“နားလည်ရန်ခက်ခဲသော အမှားများ”

I cross the stream ...

I have a dream ...

စမ်းချောင်းလေးကို ဖြတ်...

အိပ်မက်တစ်ခု ငါ့မှာ ရှိတယ်...

<<<<<<<<<<<<<<<<>>>>>>>>>>>>>>>>

တစ်နေ့နေ့တစ်ချိန်ချိန်တွင် မဟာဘွဲ့မရမချင်း ဆံပင်ရှည်ထားမည်ဟု ဆုံးဖြတ်ချက်ချရန်... သူ၏ ဆံပင်ခပ်ပါးပါး ဦးခေါင်းအားပွတ်၍ မနေ့ညက သူ ဆုံးဖြတ်ချက်ချခဲ့သည်။ ဖီဒယ်ကတ်စထရို သက်ရှိထင်ရှား ရှိနေပါသေးသည်။ ထိုတော်လှန်ရေးခေါင်းဆောင်ကြီးသည် အရပ်ရှည်သလောက် အသက်လည်း ရှည်သည်။ သို့သော် သူ၏ ဆုံးဖြတ်ချက်ချရန် ဆုံးဖြတ်ချက်ချမှုသည် ကျူးဘားတော်လှန်ရေး မအောင်မြင်မချင်း မုတ်ဆိတ်မရိတ်ဟု ဆုံးဖြတ်ချက်ချခဲ့သော ဖီဒယ်ကတ်စထရိုနှင့် မသက်ဆိုင်ပါ။ သူရဲကောင်း ကိုးကွယ်မှုဝါဒသည် သူ၏နောက်ကျောရှိ မှုန်ဝါးဝါးနှစ်ကာလများ၌ အချိန်အတန်ကြာထဲက ကျကျန်ရစ်ခဲ့ပြီဖြစ်သည်။ အိပ်မပျော်သော ညများ၏ ခြောက်အိပ်မက်တစ်ခုကို ယာယီကုစားရန်အတွက်သာ ထိုဆုံးဖြတ်ချက်အား ဆေးလုံးတစ်လုံးလို သူ မျိုချခဲ့မိခြင်း ဖြစ်ကောင်းဖြစ်ပေမည်။

<<<<<<<<<<<<<<<<>>>>>>>>>>>>>>>>

လူအများနှင့် ထိစပ်မှုမရှိဘဲ စာအုပ်ပုံထဲ၌သာ ခေါင်းမြုပ်နေသော သူ့ကို သူ့သူငယ်ချင်းတစ်ယောက်က ခေါင်းတယမ်းယမ်းဖြင့် စိတ်မကောင်းဖြစ်နေသည်။ သူက စုတ်တသပ်သပ်ဖြင့် သူ့သူငယ်ချင်းကို မတုန့်ပြန်ဖြစ်ခဲ့ပါ။ ပညာသည် စာအုပ်ထဲမှာ ရှိသလော၊ လူထုကြားထဲတွင် ရှိသလော... ကြီးကြီးကျယ်ကျယ် ငြင်းခုန်မှုများ သူမလုပ်လိုပါ။ မြို့ပြတစ်ခွင်လုံး အိုင်ဒီယာများ ညစ်နွမ်းအမှောင်ဖုံး နေချိန်တွင် လေထုညစ်ညမ်းခြင်းကိစ္စ ပေထက်အက္ခရာတင်နေကြသူများကိုသာ နားမလည်နိုင်သည့်မျက်ဝန်းအစုံဖြင့် သစ်ပင်ရိပ်အောက်မှ သူ ငေးကြည့်နေမိသည်။ နေရောင်ခြည်ဒဏ်ကာကွယ်သော ဆပ်ပြာကို သူအသုံးမပြုခဲ့ပါ။ ဆောင်းဦးနံနက်ခင်း စောစောများတွင် နေရောင်ခြည်သည် ကျောသားရင်သားမခွဲခြားဘဲ သူ့အပေါ်သို့ နွေးထွေးစေခဲ့သည်သာ ဖြစ်သည်။ နာဂစ်ဆိုသော ပန်းတစ်ပွင့်သည် စစ်လျော်ကြေးမပေးဘဲ နှုတ်ဆက်ထွက်ခွာသွားခဲ့လေပြီ။ ဒီရေက ခြေတံအနိမ့်ဆုံး အိမ်ငယ်ကလေးများကို စတင်ဝါးမျိုပါသည်။ တောင်ထိပ်တွင် အောင်သေအောင်သားစားနေကြသူများကို မိုးကြိုးပစ်ရန် မိုးနတ်သား၌ တာဝန်မရှိပါ။

<<<<<<<<<<<<<<<<>>>>>>>>>>>>>>>>

ယမမင်း၏ အလှဆုံးသမီးတော်တစ်ပါးနှင့် လက်ဆက်ထိမ်းမြားရန် သူ ဘယ်တုန်းကမှ အိပ်မက်မမက်ဖူးခဲ့။ ငရဲကို ဖောက်ထွက်နိုင်သည်ဟု ကလေးဆန်ဆန် ယုံကြည်ခဲ့ဖူးသောလူတစ်ယောက်သည် သမိုင်း၏ နင့်နင့်နဲနဲ ၀န်ထုပ်ဝန်ပိုးများကို မြေနီလမ်းထက် ပစ်ချခဲ့ရန် မသင့်တော်ပါ။ တစ်နေ့သောအခါ ငရဲပြည်တွင် ငြိမ်းချမ်းရေးပန်းများ ပွင့်လန်းပြီး ချိုးငှက်များ လူးလာပျံသန်းနေကြလိမ့်မည်ဟု သူ ရူးရူးမိုက်မိုက် ယုံကြည်နေဆဲဖြစ်ပါသည်။ ထိုအခါ ဆီပူအိုးထဲတွင် ငရဲသားများ အေးအေးချမ်းချမ်းဖြင့် မိမိတို့၏ အပြစ်ဒဏ်များကို ဆေးကြောပေးဆပ်နိုင်ကြပါလိမ့်မည်။ ယမမင်း၏ သမီးတော်လေးက လှမ်းမျက်စပစ်သည်ကို သူ မသိကျိုးကျွံပြုလိုက်သည်။ သူ၏ ဥဒါန်းကျူးရင့်သံသည် ဟိမ၀န္တာတစ်တောလုံး ပျံ့နှံ့ပဲတင့် မထပ်ခဲ့ပါ။ သူ၏ စိတ်သန္တာန်တွင်သာ ဆတ်ဆတ်ခါ မြည်ဟီးနေလေသည်။ ထိုအသံများကို သူကိုယ်တိုင်သာ ကြားရသည်။ မည်သူတစ်ဦးတစ်ယောက်မျှ ကြားနိုင်မည် မဟုတ်သလို... ကြားရန်လည်း လိုအပ်လိမ့်မည်မဟုတ်ပါ....။

◄ တေဇာ ► စက်တင်ဘာ (၁၄) ၂၀၀၉