“သတ္တ၀ါတစ်ကောင်၏ သတ္တ၀ါတို့အပေါ် အမြင်”

မီမီမီ... ခေါ်လို့မှ လှည့်ကြည့်ရကောင်းမှန်းမသိသော နယူးဒေလီမြို့မှ ကြောင်များကို သူ မချစ်ပါ။ လူသားတစ်ယောက်က တရေးတယူ ခေါ်တာတောင် ဂရုစိုက်ဖော်မရသည့် မာနကြီးလှသော ကြောင်လေကြောင်လွင့်ကြီးများ တိုက်ခေါင်မိုးပေါ်တွင် အိနြေ္ဒကြီးစွာ အိပ်စက်နားနေပါသည်။ ဒေါင်းနှင့်မျောက်များ ရံဖန်ရံခါ တွေ့ရသည်။ နွားများ ကတ္တရာလမ်းမများပေါ်တွင် လမ်းသလားနေသည်။ မျောက်နှင့် ဒေါင်းကို အိန္ဒိယနိုင်ငံတွင် ဘေးမဲ့ပေးထားသည် ဆို၏။ ဒေါင်းက နိုင်ငံတော်ငှက်၊ မျောက်က ဘုရားဟု ဆိုသည်။ သူအမည်မသိသော မြင့်မားလှသည့်သစ်ပင်ကြီးများပေါ်တွင် ဒေါင်းကြီးများ နားနေသည်မှာ သူ့အတွက် တနည်းတဖုံကြောက်မက်ဖွယ် ကောင်းနေသည်။ ပျူစောထီးပုံပြင်ထဲက ရှူးပျံကြီးကိုကြောက်ခဲ့သော ငယ်စဉ်ဘ၀ အစွဲအလမ်းများကြောင့်လည်း ဖြစ်နိုင်သည်။ အရောင်အသွေးစုံလင်လှပသော ဒေါင်းမြီးများကိုမူ ကလေးဘ၀ထဲက သူ စိတ်ဝင်တစားမရှိခဲ့ပါ။ နွားများကတော့ ရန်ကုန်မြို့ရှိလမ်းဘေးခွေးများပမာ လမ်းဘေးနွားများသာ ဖြစ်သည်။ လူကို တစ်စက်ကလေးမှမကြောက်။ ကားလာလည်း လမ်းမဖယ်ပေး။ လမ်းမပေါ်တွင်ပင် ခပ်တည်တည်နေရာယူထားသည်။ အလိုလိုက်ထားလို့ ဆိုးသွမ်းနေသော ချာတိတ်များလို့သာ သူ သဘောထားရသည်။

<<<<<<<<<<<<<<<<>>>>>>>>>>>>>>>>

မျောက်မှ လူသို့ ဆင်းသက်သည်ဆိုရာတွင် “ဆင်းသက်” ဆိုသောစကားရပ်၌ မူရင်းအရည်သွေးမှ

ယုတ်လျော့သွားခြင်း၊ နိမ့်ပါးသွားခြင်း အဓိပ္ပာယ်မျိုး ရှိနေကြောင်း ချောင်းကြည့်ပေါက်မှ မြင်ရသကဲ့သို့

သူမြင်နေရသည်။

<<<<<<<<<<<<<<<<>>>>>>>>>>>>>>>>

ဤနေရာတွင် အရင်က ၀ါတာကိုလာထဲမှ ရေခဲရေကို လာလာခိုးသောက်တတ်သော မျောက်တစ်ကောင်ရှိခဲ့ဖူးသည် ဆို၏။ သူရောက်လာချိန်တွင် ထိုသူငယ် မရှိတော့ပါ။ အိမ်ထောင်ကျသွားခြင်း၊ နယ်ပြောင်းသွားခြင်း၊ မြူနီစပယ်၏ ဖမ်းဆီးထိန်းသိမ်းခံရခြင်း၊ ငှက်ပျောခြံတွင် အလုပ်အကိုင်ကောင်းကောင်းရခြင်း၊ အသည်းကွဲသဖြင့် မိမိကိုယ်ကို အဆုံးစီရင်သွားခြင်း... ဒါမှမဟုတ်လည်း တခြားအကြောင်းတစ်ခုခုကြောင့် ဖြစ်ပေမည်။ ၎င်းနှင့် သူငယ်ချင်းဖြစ်ခွင့်မရခဲ့ခြင်း အတွက် သူ့တွင် ပြဿနာမရှိပါ။ ဒါဝင်လျှောက်တွေးခဲ့သလို ဘ၀ဟောင်းက ဆွေးမျိုးများပမာသာ စူးစမ်းလေ့လာချင်စိတ်ဖြင့် မျောက်များကို သူစိတ်ဝင်စားခဲ့ခြင်းသာ ဖြစ်သည်။

မျောက်မှ လူသို့ ဆင်းသက်သည်ဆိုရာတွင် “ဆင်းသက်” ဆိုသောစကားရပ်၌ မူရင်းအရည်သွေးမှ ယုတ်လျော့သွားခြင်း၊ နိမ့်ပါးသွားခြင်း အဓိပ္ပာယ်မျိုး ရှိနေကြောင်း ချောင်းကြည့်ပေါက်မှ မြင်ရသကဲ့သို့ သူမြင်နေရသည်။ မင်းထင်ကိုကိုကြီး၏ “မျောက်” ကဗျာတွင်မူ မျောက်တစ်ကောင်က ဤသို့ဆိုသည်။ “ကျုပ်ကိုလူတွေက အခန်းထဲထည့် ထားလို့ ချောင်းကြည့်ပေါက်ကနေ လူတွေဘာလုပ်နေလဲ ချောင်းကြည့်မိပါတယ်၊ ကျုပ်ဘာလုပ်နေလဲလို့ ချောင်းကြည့်နေတဲ့ လူရဲ့မျက်လုံးကြီးနဲ့ တည့်တည့်တိုးတော့ တာကိုး...။ ဒီထဲက တစ်နေ့ကျရင် ကျုပ်တို့ လူအဖြစ်ဆင်းသက်ရမယ်ဆိုတာ ပိုသေချာသွားတော့တယ်” ဟု ရေးထားသည်ကို သူအမှတ်ရလိုက်သည်။ “၀က်ဝံများ မီးကိုရှာဖွေတွေ့ရှိခဲ့ကြသည်” ဟူသော သိပ္ပံဝတ္ထုတိုကို ဘာသာပြန်ရန်အလို့ငှာ စိတ်ဝင်တစား ဖတ်ရှုကြည့်ခဲ့သော်လည်း ထူးထူးခြားခြားအချက်အလက်တစ်စုံတစ်ရာ မပါရှိသဖြင့် သူစိတ်လျှော့လိုက်ရဖူးသည်။ ၀က်ဝံများအနေဖြင့် ထိုမီးဖြင့် လူသားများကိုခြောက်လှန့်ရန်အတွက် ဖြစ်နိုင်လိမ့်မည် မဟုတ်ပါ။ လူသားများသည် ဆယ့်တစ်ပါးမကသော မီးများနှင့်ပင် လောင်ကျွမ်းရှင်သန်နေနိုင်စွမ်းရှိသော ထူးဆန်းသတ္တ၀ါတစ်မျိုးဖြစ်ကြောင်းကို ၀က်ဝံလောက၏ “လူသားအကြောင်း သိကောင်းစရာ” စာအုပ်တွင် မဖြစ်မနေထည့်သွင်း ထားသင့်ပေသည်။

◄ တေဇာ ► စက်တင်ဘာ (၁၅) ၂၀၀၉