Skip to main content

Posts

Showing posts from November, 2009

အိပ်မက်ဆန်ဆန် နာရီသံတချို့မှာ...

ပြောင်းလဲဖို့ အသင့်ပြင်နေတဲ့ ကျောက်ရိုင်းတုံး...။   ~လေးဖြူ~ ပန်းပေါင်းစုံ ဝေဆာဖူးပွင့်နေဟန်တူတဲ့ ဥယျာဉ်လေးတစ်ခုထဲ ညက ကျွန်တော် ရောက်သွားဖြစ်တယ်။ ထူးခြားတာက ခုတစ်ကြိမ်မှာ ကျွန်တော့်ဘေးမှာ မိန်းကလေးငယ်တစ်ယောက် ပါနေတာပဲ။ ဒီလို နေရာဒေသနဲ့ ဒီလိုတွဲဖက်မှုမျိုး ကျွန်တော် တစ်ခါမျှ (ဘယ်တုန်းကမျှ) မကြုံဖူးဘူး။ မိန်းကလေးက သာယာလိုက်တဲ့အချိန်ပဲနော်လို့ ကျွန်တော့်ကိုကြည့်ရင်း ပြောလိုက်တယ်။ တကယ်တော့ အခုအချိန်ဟာ ညီမနဲ့ကိုယ် ချစ်သူတွေမဖြစ်ခင်က သာယာလှပတဲ့ အတိတ်တစ်ချိန်ပေါ့ကွယ် လို့ ကျွန်တော်က ပြန်ပြောလိုက်မိတယ်။ ဟွန် လို့ သူမဆီက အာမေဋိတ်အသံ ထွက်လာတယ်။ သူက ကျွန်တော်နဲ့ အဲဒီအချိန်တုန်းက (အတိတ်က) အထိ ချစ်သူတွေမဟုတ်ကြသေးမှန်း ခုမှ သတိပြုမိဟန် တူတယ်။ ကျွန်တော် ကိုယ်တိုင်လည်း ကိုယ့်စကားသံ ကိုယ်ပြန်ကြားမှ အဲဒါကို သတိရသွားသလိုပဲ။ ဒါပေမဲ့ ကျွန်တော့်စကားဟာ အကြွင်းမဲ့မှန်ကန်ပါတယ်လို့ သူရောကျွန်တော်ရော အဲဒီအခိုက်အတန့်မှာ ထူးထူးဆန်းဆန်း ယုံကြည်နေကြတယ်။ ဒါမှမဟုတ် ကျွန်တော်ဟာ သူ့ရဲ့ချစ်သူ ဖြစ်လာမယ့်သူလို့ ရုတ်တရက်သိလိုက်ရလို့ အံ့သြသွားပုံမျိုးနဲ့လည်း တူတယ်။

တမာရိပ်မှ ခါးသက်သက် ကျေးငှက်ငယ်များအကြောင်း

အိမ်နားမှာ ပန်းခြံတစ်ခုရှိသည်။ ဤနေရာတွင် နေထိုင်လာခဲ့သည်မှာ အချိန်အတော်ကြာ သည်အထိ ကျွန်တော် ပန်းခြံအတွင်းသို့ မရောက်ဖြစ်သေး။ တကယ်တော့ ကျွန်တော့် ဘ၀တွင် ပန်းခြံများနှင့် ပတ်သက်ဆက်နွယ်မှုမှ သိပ်မရှိခဲ့ဘဲ။ တွဲသွားတွဲလာစရာ ချစ်သူရည်းစားလည်း မရှိခဲ့သဖြင့် တကယ်တမ်း အားဖြင့် ပန်းခြံများနှင့် ကျွန်တော် တစိမ်းဆန်ပါသည်။ ယခု ရောက်ရှိနေရာ အရပ်တွင်မူ ရပ်ကွက်တစ်ခုလျှင် မကျဉ်းမကျယ်ပန်းခြံလေးများ နှစ်ခုသုံးခုခန့် တွေ့ရလေ့ရှိသည်။ ဖြတ်လမ်းသဘောမျိုး ဖြတ်သန်းသွားလာသည်မှအပ ပန်းခြံများကို အဘက်မလုပ်ခဲ့မိ။ ခုတလောတော့ စာဖတ်ရသည်ကို ငြီးငွေ့သလိုဖြစ်လာသော နံနက်ခင်းများတွင် အိမ်နားရှိပန်းခြံအတွင်းသို့ ကျွန်တော် ဆင်းဆင်းသွားလေ့ ရှိနေခဲ့သည်။ အာလူးကြော်တစ်ထုပ်နှင့် သစ်သီးဖျော်ရည် တစ်ဗူးဝယ်ပြီး တစ်ယောက်ထဲ ထိုင်နေမိတတ်သည်။

သမိုင်းထဲမှ သက်ပြင်းများ

(၁) အဒေါ့ဖ်ဟစ်တလာ လုပ်ကြံသတ်ဖြတ်မှုပေါင်း ၅၀ ကျော် ကြုံတွေ့ခဲ့ရပြီး ထိုထဲတွင် “အပြာရောင်ရူးသွပ်မှုအစီအမံ” (Porn-mad Plan) လည်း တစ်ခုအပါအ၀င်ဖြစ်သည်။ နာဇီခေါင်းဆောင် ဟစ်တလာသည် ခန့်မှန်းချေ ဂျူးလူမျိုး ခြောက်သန်းခန့်ကို သတ်ဖြတ်မှုအတွက် တာဝန်ရှိသူ ဖြစ်ပေသည်။ နှစ်သန်းခန့်သည် လူမျိုးရေးကြောင့်ဖြစ်ပြီး လေးသန်းခန့်မှာ “ဘ၀နှင့်ထိုက်တန်မှုမရှိ” (Unworthy of life) ၊ သို့မဟုတ် ရှင်သန်နေထိုင်ရန် မထိုက်ဟု ဆုံးဖြတ်၍ သတ်ဖြတ်သုတ်သင်ခဲ့ခြင်း ဖြစ်သည်။ ထိုထဲတွင် မသန်စွမ်းသူများ၊ စိတ်ရောဂါခံစားနေရသူများ၊ ဆိုဗီယက်စစ်သုံ့ပန်းများ၊ လိင်တူဆက်ဆံသူများ၊ ဖရီးမေဆင်များ* နှင့် ဂျိုဗက်သက်သေ* များပါဝင်သည်။ ၎င်းလုပ်ရပ်ကို မြေလှန်သုတ်သင်ရှင်းလင်းခြင်း အစီအစဉ်တစ်ရပ်အနေဖြင့် ရည်ရွယ်ချက်ရှိရှိ စနစ်တကျ လုပ်ဆောင်ခဲ့ခြင်းဖြစ်လေသည်။ ထို့ကြောင့် ဤစာရင်းထဲတွင် ဟစ်တလာ နံပါတ်တစ်နေရာက ပါလာခြင်းအတွက် အထူးအထွေအံ့သြစရာတော့မရှိပါ။ ဟစ်တလာသည် သတ်ဖြတ်ရန်ကြံစည်မှုပေါင်း ၅၀ ကျော်ခန့် ကြုံတွေ့ခဲ့ရသည်။ ထိုထဲမှ ပထမဦးဆုံးဖြစ်ရပ်မှာ ၁၉၂၁ ခုနှစ်က မိန့်ခွန့်ပြောကြားအပြီး သေနတ်ဖြင့်ပစ်ခတ်ခံရခြင်းဖြစ်သည်။ ၁၉၃၉ ခုနှစ် အောက်တိုဘာ ၅ ရက်နေ့ ၀ါဆောမြို့တွင

အေးစက်နေသော အက်ဆေး

ဤအက်ဆေးသည် အက်ဆေးတစ်ပုဒ် ဖြစ်ပါသည်။ အဆိုပါဝါကျသည် အပိုအလိုမရှိ ကွက်တိမှန်ကန်မှု ရှိသည်။ တစ်သည် တစ်နှင့်ညီမျှသကဲ့သို့ အက်ဆေးသည် အက်ဆေးသာ ဖြစ်ပါသည်။ သို့သော် အဆိုပါ သင်္ချာဆန်ဆန် မှန်ကန်လှသည့် ၀ါကျတစ်ကြောင်းသည် အရေးအသား တစ်ခုအတွက် သိပ်အထောက်အကူမပြုသလို ဆွဲဆောင်မှုလည်း ရှိမနေပါ။ အက်ဆေးသည် အက်ဆေးဖြစ်ကြောင်း အထောက်အထား ခိုင်ခိုင်လုံလုံဖြင့် သက်သေပြရန်လိုအပ်နေသည်။ အက်ဆေး၏ အဖေသည် အက်ဆေး၏ အမေနှင့် မေတ္တာမျှခဲ့ပြီး တရားဝင်အကြင်လင်မယားဖြစ်ကြောင်း ထည့်သွင်းဖော်ပြဖို့ လိုကောင်းလိုပေမည်။ အဆိုပါ အက်ဆေးမောင်နှံ၏ သားသမီးစစ်စစ် ဖြစ်ကြောင်းလည်း ဤအက်ဆေးသည် ခိုင်မာစွာသက်သေပြရ ပေလိမ့်ဦးမည်။ ထို့ပြင် ဤအက်ဆေး တည်ရှိရာရပ်ဝန်းသည် အက်ဆေးအဖွဲ့အစည်းအတွင်း ဖြစ်ရပေဦးမည်။ ဤသို့ဖြင့် အက်ဆေးအရေးအသားတစ်ခုသည် အက်ဆေးအရေးအသားတစ်ခုအဖြစ် အများသတ်မှတ်လက်ခံနိုင်ရန် အက်ဆေးတစ်ပုဒ်စာ ကြိုးစားအားထုတ်ရပေတော့မည်။ ဆိုလိုရင်းက “ဤအက်ဆေးသည် အက်ဆေးတစ်ပုဒ် ဖြစ်ပါသည်” ဟူသော ၀ါကျတစ်ကြောင်းသည် သီးခြားရပ်တည်နိုင်စွမ်းမရှိသလို မည်သို့မျှ အသုံးမ၀င်သည့် အရေးအသားတစ်ခုသာ ဖြစ်ပါသည်။ ထို့ကြောင့် ဤကဲ့သို့ဝါကျဖွဲ့ဆိုမှုများကို တွေ့ရခဲခြင်း ဖြစ်ပေလိမ့်မည

ရွှေမင်းသမီး၏ ဈာပန

ခဏခဏ ခဏခဏ မေ့ထား... သေခြင်းသေခြင်း သေခြင်းသေခြင်းရဲ့ တရား... ♪ ~The Ants~ ဤစာသားမှာ The Ants အဖွဲ့၏ “သတိ” သီချင်းမှ ဖြစ်ကြောင်း လူငယ်တိုင်း သိကြပါသည်။ အများစု နှစ်သက်ကြသည့် သီချင်းလည်း ဖြစ်ပါသည်။ ထူးခြားသည့်တစ်ချက်က ဤသီချင်းကို ခဏခဏ နားမထောင် ဖြစ်သလို နားထောင်ဖြစ်လိုက်သည့် အချိန်ကျမှသာ “သေခြင်း” အကြောင်း ရုတ်တရက် သတိရမိသွားတတ်ခြင်း ဖြစ်ပါသည်။ သို့သော် သီချင်းစာသားတွင် စွပ်စွဲထားသလို သေခြင်းတရားကို ခဏခဏမေ့ထားသည်ဟုတော့ ကျွန်တော်က ကိုယ့်ကိုယ်ကို မယူဆမိပါ။ ကျွန်တော့်အနေဖြင့် သေခြင်းတရားကို သတိမရခြင်း၊ တစ်နည်း “သတိရဖို့ သတိမရခြင်း” သာ ဖြစ်ပါသည်။ သေခြင်းတရားကို မေ့ထားခြင်းမဟုတ်ပါ။ တကယ်တော့ မေ့ထားသည် ဟူသည့်စကားရပ်တွင် အားထုတ်ရခြင်းသဘော ပါဝင်နေသည်။ တမင်သက်သက် မေ့ဖျောက်ထားရခြင်းမျိုး ဖြစ်ပါသည်။ ရှင်းရှင်းဆိုရလျှင် သေမှာကြောက်လို့ မေ့ထားခြင်းမျိုးဖြစ်ပါသည်။ ကျွန်တော်က ဤသို့ မေ့ထားခြင်းမျိုး မဟုတ်ပါ။ ဘာသိဘာသာ သေခြင်းတရားကို သတိမရခြင်းသာ ဖြစ်ပါသည်။ ဤသို့ သတိမရခြင်းအတွက် ပြဿနာမရှိဟုလည်း ထင်သည်။ သေဖို့အရေး တွေးပူနေရခြင်းဖြင့် အချိန်ကုန်ဆုံးလိုစိတ် မရှိသလို၊ ကျန်းမာနေခြင်းအကြောင်းလည်း တခုတ်တရ ဂု

တစ်ကိုယ်ကောင်း ပီတိ

ခုတလော ပျော်သလိုလိုဖြစ်နေသဖြင့် မိမိကိုယ်ကို တစ်ကိုယ်ကောင်းဆန်သလို ခံစားနေရသည်။ ဒီလိုဆိုတော့လည်း သိပ်မကောင်းလှသေးဟု ဦးနှောက်၏ ဆင်ခြေထုတ်လုပ်ရာ အပိုင်းမှ သတိပေးသည်။ သူ့ဘာသူ ပျော်နေတာ ငါက ဘာတတ်နိုင်မှာတုန်းဟု ဖြေတွေးတွေးရသည်။ ပျော်ခြင်းနှင့် တစ်ကိုယ်ကောင်းဆန်ခြင်း မည်သို့ပတ်သက် နေပါသနည်း။ အတွေးခေါင်သူ တစ်ယောက်အတွက် ကြံဖန်ပတ်သက်နေသည် ဟုသာ ဆိုရလိမ့်မည်။

အကောင်းဆုံးခေတ်ကြီးတွင် ယစ်မူးခြင်း

အကောင်းဆုံးခေတ်ကြီးမှာ အကောင်းဆုံးမဟုတ်သော်လည်း သောက်ပြီးရင် ကောင်းသွားတဲ့ ယမကာရှိတယ်။ အကောင်းဆုံးခေတ်ကြီးမှာ အကောင်းဆုံးမျိုးဆက်တွေရှိတယ်။ အကောင်းဆုံးခေတ်ကြီးမှာ လက်တွေ့ဘ၀ကို ဖြစ်ဖြစ်မြောက်မြောက် တုပထားတဲ့ တီဗီဂိမ်းရှိတယ်။ အဲမှာစတွေ့တယ်…။ အမူးသမားတွေအဖို့ တီဗီဂိမ်းဆော့ချင်တာက အကျင့်လိုဖြစ်နေတယ်။ သောက်စားမူးရစ်ပြီးရင် အလျဉ်းသင့်ရာ သူငယ်ချင်း တစ်ယောက်၊ ဒါမှမဟုတ် နှစ်ယောက်နဲ့ တီဗီဂိမ်းဆိုင် ရောက်ရောက်သွားဖြစ်တာ များတယ်။ တီဗီဂိမ်းဆော့ရင်လည်း များသောအားဖြင့်က ဘောလုံးပဲ ကန်တာပါ။ မူးနေတာဆိုတော့ ကန်မိကန်ရာ နှိပ်နေကြတာပဲ။ ဒါပေမဲ့လည်း အမူးသမားအချင်းချင်းဆိုတော့ လယ်ဗယ်ညီနေတယ်ပဲ ဆိုရမယ်။ ဟုတ်တယ်။ လောကမှာ လယ်ဗယ်ညီတဲ့လူအချင်းချင်းပဲ ဆက်ဆံရတာ ကောင်းတယ်။ မိမိနဲ့ တန်းတူရည်တူ အခြေအနေမှာ မရှိတဲ့ လူတစ်ယောက်ယောက်နဲ့ ပြိုင်ဆိုင်မိတယ်ဆိုရင် နောင်တရမိတတ်တယ်။ မြန်မာ့လက်ဝှေ့ကျော် “တွေ့မရှောင်” ပြောသလို ၀ိတ်တန်းမတူတဲ့ကလေးတွေနဲ့ ထိုးရတာ နိုင်သွားလည်းမကောင်းဘူး၊ ရှုံးသွားလည်းမကောင်းဘူး။ သိပ်မှန်တဲ့စကားလို့ ထင်တာပဲ။ သူ့အနေနဲ့ လောလောဆယ်အခြေအနေမှာ ပွဲတိုင်းကျော် လက်ဝှေ့ကျော်တစ်ယောက်ဖြစ်နေပေမဲ့ ရှုံးသွားလည်းမကောင

ပညာသားပါခြင်းအကြောင်း ခပ်တုံးတုံးတွေးမိခြင်း

U2 အဖွဲ့ရဲ့ ဂီတဟာ တခြားဂီတအဖွဲ့တွေနဲ့စာရင် သိပ်တော့ ထူးခြားကောင်းမွန်နေတာမျိုး မဟုတ်ဘူးဆိုတာကို လက်ခံနိုင်ကြမယ်ထင်တယ်။ ပရိသတ်တွေကလည်း သူတို့ရဲ့ ဂီတထက် အကြောင်းအရာကိုသာ ပွဲဆူနှစ်သက်ကြတာ များပါတယ်။ အန်တီစုအကြောင်း Walk on ဆိုတဲ့ သီချင်းစပ်ပြီးဆိုတာ ကြာခဲ့ပြီ။ အမှန်အတိုင်းပြောရရင် သီချင်းက သိပ်မကောင်းလှဘူး။ သူတို့ဟာ ယနေ့ကမ္ဘာ့ဇာတ်ခုံရဲ့ ဒရာမာအကြောင်းအရာတွေကို သီချင်းလုပ်ဆိုနေတယ်။ ကောင်းပါတယ်။ ဒါပေမဲ့ ဒေါ်စုရဲ့ Image နဲ့ တခြား လူတွေ စိတ်ထိခိုက်ခံစားရတဲ့ တကယ့်ဖြစ်ရပ်တွေကို ယူပြီးသီချင်းရေးစပ်နေတာ တစ်ဘက်က ပြန်တွေးကြည့်ရင် သူတို့ရဲ့ အောင်မြင်ရေးနည်းနာကောင်း တစ်ခုဖြစ်နေတယ်။ သီချင်းသံကြားလို့ ကြက်သီးထကြေးဆို ကမ္ဘာမကြေ.. မြန်မာပြည်..ကို သံပြိုင်ဆိုလည်း ကျွန်တော်တော့ ထတယ်...။ စဉ်းစားစရာကောင်းလှပေမဲ့... အဆိုးမြင်ဝါဒီလို့ သမုတ်ကြတာ ခံရဖန်များလွန်းလို့ စိတ်ထဲမှာပဲ ထားပါတော့မယ်...။ U2 ပရိသတ်အားလုံးရဲ့ အမုန်းဒဏ်တွေ ရောက်လာနိုင်တော့ ဒါလည်း ကျွန်တော်ကိုယ်တိုင်ရဲ့ လူမုန်းများနည်း နိသျှည်းဖြစ်သွားမှာ ကြောက်ရတယ်...။ Walk On Aunty Su ♪ ဘလော့ဂ်ပေါ်တင်ဖို့ ပို့စ်အသစ်မရေးဖြစ်တာ နည်းနည်းကြာပါပြီ။ ရေးပြီးသားတချို့

၂၀၁၂ ဝေဒနာ

၂၀၁၂ မှာ ကမ္ဘာပျက်မယ့်ကိစ္စအကြောင်း အသံဗလံတချို့ ကြားရသည်။ အသံများက တဖြည်းဖြည်း ကျယ်လာသည်။ နောက်ဆုံး နားနားထိကပ်အော်သည်။ ဒီတော့မှ ခပ်ပျင်းပျင်းနှင့်ပင် Google ကို မေးကြည့်ရသည်။ ထုံးစံအတိုင်း Google ဆိုသည့် ဆရာသမားက Yes or No ရှင်းရှင်းလင်းလင်း ဘယ်တော့မှ မဖြေ။ ပျင်းရိငြီးငွေ့ဖွယ်ကောင်းလှသော Link ပေါင်း တစ်သန်းခွဲလောက် ချပြသည်။ ညစ်နေသည့်စိတ်က ဂိတ်ဆုံးထိရောက်သွားသည်။ ညစ်ညစ်နှင့်ပင် ထိုမွစာတက်နေသည့် Link များကို ကျွဲပါးစောင်းတီး လိုက်ဖတ်နေခဲ့သည်။ English ဘာသာနှင့်ရေးထားသည့်စာကို ဖတ်ရသည်က ကျွန်တော့်လိုလူအတွက် သက်တောင့် သက်သာမဟုတ်။ အွန်လိုင်းမှ အလကားပေးသမျှ Dictionary တွေ အကုန်ဖွင့်ထားရသည်။ တံတွေးဆွတ်ပြီး လက်ညှိုးလေးဖြင့် လှန်ရသည့် အဘိဓာန်ကြီး နှစ်အုပ်ကိုလည်း ကွန်ပြူတာဘေး ချထားရသည်။  ညနေခင်းလှလှလေးလည်း ထိုသပွတ်အူ Link များကို ချွေးတလုံးလုံးဖတ်ရင်း ကုန်ဆုံးသွားရသည်။ မကျေနပ်သေး၍ မြန်မာလိုရိုက်ရှာပြန်သည်။ ၂၀၁၂ မှာ တကယ်ပဲ ကမ္ဘာပျက်မှာလားဆိုသည့် စာလုံးကြီး ပြူးနေအောင်မြင်ရသည်။ ခပ်သွက်သွက်ဖတ်ကြည့်သည်။ နာမည်ကြီး မြန်မာဗေဒင်ပညာရှင်တစ်ဦးက အင်တာဗျူးတွင် ခပ်တည်တည်ဖြီးသည်။ ဘလော့ဂ်တစ်ခုတွင် လွန်ခဲ့သည့် တစ်

ရောဂါတို့၏ မူလဇစ်မြစ်

ရေချိုးရခြင်း၊ ရည်းစားစကားပြောရခြင်း၊ ငှားဖတ်ထားသော စာအုပ်အား ပိုင်ရှင်ထံပြန်ပေးရခြင်း အလုပ်များ ပြီးလျှင် ဖောင် (Form) ဖြည့်ရသောအလုပ်မှာ သူ ဇီဇာအကြောင်ဆုံး အလုပ်များတွင် ထိပ်တန်းကျကျ တစ်နေရာမှ ပါဝင်နေပေသည်။ ဇီဇာကြောင်လွန်းမက ကြောင်သောအခါ စိတ်ရောဂါများ အသွင်ဆောင်လာသည်။ စိတ်ပညာကို အထူးစိတ်ဝင်စားသော သူက မိမိ၌ရှိသည့် အဆိုပါစိတ်ရောဂါ အငယ်စား (Neurosis) ကလေးများကို တယုတယ မွေးမြူစောင့်ရှောက်ကာ စောင့်ကြည့်လေ့လာ နေခဲ့ပါသည်။ ရေချိုးပျင်းရောဂါက မွေးရာပါ ပါရမီဟုဆိုနိုင်သည်။ ငယ်စဉ်ဘ၀ထဲက ယနေ့အချိန်ထိ ပျင်းမြဲပျင်းဆဲ ရှိနေတုန်းပင်။ ခုလို အေးခဲနေသည့် အခါများတွင် ထိုရောဂါက ပိုမိုပြင်းထန်တတ်သည်။ ငယ်စဉ်က မျောက်ရှုံးအောင် ဆော့ကစားထားသဖြင့် ညစ်ပတ်ပေတေနေသောသူ့ကို အမေက ရေချိုးခိုင်းလျှင် တော်ကြာနေချိုးမယ်ဟု သူက ဆင်ခြေပေးတတ်ခဲ့သည်။ တော်ကြာနေဆိုသည့်အတိုင်း ဖြစ်နိုင်သမျှ တော်တော်ကို ကြာအောင် အချိန်ဆွဲနေတတ်သည်။ သူက လာမယ့်ဘေးပြေးရှောင်ဆိုသည့် လူစားထဲကဖြစ်ပေသည်။ ဤရောဂါသည် ကလေးဘ၀က ဆိုးကျိုးတစ်စုံတရာမရှိခဲ့သော်လည်း လူပျိုပေါက်အရွယ်ရောက်လာတော့ ကပ်သီးကပ်နိုင် လာသည်။ လိုင်းကားတိုးစီးရာတွင် လက်သည်းကြားတွင် ညှပ်နေသည့်ဂ

ဖြစ်တည်မှုပဓာန ချစ်ဒဏ္ဍာရီ (သို့) ဆတ်နှင့် ဒီဘိုးဗွား

ယန်းပေါဆတ်သည် အမျိုးသမီးများ ၀န်းရံနေခြင်းကို သဘောကျနှစ်သက်သူ ဖြစ်သည်။ မကွယ်မ၀ှက်ဘဲ ဗြောင်ကျမြင်သာမှုကို များစွာ အားပေးထောက်ခံသူ တစ်ယောက်အနေဖြင့် အကြောင်းရင်းကိုလည်း သူက ပွင့်ပွင့်လင်းလင်းပင် ဖွင့်ဟခဲ့သည်။ “ပထမဆုံးအနေနဲ့ ရုပ်ပိုင်းဆိုင်ရာ လက္ခဏာတွေ ရှိပါတယ်။ ရုပ်ဆိုးတဲ့ အမျိုးသမီးတွေ ရှိသလို ကျွန်တော်ကတော့ ချောချောလှလှကို ပိုသဘောကျတတ်ပါတယ်” ဟု “ဆတ်ပြောသော ဆတ်အကြောင်း” အင်တာဗျူးမှတ်တမ်းတွင် သူက ပြောပြခဲ့သည်။ “ပြီးတော့ သူတို့ဟာ ဖိနှိပ်ခံထားရတယ်ဆိုတဲ့ အချက်ပါ။ အလုပ်အကြောင်းတွေပြောပြီး သူတို့က ခင်ဗျားကို ပျင်းရိငြီးငွေ့အောင် လုပ်မှာ မဟုတ်ဘူး။ ဒါကြောင့် ကျွန်တော် အမျိုးသမီးတွေနဲ့ အတူရှိနေရတာကို ပျော်ရွှင်ပါတယ်။ စကားစမြည်ပြောတဲ့အချိန်မှာ အတွေးအခေါ်အကြောင်း တွေပါလာရင် ကျွန်တော် စိတ်မသက်မသာ ဖြစ်မိတာကြောင့်ပါ” ဟု ဆတ်က ဆိုသည်။ “ဆတ်ပြောသော ဆတ်အကြောင်း” ကို ၁၉၇၂ ခုနှစ်၊ ဆတ်၏အသက် (၆၆) နှစ်တွင် ရုပ်ရှင်ရိုက်ကူးခဲ့သည်။ အင်တာဗျူးသူများမှာ စစ်ပြီးနောက် ဆတ်တည်ထောင်ခဲ့သော Les Temps Modernes ဂျာနယ်မှ သစ္စာရှိ အပေါင်းအဖော်များ ဖြစ်ပါသည်။ ဆိုင်မွန်ဒီဘိုးဗွား ရှိလာချိန်မှစ၍ သူတို့နှစ်ဦး၏ ဆက်နွယ်မှုဒဏ္ဍာရီကို ဒီဘိ

ယန်းပေါဆတ်နှင့် တွေ့ဆုံခြင်း (၂)

ဆရာ “မောင်သာမည” ဘာသာပြန်ပါသည်။ ပလေးဘွိုင် ◙  ဒါပေမဲ့ ဆရာတို့ဆီမှာ ဒီအလုပ်သမားကိုပေးဖို့ အဓိပ္ပာယ်လေးနက်တဲ့ ကိုယ်ကျင့်တရား ဥပဒေတစ်ခု ရှိတယ်မဟုတ်ပါလား။ လွတ်လပ်မှုကို ရရှိမယ့် နည်းကောင်းလမ်းကောင်း တစ်ခုခုပေါ့။ ယန်းပေါဆတ် ►  သူ့ရဲ့ပြဿနာက သူ့ရဲ့လွတ်လပ်မှုကို ထိန်းသိမ်းရေးမဟုတ်ဘူး။ သူ့လွတ်လပ်မှုကို အရယူရေးဖြစ်တယ်။ သည်ကနေ့အချိန်မှာ ကိုယ်ကျင့်တရား အစစ်အမှန်ဆိုတာ မရှိပါဘူး။ သည်လိုခေါ်ဝေါ်ဖို့ ထိုက်တန်တဲ့ ကိုယ်ကျင့်တရားဥပဒေရဲ့ အခြေအနေမျိုး မရှိသေးလို့ပါပဲ။ လူတွေဟာ တစ်ယောက်ကို တစ်ယောက် မမြင်နိုင်ကြဘဲ ဖြစ်နေပါတယ်။ ကျွန်တော်ပြောတဲ့အတိုင်း စက်ယန္တရားတွေအမြောက်အမြားက မြင်ကွင်းကို ပိတ်ဆို့တားဆီးနေပါတယ်။ သည်နေ့အချိန်မှာ လူသားအားလုံးသက်ဆိုင်တဲ့ ကိုယ်ကျင့်တရားစနစ် တစ်ခုအကြောင်း ပြောလို့မဖြစ်နိုင်သေးပါဘူး။ ဆိုင်ရာဆိုင်ရာလူတန်းစားတွေနဲ့ပတ်သက်တဲ့ သီးသန့်အကျင့် စရိုက်တွေ ၀ါသနာတွေကိုထင်ဟပ်တဲ့ ကိုယ်ကျင့်တရားမျိုးအကြောင်းပဲ ပြောဖို့ဖြစ်နိုင်ပါမယ်။ လူသားတွေကို လူမှုပုံစံသစ်တစ်ခု၊ လူမှုစနစ်သစ်တစ်ခု ရရှိစေမယ့် အခြေခံအကြောင်းတရားတွေ မရှိသေးပါဘူး။ ကျွန်တော်တို့ရဲ့ လက်ရှိလူ့အဖွဲ့အစည်းလို အရာထဲမှာ ပုဂ္ဂလိကဖိစီးမှုတွေနဲ့ စ

သူ့အိပ်မက်

သဲသောင်ပြင် ဖြူလွလွပေါ်မှာ ရွရွလေး သူ လျှောက်နေတယ်။ အေးမြမြလေညင်းလေးက သူ့ကို ဂရုမစိုက်ဘဲ ပုခုံးချင်း တိုက်သွားတယ်။ ဟုတ်တယ်။ သဘာဝတရားကြီးက သူ့ကို အသိအမှတ်မှ မပြုတာပဲ။ သူ့ကို ရှောင်တိမ်း သွားရအောင်လည်း သူက အရေးမှမပါတာ။ တကယ်တော့ သူ အိပ်မက်မက်နေတာပါ။ အိပ်မက်ထဲမှာ ပင်လယ်ကမ်းခြေ သဲသောင်ပြင်ပေါ်မှာ တစ်ယောက်ထဲ လမ်းလျှောက်နေတယ်။ လရောင်က သူ့အပေါ် ဖြာကျနေတယ်။ လှိုင်းပုတ်သံမှတစ်ပါး အခြားမရှိ။ သက်ရှိဆိုလို့ သူမှအပ မည်သူမျှမရှိ။ ဟုတ်တယ်။ သူ့အပြင် ဒီလောကကြီးထဲမှာ ဘယ်သူများရှိသေးလို့လဲ။ အမြဲတမ်းသူတစ်ယောက်ထဲပဲ ရှိခဲ့တာ မဟုတ်လား။ ဒီအိပ်မက်က သူ မနိုးချင်သေးဘူး။ ဒီနေရာ ဒီအချိန်မှာ သူ ဆက်ရှိနေချင်သေးတယ်။ ပြင်ပကမ္ဘာက တခြားလူတွေကို  ရှိချင်ယောင်ဆောင်ပေးနေရတာကို သူမုန်းတယ်။ သူ့ရဲ့ ကြည်နူးဖွယ်ရာအိပ်မက်ကို ခဏပဲဖြစ်ဖြစ်သဘောထားပြီး သူ ဆက်မက်နေတယ်။ ဒီလို တစ်ယောက်ထဲ ရှိနေရတာကို သူက သဘောကျကျေနပ်နေတယ်။ ခုချိန်မှာ မိန်းကလေးတစ်ယောက် သူ့အနားရှိနေရင် ကောင်းမလားလို့ သူ တွေးမိလိုက်သေးတယ်။ ဒါပေမဲ့ သူ့အတွက် အဖော်တစ်ယောက်ယောက် လိုအပ်မှာ မဟုတ်ဘူးဆိုတာ သူသိနေတယ်။ အောင်မြင်မှုဆိုတာလည်း လိုအပ်မှာမဟုတ်ဘူး။ သူ့အတွက် ဘာဆိုဘာမှ လိုအပ်လိ

ယန်းပေါဆတ်နှင့် တွေ့ဆုံခြင်း (၁)

ဆရာ “မောင်သာမည” ဘာသာပြန်ဆိုထားခြင်း ဖြစ်ပါသည်။ ၁၉၆၄ ခုနှစ်အတွက် စာပေဆိုင်ရာနိုဘယ်ဆုကို ငြင်းပယ်လိုက်သည့်အခါ ပြင်သစ်ဒဿန ဆရာကြီး ယန်းပေါဆတ်ကို လူအများက ပြန်လည် စိတ်ဝင်စား လာကြသည်။ (ထိုအချိန်တွင် သူ၏အသက်မှာ ၅၉ နှစ်ရှိပြီ) လူအများစိတ်ဝင်စားသည့် အရာနောက်သို့ လိုက်ပါတင်ပြကြရသော သတင်းမီဒီယာ သမားတို့သည်လည်း ဆရာကြီးယန်းပေါဆတ်နှင့် တွေ့ဆုံရဖို့ ကြိုးစားခဲ့ကြသည်။ သို့သော် ပုဂ္ဂလိက လွတ်လပ်ခွင့်ကို အလွန်တန်ဖိုးထားသော ယန်းပေါဆတ်နှင့် တွေ့ဆုံရဖို့ကား အလွန် ခက်ခဲသော အခွင့်အလမ်းတစ်ခုဖြစ်ခဲ့သည်။ ယင်းအခက်အခဲများ ကြားမှပင် ကမ္ဘာကျော် Playboy မဂ္ဂဇင်းကြီးသည် ယန်းပေါဆတ်၏ ချစ်မိတ်ဆွေ ဆိုင်မွန်ဒီဘိုးဗွား၏ အကူအညီဖြင့် သူ့ကို တွေ့ဆုံမေးမြန်းခွင့် ရရှိခဲ့သည်။ အောက်တွင် ယင်းတွေ့ ဆုံမေးမြန်းခန်းမှ ကောက်နှုတ်ချက်တချို့ကို ဖော်ပြလိုက်ပါသည်။ ပလေးဘွိုင် ◙ ဒုတိယကမ္ဘာစစ်ကြီးပြီးသွားတဲ့နောက်မှာ ဆရာက အလွန်တင်းကျပ်တဲ့ ဖြစ်တည်မှုဒဿနကို စာတမ်းတွေ၊ ၀တ္ထုတွေ၊ ပြဇာတ်တွေရေးပြီး တင်ပြနေခဲ့ပါတယ်။ တစ်ချိန်တည်းမှာလည်း ကာမဂုဏ်စည်းစိမ်ချမ်းသာတွေနဲ့လည်း ပျော်မွေ့နေတယ်လို့ ပြောကြပါတယ်။ ဓလေ့ထုံးစံတို့ စည်းမျဉ်းစည်းကမ်းတို့ကို ဂရုမစိုက်ဘဲ

ဝိုင်အရက်ဆိုင်

ဝိုင်အရက်ခန်းနံရံမှာ ဘယ်လိုအရက်တွေ ရနိုင်ကြောင်း ဖော်ပြထားတယ် ၀ိုင်အရက် သက်တမ်းတွေကို တွက်ချက်ပြထားတယ် ၀ိုင်အရက် သောက်ပုံသောက်နည်း လမ်းညွှန်ချက်တွေ ကပ်ထားတယ် ၀ိုင်အရက် တစ်ခုစီက ရနိုင်တဲ့ အရသာကို အချက်အလက်ထုတ်ပြထားတယ် ၀ိုင်အရက် သောက်ခြင်းဖြင့် လူကြီးလူကောင်းပီသမှုကို ရရှိမှာဖြစ်ကြောင်း တိုက်တွန်းထားတယ် ၀ိုင်အရက်ခွက်တွေကို စိတ်ကြိုက်ရွေးချယ်နိုင်ဖို့ ပုံစံတွေ ပြထားတယ် ၀ိုင်အရက်သောက်ဖော်သောက်ဖက်တစ်ယောက် လိုအပ်ရင် ဆောင်ရွက်ပေးနိုင်ကြောင်း ကြေငြာထားတယ် ၀ိုင်အရက်စားပွဲ ဘယ်နှစ်လုံးတိတိရှိကြောင်း ရေတွက်ပြထားတယ် ၀ိုင်အရက် မသောက်သုံးခြင်းဖြင့် မိန်းမတွေရဲ့ ငြင်းပယ်ခံရမှာဖြစ်ကြောင်း သတိပေးထားတယ် ၀ိုင်အရက် တစ်လီတာမှာ ဘုရားသခင်ဘယ်လောက်ပါဝင်နေကြောင်း ဆွဲဆောင်ထားတယ် ၀ိုင်အရက် လိုချင်တဲ့ ပင်လယ်ဓားပြသင်္ဘောတွေဆက်သွယ်ဖို့ တယ်လီဖုန်းနံပါတ်တစ်ခု ပေးထားတယ် ၀ိုင်အရက် အထူးအစီအစဉ်အဖြစ် သားကောင်တွေကို ပုဆိန်နဲ့ခုတ်ဖြတ်နေပုံကို တင်ဆက်မှာဖြစ်ကြောင်း ခြိမ်းခြောက်ထားတယ် ၀ိုင်အရက် ကလပ်ရဲ့ စားပွဲထိုးတွေဟာ သွေးစုပ်ဖုတ်ကောင်တွေဖြစ်ကြောင်း ဖုံးကွယ်ထားတယ် ၀ိုင်အရက်ခန်း နံရံမှာ ၀ံပုလွေမျက်လုံးတွေကို မီးလုံး