လူနှစ်ယောက်နှင့် စကားကြီး (၁၀) မျိုး

ကိုအာကာ: ကိုတေ burma -Vj ကြည့်ပြီးပလား

tazar: nope

ကိုအာကာ: rapid နဲ့ လင့်ခ်တွေတော့ ရှိတယ် ဆွဲမလား

tazar: ဆွဲကြည့်မယ်လေ.......... ဘာများလဲမသိဘူး

ကိုအာကာ: http://rapidshare.com/files/...blah blah blah.../

tazar: tkz ........ 65 years remaining တဲ့ .... စောင့်ရမှာလား

ကိုအာကာ: account မရှိဘူးလား

tazar: ပရိမီယမ်အခေါင်းလား... မရှိဘူး

tazar: link က ဒေါင်းလို့မရဘူး အယ်ရာပြနေတယ် ထားလိုက်ပါတော့ ကျေးဇူးပဲအစ်ကို .... ။

ကိုအာကာ: ဟုတ်ပြီး လေ ကျွန်တော် convert လုပ်ပြီးရင် send လိုက်မယ်

tazar: အာ... နေပါ့စေ... အားနာစရာကြီး..... (ဟန်လုပ်)

ကိုအာကာ: ဟုတ်ကဲ့ ဒါဆိုလဲ ပြီးတာပါပဲလေ (ရုပ်တည်)

tazar: လွယ်မှပို့လိုက်ပါ.... တကူးတကတော့ မလုပ်ပါနဲ့ (လူပေါ်လူဇော်လုပ်)

ကိုအာကာ: အဲ့ဒီလောက် ကထိကထ များတဲ့ အလုပ်မျိုးဆို ကြုံရင်တော့ လုပ်ဖြစ်ပါတယ် ဒါပေမယ့် ကြုံခဲပါတယ် (ဆင်ဝှေ့ ရန်ရှောင်)

tazar: ကြုံခဲပေမဲ့ ကြုံလာရင်တော့ လုပ်မှာမဟုတ်လားဟင် (ရေစီးဖောင်ဆန်)

ကိုအာကာ: သြော် ကိုတေဇာ လိုအပ်ရင်တော့ လုပ်ဖြစ်မှာပါ (အိုးတန် ဆန်ခပ်)

tazar: ဟိုဆော့ဝဲ၊ ဟိုသီချင်း၊ ဟိုပရိုဂရမ် အဲဒါတွေလည်း ပေးဦးနော် (ရေကူးညာတင်...)

ကိုအာကာ: စိတ်ချ အစီအစဉ် ရှိပါတယ် လိုအပ်တယ်ဆိုရင်ပေါ့ (ကြက်ဆုတ် ခွပ်ပြစ်)

tazar: ကိုအာကာလုပ်ရင် ဖြစ်မှာပါ.. ကျွန်တော်ယုံတယ်... (ကောက်ပင်ရိတ်လှီး)

ကိုအာကာ: ကျွန်တော်တကယ် လုပ်ချင်ရင် ဖြစ်တယ်ဆိုတာ ကိုတေဇာတောင် သတိထားမိနေပြီ နော် (ခပ်တင်မောင်းနင်း) :))

tazar: ကိုအာကာ ခုလို ရှည်ရှည်ဝေးဝေးပြောနေတဲ့နောက်တော့ တကယ်ပို့ပေးတော့မှာပေါ့နော် (ရေစစ်ပမာ)

ကိုအာကာ: ဟုတ်ကဲ့ အချိန်လဲ ရမယ် စက်ပိုင်းဆိုင်ရာ လဲ ကောင်းမွန်နေမယ် ဆိုရင် ကိုတေဇာ အတွက် ရည်ရွယ်ပြီး လုပ်ဖြစ်မှာပါ (တောင်သူ ယာခုတ်)

tazar: အမငိ ...... သေရော
နောက်ဆုံးတစ်ခုမှ ကိုယ့်အလှည့်လာကျတယ်...၊ (ခေတ္တမျှ မန်မိုရီကို အသည်းအသန်အလုပ်ပေးနေသည်...)
အခုလို ပို့ပေးမယ်ပြောလို့... ကျေးဇူးတင်ပါတယ်ခင်ဗျာ (ဆီပွတ်ကျည်ပွေ့)


စကားကြီးဆယ်မျိုး

စကားကြီး ၁၀-မျိုး။ ။ စကားပြောထုံးနည်း ဥပဒေကြီးဆယ်မျိုးဟူလို။

(၁) ရေကူးညာတင်စကား- လိုရာဆိပ်ကမ်းကို ရေညာကတင်၍ကူးမှရောက်သကဲ့သို့
““မိမိလိုရာရောက်အောင်ကြိုတင်၍ စကားပိုဖြင့် ပြောဆိုခြင်း။””

(၂) ကောက်ပင်ရိတ်လှီးစကား- ကောက်ပင်ကို လက်တစ်ဘက်ဖြင့် မြဲမြံစွာဆုပ်၍
တံစဉ်ဖြင့်အရင်းကရိတ်ဖြတ်လျှင်လက်တွင်ရှိသမျှစပါးကိုရသကဲ့သို့ ““သူဆိုသောစကား
မိအောင်ဖမ်းကိုင်ပြီးမှ ပြတ်စဲအောင်ပြောဆိုခြင်း။””

(၃) ရေစီးဖေါင်ဆန်စကား- လိုအင်ဆန်္ဒ ရှိသမျှသောအရာဝတ္ထုတို့ကို ဖေါင်တွင်တင်၍
ဖြည်းညှင်းစွာဆန်တက် သွားလျှင် လိုအင်ကိစ်္စပြီးသကဲ့သို့ ““ခြေသိမ်း ခေါင်းပိုက် ပမာ ပမည်း
ဟပ်စပ်၍ ပြီးပြတ်အောင်ပြောဆိုခြင်း။””

(၄) အိုးတန်ဆန်ခတ်စကား- အိုးနှင့်ဆန် တန်ရုံထည့်၍ချက်လျှင် ကောင်းစွာကျက်နပ်သကဲ့သို့
““ကိုယ်နှင့်ဂုဏ်အင်တန်ရုံ မယုတ်မလွန်ပြောဆိုခြင်း။””

(၅) ဆီပွတ်ကျည်ပွေ့စကား- ကျည်ပွေ့ဖြင့် အကြိမ်ကြိမ်အထပ်ထပ်ဆီပွတ်လျှင် ဆီထွက်၍
မိမိလိုဘတ်ကိစ်္စပြီးသကဲ့သို့ ““လိုရာကိစ်္စပြီးစေခြင်းငှာ ထိုစကားကိုပင်အထပ်ထပ်ပြောဆိုခြင်း။””

(၆) ဆင်ဝှေ့ရန်ရှောင်စကား- ဆင်ထိုးဝှေ့မည်လိုက်လျှင် တိမ်းရှောင်ဖယ်သွေလွတ်ရာ၌
ပြေးလွှဲကာနေရသကဲ့သို့““ကိုယ့်ထံသို့ရောက်မည့်စကားကို ရှောင်လွှဲ၍ပြောဆိုခြင်း။””

(၇) တောင်သူယာခုတ်စကား- တောင်သူလယ်သမားတို့သည် မိမိတို့တည်ခုတ်မည့် လယ်ယာ
မြေကွက်၌ရှေးဦးစွာခြုံပိတ်ပေါင်းနွယ် သစ်ပင်ငယ်တို့ကို ခုတ်ထွင်ရှင်းလင်းပြီးမှသာ သစ်ပင်ကြီး
တို့ကို ခုတ်ထွင်ဖိလှဲသကဲ့သို့ ““စကားငယ်ကိုပြောဆိုပြီးမှ စကားကြီးကိုဖိစီး၍ပြောဆိုခြင်း။””

(၈) ကြက်ဆုတ် ခွပ်ပစ်စကား- ကြက်ခွပ်ရာ၌ နောက်ဆုတ်ဟန်ပြု၍ခွပ်မှသာ ခွပ်ပစ်သကဲ့သို့
““သူ့စကားအလိုသို့ လိုက်တန်ကလိုက်၍ စီးသာမှစီးလျက် ပြီးပြတ်အောင်ပြောဆိုခြင်း။””

(၉) ရေစစ်ပမာစကား- ဓမ္မကရိုဏ်ခေါ် ရေစစ်ကိုရေတွင်နှစ်ကာ ပြည့်မှအပေါက်ကို ပိတ်၍ဆွဲယူ
လိုက်လျှင် ရေမထွက်နိုင်သကဲ့သို့ ““သူတစ်ပါးပြောဆိုခွင့်မရအောင် ပိတ်ဆို့၍ပြောဆိုခြင်း။””

(၁၀) ခက်တင် မောင်းနင်းစကား- မောင်းနင်းသောသူသည် တစ်ဘက်လိုက်ပါတိမ်းစောင်းလွန်း
လျှင် အတင်ခက်၍ မတိမ်းမစောင်းနင်းရသကဲ့သို့ ““ဟုတ်သည်ဖြစ်စေ၊ မဟုတ်သည်ဖြစ်စေ မတင်မကျ
ပြောဆိုခြင်း။””

ဤ “စကားကြီး (၁၀) မျိုး” ကို ဖျာပုံတိုက်သစ်ဆရာတော် အရှင်သြဘာသာဘိဝံသ၏ “သုတေသန သရုပ်ပြအဘိဓာန်” မှ ထုတ်နုတ်တင်ပြပါသည်။