အေးစက်နေသော အက်ဆေး

ဤအက်ဆေးသည် အက်ဆေးတစ်ပုဒ် ဖြစ်ပါသည်။ အဆိုပါဝါကျသည် အပိုအလိုမရှိ ကွက်တိမှန်ကန်မှု ရှိသည်။ တစ်သည် တစ်နှင့်ညီမျှသကဲ့သို့ အက်ဆေးသည် အက်ဆေးသာ ဖြစ်ပါသည်။ သို့သော် အဆိုပါ သင်္ချာဆန်ဆန် မှန်ကန်လှသည့် ၀ါကျတစ်ကြောင်းသည် အရေးအသား တစ်ခုအတွက် သိပ်အထောက်အကူမပြုသလို ဆွဲဆောင်မှုလည်း ရှိမနေပါ။ အက်ဆေးသည် အက်ဆေးဖြစ်ကြောင်း အထောက်အထား ခိုင်ခိုင်လုံလုံဖြင့် သက်သေပြရန်လိုအပ်နေသည်။ အက်ဆေး၏ အဖေသည် အက်ဆေး၏ အမေနှင့် မေတ္တာမျှခဲ့ပြီး တရားဝင်အကြင်လင်မယားဖြစ်ကြောင်း ထည့်သွင်းဖော်ပြဖို့ လိုကောင်းလိုပေမည်။ အဆိုပါ အက်ဆေးမောင်နှံ၏ သားသမီးစစ်စစ် ဖြစ်ကြောင်းလည်း ဤအက်ဆေးသည် ခိုင်မာစွာသက်သေပြရ ပေလိမ့်ဦးမည်။ ထို့ပြင် ဤအက်ဆေး တည်ရှိရာရပ်ဝန်းသည် အက်ဆေးအဖွဲ့အစည်းအတွင်း ဖြစ်ရပေဦးမည်။ ဤသို့ဖြင့် အက်ဆေးအရေးအသားတစ်ခုသည် အက်ဆေးအရေးအသားတစ်ခုအဖြစ် အများသတ်မှတ်လက်ခံနိုင်ရန် အက်ဆေးတစ်ပုဒ်စာ ကြိုးစားအားထုတ်ရပေတော့မည်။ ဆိုလိုရင်းက “ဤအက်ဆေးသည် အက်ဆေးတစ်ပုဒ် ဖြစ်ပါသည်” ဟူသော ၀ါကျတစ်ကြောင်းသည် သီးခြားရပ်တည်နိုင်စွမ်းမရှိသလို မည်သို့မျှ အသုံးမ၀င်သည့် အရေးအသားတစ်ခုသာ ဖြစ်ပါသည်။ ထို့ကြောင့် ဤကဲ့သို့ဝါကျဖွဲ့ဆိုမှုများကို တွေ့ရခဲခြင်း ဖြစ်ပေလိမ့်မည်။ ထို့ကြောင့် ဤကဲ့သို့ အပိုအလိုမရှိကွက်တိမှန်ကန်မှုရှိသော ၀ါကျများ ရှားပါးခဲ့ခြင်း ဖြစ်ပေလိမ့်မည်။ ထို့ကြောင့် အမှန်တရားသည် နောက်ကွယ်တစ်နေရာမှ ဖြတ်လျောက်အဆင့်သာသာဘ၀သို့ လျောကျခဲ့ခြင်းဖြစ်ပေလိမ့်မည်။ မည်သို့ပင်ဖြစ်စေ ဤအက်ဆေးသည် အက်ဆေးတစ်ပုဒ်သာ ဖြစ်ပါသည်။

အမှန်တရားသည် အလိုဆန္ဒ၊ ဆွဲဆောင်နိုင်စွမ်း၊ ရသ စသည်တို့ဖြင့် မိတ်ဖက်အသွင် မဆောင်သောအခါ တစ်စုံတစ်ယောက်အဖို့ သူ၏ အက်ဆေးအရေးအသားတွင် အမှန်တရားများများ ထည့်သွင်း ဌာပနာနိုင်မည် မဟုတ်တော့ပါ။ ပျော်ရွှင်ကြည်နူးဖွယ်ရာ၊ နှစ်သက်အံ့သြဖွယ်ရာ၊ လွမ်းဆွတ်ကြေကွဲဖွယ်ရာ ရသတစ်ခုခု ပေးစွမ်းနိုင်ရန်မှာ နှစ်နှစ်လီလေး အတွေးအခေါ်ဖြင့် မဖြစ်နိုင်ပါ။ ထို့ကြောင့်ပင် အမှန်ကို ချစ်မြတ်နိုးသည့်အကြောင်း အမှားဆယ်ခါပြန်သုံး၍ ရေးဖွဲ့ရပေသည်။ တစ်စုံတစ်ယောက်သည် အမှန်တရားကို ချစ်မြတ်နိုးကြောင်း အများလက်ခံအသိအမှတ်ပြုနိုင်ရန် မှန်ကန်မှုမရှိသည့် ၀ါကျများဖြင့်သာ ရေးဖွဲ့ရပေတော့မည်။ အမှန်တရားကို ချစ်မြတ်နိုးသူတစ်ဦးတစ်ယောက်သည် အမှားဆန်ဆန်ဝါကျများကို အသုံးပြုရန် လက်ခံသင့်မသင့် စဉ်းစားစရာ ရှိနေပါသည်။ ဤသို့သောအခြေအနေတွင် အမှန်တရားကို စာဖွဲ့၍ မမှီပါဟူ၍ ၀ါကျတစ်ကြောင်းတည်းဖြင့် ပြောနိုင်ခွင့်မရှိတော့ပါ။ နှစ်နှစ်လီလေးနှင့် တစ်နှင့်တစ်ညီမျှသည်ဆိုသော နမူနာစာသားများသည် ပညတ်အမှန်တရားများသာဖြစ်၍ ပကတိအမှန်တရားကို ကိုယ်စားပြုနိုင်ခြင်း၊ ပုံဆောင်နိုင်ခြင်း မရှိခဲ့ပါ။ ဤသို့လျှင် အမှန်တရားအား နိမိတ်ပုံဆောင်စရာ တစ်ခုတလေမျှ အနုပညာသမား၏ လက်ဝယ်ပိုင်ဆိုင်မှုအဖြစ် ရှိမနေတော့ပါ။ ထို့ကြောင့် ဤသို့သော အက်ဆေးများ ရှားပါးခဲ့ခြင်း ဖြစ်ပေလိမ့်မည်။ ထို့ကြောင့် ဤသို့သော ဒေါင်ဒေါင်မြည်အက်ဆေးများ နာဖျားခဲ့ခြင်း ဖြစ်ပေလိမ့်မည်။ ထို့ကြောင့် ၀ါကျဖွဲ့ဆိုမှုသည် စူပါမင်းသား ဖြစ်နေခြင်း ဖြစ်ပေလိမ့်မည်။ မည်သို့ပင်ဖြစ်စေ အမှန်တရားသည် အမှန်တရားသာ ဖြစ်ပါသည်။

အက်ဆေးတစ်ပုဒ်သည် အမှန်တရားမဟုတ်ပါ။ လော့ဂရစ်သမ်စာအုပ်သည် ပကတိအမှန်တရားမဟုတ်ပါ။ တကယ်တမ်းအားဖြင့် ဤအက်ဆေးသည် အဆိုပါဝါကျနှစ်ကြောင်းသာ ပါဝင်သင့်ပေသည်။ ယခုသော် အမှန်တရားများ ဖောင်းပွခဲ့ရပြီ။ ဤအက်ဆေးသည် ရသတစ်ခုခု မပါဝင်ပါ။ ထို့ကြောင့် ရသစာတမ်းဟုလည်း ခေါ်ဆိုနိုင်မည်မဟုတ်ပါ။ အမှန်တရားဖြင့် ဖွဲ့ဆိုနိုင်ခြင်းမရှိသည့် အက်ဆေးကို အမှန်တရားခပ်များများဖြင့် ရေးဖွဲ့ ခဲ့ခြင်းသည် မိုက်မဲမှုသာ ဖြစ်ပေသည်။ နွေးထွေးသည့် ရသခံစားမှုများ မပေးစွမ်းနိုင်သည့်အခါ အေးစက်စက် ဖြစ်နေမည်သာဖြစ်သည်။ ထို့ကြောင့် ဤအက်ဆေးသည် အေးစက်နေသော အက်ဆေးတစ်ပုဒ်သာဖြစ်ပါသည်။ အထက်ပါ ၀ါကျများအားလုံးမှာ မှားယွင်းရေးသားခဲ့မိခြင်းသာ ဖြစ်ပါသည်။ ဤအက်ဆေးသည် အက်ဆေးတစ်ပုဒ် ဖြစ်ပါသည်။

◄ တေဇာ ►နိုဝင်ဘာ (၂၁) ၂၀၀၉