပဲ။ အကြောင်းက သူတို့ ကိုယ်တိုင်ဟာ ၀င်္ကပါထဲမှာ နေထိုင်ကြတာကိုး။ စူးစမ်းစွန့်စားသူလူငယ်တွေဟာ သူတို့အမည်တွေကို သတ္တုနံရံတွေမှာ ရေးထိုးထားခဲ့ကြတယ်။ သူတို့ စူးစမ်းမှုဟာ အချက်အလက်တွေ ဘယ်လောက်ရပြီလဲ။ သူတို့စွန့်စားမှုဟာ ဘယ်လောက်အောင်မြင်ပြီလဲ။ သူတို့ ဘယ်တော့ အိမ်ပြန်ရောက်ကြမလဲဆိုတာ ဘယ်သူမှ သေသေချာချာ ပြောမပြနိုင်ကြဘူး။ သတ္တုနံရံနဲ့ တည်ဆောက်ထားတဲ့မြို့တစ်မြို့ဟာ လမ်းတစ်လျှောက်မှာ တိမ်းမူးဖွယ် ဆွဲဆောင်မှုတွေကလည်း များလှပေသကိုး။ မြို့ကိုကာရံထားတဲ့ သတ္တုနံရံကြီးရဲ့အပြင်ဘက်မှာ ဘာတွေရှိမလဲ လို့ လူငယ်တွေဟာ အသက် ၂၀ အရွယ်မှာ မေးလေ့ရှိကြတယ်။ ဒါပေမဲ့ သူတို့ ဒီထက်ပိုပြီးကြီးပြင်း သွားကြတဲ့အခါ သူတို့မေးခွန်းကိုသူတို့ မေ့သွားကြတော့တာပဲ။ အဲဒီ မေးခွန်းကိုမေးရင် လူကြီးသူမတွေက မကြိုက်ကြဘူး။ မတတ်သာတဲ့အဆုံးမှ သူတို့ဖြေကြရဲ့။ သူတို့အဖြေကတော့ သတ္တုနံရံကြီးရဲ့ ဟိုတစ်ဖက်မှာ မည်းမှောင်ပြီးသိပ်နက်တဲ့ ခြောက်ကမ္ဘားကြီးတွေပဲ ရှိတော့သတဲ့။ တစ်နေ့မှာတော့ လူငယ်လေး တစ်ယောက်ဟာ ခွေးကလေးတစ်ကောင်နဲ့ ၀င်္ကပါထဲကို ရဲရဲတင်းတင်းထွက်ခွာလာတယ်။ သတ္တုနံရံတွေပေါ်က အမည်နာမတွေကို ဖတ်တယ်။ သူ့မှတ်တမ်းစာအုပ်ထဲမှာ မြေပုံကြမ်းတွေ ရေးဆွဲတယ်။ ညအခါ အလွန် အမင်းအေးစက်လာတဲ့ သတ္တုနံရံကြီးတွေကို ပူနွေးလာအောင် သူ့ကိုယ်ခန္ဓာနဲ့ ပွတ်တိုက်တယ်။ သတ္တုနံရံကြီးရဲ့ ဟိုတစ်ဖက်မှာ သူပုံဖော်ထားတာထက်ပိုပြီး ကောင်းမွန်ပြည့်စုံတဲ့ အသစ်တစ်ခုရှိရမယ်လို့ သူက ယုံသူ ဖြစ်ပါတယ်။ တစ်ခါက လူငယ်လေးတစ်ယောက်ဟာ အတောင်ပံတွေပေါက်လာပြီး အဝေးကို ဟိုအဝေးကြီးကို ပျံသန်းသွားတယ်လို့ သူကြီးသူမတွေက နောင်အခါမှာ ပြောစမှတ်ပြုကြတယ်။ သူ့ရဲ့ခွေးကလေးကတော့ ဒီနေ့အထိ ၀င်္ကပါထဲမှာ မဆုံးနိုင်အောင်လှည့်လည်ရင်း ကျန်ရစ်ခဲ့တော့ရဲ့။

နေမျိုး
၂၀၀၂.၁၀.၁
ည ၁၀ နာရီ ၅ မိနစ်အလို