ဇွန်လ၏မိုးရေစက်များကြား လမ်းလျှောက်ထွက်ခြင်း

သာမန်ဇွန်လတစ်လပါပဲ
ခါတိုင်းထက်စောပြီး မုတ်သုန်ဝင်တာကလွဲလို့
မိုးသားမည်းမည်း မိုးသည်းသည်းထဲ
အတိတ်နဲ့ စနစ်တကျအဆက်မဖြတ်တတ်သူ
သူ့နည်းသူ့ဟန် လှနေတဲ့ ညနေခင်းတစ်ခုမှာ
မိုင်ထောင်ချီလမ်းလျှောက်ထွက်ခဲ့ပေါ့…။

လမ်းဘေးတစ်ဘက်တစ်ချက်စီမှာ
မြင်ကွင်းတွေမှောင်လာတယ်
မက်ထရိုပေါ်လတန်ရနံ့များ လွင့်ပါးသွားချိန်
စိမ်ပြေနပြေ လွမ်းမိရတော့တယ်…။

မြစ်မှမဟုတ်ဘူး
လူတွေဖောက်တဲ့ လမ်းတွေဟာလည်း ကွေ့ကောက်တာပဲ
အနိမ့်အမြင့် အဝေ့အ၀ိုက် အတိမ်းအစောင်း
ဦးခေါင်းရဲ့စွမ်းအားပြည့် အသုံးချပါမှ…။

ဖျပ်ခနဲလန့်နိုးမိချိန်တွေမှာ
လက်တွေ့ဘ၀ကို အိပ်မက်လိုမြင်ရတယ်
အဝေးပြေးကားတစ်စီးပေါ် ခုလိုရောက်နေရတဲ့အကြောင်း
အန္တရာယ်နဲ့ လက်ဆွဲနှုတ်ဆက်ဖို့ ကြုံနေရတဲ့အကြောင်း
ကြံဖန်ဝမ်းနည်းကြည့်ဖို့တော့လည်း ကောင်းသား…။


အားမတင်းပါဘူး
ဖြည်းဖြည်းလေးလျှောက်ခဲ့ရုံပါ
ကြိုးစားပြီး သရုပ်မဆောင်ပါဘူး
ခံစားမိသလောက် မျက်ရည်ကျရုံပါ
ဇာတ်ဆရာမှာ ဇာတ်သိမ်းကောင်းကောင်းတစ်ခုရှိကြောင်း
ယုတ္တိမဆန်စွာ ယုံကြည်ပြီးခဲ့လို့…။

တောရိုင်းတောင်ရိုင်းများ တစ်ဘက်က
လျှောက်နေကျမဟုတ်သော လမ်းထက်
လူတစ်ယောက်
အနာဂတ်တစ်ခုဆီ ဦးတည်လျှောက်လျှက်…
တစ်ခါတုန်းက
ဇွန်လမိုးသည်းသည်း တစ်ခုမှာပေါ့…။

<<<တေဇာ>>> June 16 2009