“ပဲခူးစစ်ကိုင်းသို့ ဒုန်းစိုင်းစုန်ဆင်းခြင်း”

နေရာကား ပဲခူးမြို့ကျော်လာပေပြီ။ ဟုတ်ပါသည်၊ လှေကလေးက ကျွန်တော့်ကိုယ်ပိုင် လှေကလေးဖြစ်ပါသည်။ တည်ဆဲ အစိုးရခင်းပေးသော နိုင်လွန်ကတ္တရာလမ်းမဟုတ်သလို၊ ပြည်သူတို့၏ ကိုယ်ထူကိုယ်ထ ကတ္တရာလမ်းလည်း မဟုတ်ခဲ့ပါ။ သဘာဝတရား၏လက်ဆောင်အဖြစ် သူ့အလိုလိုစီးဆင်းနေသော ဤချောင်းရိုးလေးအတိုင်း ကျွန်တော် စုန်ဆင်း၊ သို့မဟုတ် ဆန်တက်လာခဲ့ခြင်းသာ ဖြစ်ပါသည်။ ဟုတ်ပါသည်၊ ကျွန်တော် ပဲခူးမြို့ကျော်လာပါပြီ…။ ပဲခူးမြို့တွင် ထန်းရည်တဲများသို့လည်းကောင်း၊ ကိုယ်ခန္ဓာကို ရောင်းကုန်တစ်ခုအဖြစ် ဈေးကွက်တင်ကြသော မိန်းကလေးများထံသို့လည်းကောင်း ကျွန်တော်မရောက်ဖြစ်ခဲ့ပါ။ ကျွန်တော် ပဲခူးမြို့ကျော်ခဲ့ပါပြီ။ ဖွဲ့နွဲ့စရာရှားပါးသဖြင့် ၀ါကျရှည်စေရန် အားအားယားယားဖွဲ့နွဲ့တတ်ကြသော စာရေးဆရာများကဲ့သို့ ချောင်းရိုးကလေးမှာ လှပသည်ဟု ကျွန်တော် မဖွဲ့နွဲ့ချင်ပါ။ ချောင်းရိုးကလေးမှာ ထူးထူးခြားခြား မလှပသလို ပုံဆိုးပန်းဆိုး မိန်းမမျိုးလည်းမဟုတ်ပါ။ ချောင်းရိုးကလေးသည် ချောင်းရိုးပီသစွာ စီးဆင်းနေသော ချောင်းရိုးကလေးသာ ဖြစ်ပါသည်။ ကျွန်တော် ပဲခူးကျော်ခဲ့ပါပြီ။

နေရာကား စစ်ကိုင်းမြို့ ရောက်ပေပြီ။ ဟုတ်ပါသည်၊ ဤမြင်းမှာ ဆရာကြီးရွှေဥဒေါင်း၏ ၀တ္ထုထဲမှ ဘော်ဖြူမဟုတ်သလို ၀ူခုန်းဇာတ်လမ်းတွဲထဲမှ နတ်မြင်းလည်း မဟုတ်ခဲ့ပါ။ ကျွန်တော်၏ ငယ်မွေးခြံပေါက်မြင်းလေးသာ ဖြစ်ပါသည်။ ဗွေဆိုးမပါသလို၊ အမည်နာမလည်း မရှိပါ။ ဟုတ်ပါသည် ကျွန်တော် ဒုန်းစိုင်းလာခဲ့သည်မှာ စစ်ကိုင်း ရောက်လာပါပြီ…။ စစ်ကိုင်းတောင်ရိုးတွင် တရားအားထုတ်ရန်၊ ဆယ်ကုဋေသော ပူပန်သောကများနှင့် အဆက်ဖြတ်ရန် ကျွန်တော် မရည်ရွယ်ပါ။ သောကများကို ကြောက်လန့်တကြား ရှောင်ပြေးရလောက်အောင် ကျွန်တော် သတ္တိမကြောင်ပါ။ လိမ္မာလေးခြားရှိသော ဒိုဘာမင်လေးတစ်ကောင်အဖြစ်သာ ကျွန်တော် လက်သပ်မွေးထားချင်ပါသည်။ ကျွန်တော် စစ်ကိုင်းရောက်ပါပြီ။ ခွေးဟောင်ခြင်းကြောင့် စိုးစဉ်းမျှ တုန်လှုပ်မှုမရှိသော တောင်တန်းကြီးများကို အစိမ်းရောင်ကတ္တီပါကားချပ်ကြီးသဖွယ် မြင်တွေ့ရသည်၊ သို့မဟုတ် မြင်တွေ့နေရသည်။ သို့သော် ၎င်းတို့သည် သန်းခေါင်ယံအိပ်မောကျချိန်တွင် ချဉ်းကပ်လာသော သူခိုးကိုလည်း သတိပေးနိုင်စွမ်းရှိမနေပါ။ ကျွန်တော့် ဒိုဘာမင်ကလေးသည် တောင်တန်းကြီးများကို ဘယ်တုန်းကမှ ဂရုတစိုက် မဟောင်ခဲ့ပါ။ ဟုတ်ကဲ့၊ ကျွန်တော် စစ်ကိုင်းရောက်ပါပြီ…။


◄ တေဇာ ► စက်တင်ဘာ (၁၁) ၂၀၀၉