အတိုးဆုံး ကဗျာများ (၂)

“ဓာတ်ပုံ”

ရမ္မက်ခြောက်အောင်စပါသော
ပုံရိပ်ကို ချိန်နေတယ်
မပြုံးပါနဲ့
ကင်မရာတိုင်း မမှိတ်မသုန်
မျက်ခွက်နဲ့ချည်းပဲ
နောက်ဆို
ငါ့ကို မညှို့နဲ့။

“အိမ်”

ဂြိုဟ်သားများ အမှန်တကယ်ရှိသလော
ခေါင်းစဉ်အား
စိတ်ဝင်တစား ဖတ်ရှုနေသော
ဂြိုဟ်သားများ။
မထူးဆန်းသော မြင်ကွင်းများသည်
အံ့ဖွယ်လိလိပြီးသည့်
ဤနေရာ။

“လေလွင့်”

ခြေဦးတည့်ရာ အရပ်ဟာ
မျက်နှာမူရာချည်း ဖြစ်ဖြစ်နေတယ်
လေလွင့်ဖို့ ဦးတည်ခဲ့။
အတိတ်အား နောက်ကောက်ချပြီးနောက်
အနာဂတ်ကို မျက်မှောက်ပြုဖို့
အခု အခု တွေမှာ
အချိန်လုလို့။

“ထောင်”

ကောင်းကောင်းနေ
လျှော့ရက်ရမယ်။
ဒီလိုအခြေအနေအတွက်
ဒီစကားကြားရတော့
မအီမသာ ဖြစ်ရတယ်။
ကမ္ဘာမြေပေါ်က နှစ်,လ စေ့မှ
လွတ်မြောက်ချင်ပါတယ်။

“အဖျား”

ဖြစ်နိုင်ရင်
အမေဇုန်တောထဲ သွားမဆော့ပါနဲ့
ဟုတ်ကဲ့ ဟုတ်ကဲ့ ဟုတ်ကဲ့။
အလွယ်တကူ လိမ္မာကြလို့။
ငါ့မှာကား
မသိသော ပဉာတ်တော်များနဲ့
ဆက်လက်မိုက်မဲဖို့
ခက်ခဲလို့။

◄ တေဇာ ►