အတိုးဆုံး ကဗျာများ (၁)

“သန္နိဋ္ဌာန်”

စိတ်ဓာတ်ခိုင်မာသူပီပီ
စိတ်ကူးနဲ့ တိုက်အိမ်ဆောက်မယ်
မယိုင်မလဲ။
ငလျင်တွေကိုယ်တိုင် ပြိုကျတဲ့အထိ။

“ပျော်ရွှင်မှု”

ကဲ ကလေးတွေ
မျက်လုံးကောင်းကောင်းနဲ့ ရှာကြပါဦး
ဘာပျောက်တာပါလိမ့်
ပျော်ရွှင်မှုတဲ့
“မေမေကျန်းမာနေပါတယ်”

“ဖှလော်ဆော်ဖှာ”

အလုပ်မဲ့အကိုင်မဲ့ ဖြစ်နေချိန်မှာ
ပွေးကွက်တစ်ကွက် ရထားလို့သာ
တော်တော့တယ်။
ကုတ်ရင်းကုတ်ရင်း
ဘ၀ဟာ
ကျယ်ပြန့်လာလိုက်တာများ။

“ရှာဖွေတွေ့ရှိမှု”

ဝီစကီဆိုတာ
ဆင်ခြင်တုံတရားဖောင်းပွမှုကို

ထိန်းညှိပေးတဲ့
လူမှုရေးသီအိုရီ တစ်ခုပေါ့။
ရင့်ကျက်မှုသို့ သွားရာလမ်းမှာ
ဖြတ်လမ်းများဟာ ပိုဝေးမြဲ။

“မေတ္တာဘွဲ့”

စေတနာအမှားဆိုတာ
မှားယွင်းခွင့်ရ လိုင်စင်တစ်မျိုးလား
သတ်မှတ်မိုင်နှုန်း ပိုနေသော
လူနာတင်ယာဉ်မှ
ဒဏ်ရာများ ဖိတ်စင်ကျ ကျန်ရစ်။

◄ တေဇာ ►