“ယုံကြည်ချက်နှင့် သေဒဏ်”

ဘာသာကူးပြောင်းသူများကို ဥပဒေကြောင်းအရ တရားဝင်သေဒဏ်ပေးနိုင်ရန် အီရန် အဆိုပြု

အီရန်လူသတ်အစိုးရက အစ်စလမ်ဘာသာကို စွန့်ခွာသူများအား ဥပဒေကြောင်းအရ သေဒဏ်ပေးရန် စဉ်းစားနေပြီဟု Institute of Religious and Public Policy (IRPP) လူ့အခွင့်အရေးအုပ်စုက ပြောကြားသည်။

ဘာသာရေးယုံကြည်ချက် ကူးပြောင်းသူများကို သေဒဏ်ပေးရန်တောင်းဆိုသော ပြစ်မှုပြစ်ဒဏ်စနစ်အား အဆိုပြုချက်သည် အီရန်နိုင်ငံ၏ သမိုင်းကြောင်းတွင် ပထမဆုံးအကြိမ်ဖြစ်သည်ဟု IRPP က ဖေဖော်ဝါရီလ (၅) ရက်နေ့က ထုတ်ပြန်သည်။

“ဘာသာရေးကူးပြောင်းယုံကြည်မှုဟာ အမြဲတမ်း တရားမ၀င်တဲ့ ကိစ္စရပ်ပါ။ တရားရုံးတွေအနေနဲ့ ထောင်ဒဏ်၊ အလုပ်ကြမ်းနဲ့ သေဒဏ် စတာတွေကို ချမှတ်နိုင်တယ်။ အခုတော့ ဘာသာရေးကူးပြောင်းသူတွေကို သေဒဏ် တစ်ခုတည်းသာ ချမှတ်တော့မှာ ဖြစ်ပါတယ်” ဟု IRPP ဥက္ကဌ ဂျိုးဇက် ဂရီဘော့စကီး (Joseph Grieboski) က ပြောကြားသည်။

အီရန်သည် ဘာသာကူးပြောင်းသူများဥပဒေ (Apostasy Law) ကို ခရစ်ယန်ဘာသာသို့ ကူးပြောင်းသွားသော မူဆလင်များ၊ သဘောထားပျော့ပြောင်းသော လစ်ဘရယ်သမားများနှင့် အီရန်နိုင်ငံ၏ လူနည်းစုဘာသာဝင်များသို့ ပစ်မှတ်ထား အသုံးပြုခဲ့သည်။

“ဒါဟာ အသစ်အဆန်းတော့ မဟုတ်ပါဘူး။ ဒါပေမဲ့ အခုတော့ အစ်စလမ်ဘာသာကို စွန့်ခွာနေသူများကို ပိုပြီး အသက်ရှင်နေထိုင်ဖို့ ခက်ခဲအောင်၊ ကြပ်ကြပ်တည်းတည်းဖြစ်အောင် လုပ်ချင်တာပါပဲ” ဟု အီရန်လူမျိုး ခရစ်ယန် ဘုန်းတော်ကြီးတစ်ပါးက ဆိုသည်။

ဘာသာကူးပြောင်းကိုးကွယ်မှုအတွက် အမျိုးသားများရော အမျိုးသမီးများပါ ကွပ်မျက်ခံရနိုင်သည်ဟု ဥပဒေမူကြမ်း စာပိုဒ်များတွင် ညွှန်းဆိုထားသော်လည်း အခြားနေရာများတွင် အစ်စလာမ်ဘာသာကို စွန့်ခွာသော ယောက်ျားများကိုသာ ကွပ်မျက်ရန် ကန့်သတ်ထားသည်။ အဆိုပြုထားသော ဥပဒေသည် ချက်ချင်း အပြစ်ကင်းလွတ်ခွင့်ရရှိသွားမည်ဖြစ်သော အမျိုးသမီးဘာသာကူးပြောင်းသူများကိုလည်း အကြပ်အတည်း ဖြစ်အောင် လေ့ကျင့်သင်ကြားပေးထားဖို့လိုကြောင်း ဖော်ပြထားသည်။

တစ်ချိန်တည်းမှာပင် အီရန် တရားစီရင်ရေးဆိုင်ရာ အကြီးအကဲက သူ၏ခွင့်ပြုချက်မရဘဲ မည်သည့် လူမြင်ကွင်း ကွပ်မျက်ခြင်းများကိုမျှ မလုပ်ပြုလုပ်ကြရန် အမိန့်ထုတ်ပြန်သည်ဟု ဘီဘီစီက ပြောကြားသည်။

ရှရူဒီ (အီရန်တရားစီရင်ရေးအကြီးအကဲ) က ကွပ်မျက်အပြစ်ပေးသော ဗီဒီယို၊ ဓာတ်ပုံ စသည်များကိုလည်း ပိတ်ပင်ထားသည်။ လူ့အခွင့်အရေး အဖွဲ့အစည်းများက အီရန်သည် လုံခြုံရေးတိုးမြှင့်ရန်နှင့် ကျင့်ဝတ်မညီသော အပြုအမူ (Immoral Behavior) ဟု သူတို့ခေါ်ဆိုသော လုပ်ရပ်များကို လျှော့ချရန် ၂၀၀၇ ခုနှစ်တွင်း လူပေါင်း (၃၀၀) နီးပါးအား ကွပ်မျက်ခဲ့သည်ဟု ဆိုသည်။

ကွပ်မျက်မှုအများစုမှာ အကျဉ်းထောင်အတွင်းဖြစ်ပွားခဲ့ခြင်းဖြစ်ပြီး အချို့သော ရာဇ၀တ်သားများကို လူမြင်ကွင်းတွင်ပင် ကရိန်းများဖြင့် ကြိုးဆွဲချခဲ့ခြင်းဖြစ်သည်။ ရှရူဒီသည် အနောက်နိုင်ငံများနှင့် နိုင်ငံတကာအဖွဲ့အစည်းများက အီရန်နိုင်ငံကို ကျယ်ကျယ်ပြန့်ပြန့် ဝေဖန်နေကြသောကြောင့် ကွပ်မျက်ပြစ်ဒဏ်ပေးမှုစာရင်းကို လျှော့ချချင်နေကြောင်း ကျွမ်းကျင်သူ သတင်းထောက်တစ်ဦးက ပြောကြားသည်။ မီဒီယာများ၏ သတင်းထုတ်ပြန်ချက်များအရ အီရန်နိုင်ငံသည် ယခုနှစ်အတွင်း အကျဉ်းသား (၂၈) ယောက်ခန့်အား ကွပ်မျက်ခဲ့ပြီးဖြစ်သည်။ အီရန်နိုင်ငံ၏ အဓိက ပြစ်မှုကြီးများထဲတွင် လူသတ်မှု၊ မုဒိန်းမှု၊ လက်နက်ကိုင်ဓားပြတိုက်မှု၊ မူးယစ်ဆေးဝါးမှောင်ခိုမှု၊ ဘာသာကူးပြောင်းမှု၊ လိင်ဖောက်ပြန်မှုနှင့် ယောက်ျားချင်း လိင်တူဆက်ဆံခြင်းများ ပါဝင်သည်။

◄ တေဇာ ► Source: freethinker.co.uk