ကားကို မင်း အပြင်းအထန် မောင်းပြေးမယ်၊
ကြက်သီးမွှေးညှင်းထမယ်၊ ကြောက်မယ်၊ ဆံပင်တွေ ထောင်လာမယ်
ခဏနေတော့ ကားမောင်းစွမ်းရည်ပြချင်လာမယ်
လွယ်လွယ်မသေမှန်း သိလာမယ်
လွတ်မြောက်ဖို့လည်း ယုံကြည်ချက်ရှိလာတယ်
ဒါပေမယ့် အချိန်ကြာလာတယ်၊ ဘယ်လိုကြီးလဲ
မင်း စိတ်ပျက်လာမယ် သံသယဝင်လာတယ်
ကားကို လမ်းဘေးထိုးချရပ် မျက်စိမှိတ်ထားလိုက်မယ်
အရာရာကို လက်ခံလိုက်တော့မယ်
ခဏနေ ဒိုင်နိုဆောကြီး မင်းကိုအမှုမထားပဲ ပရိုဂရမ်တကျ ပတ်လမ်းအတိုင်း
ကျော်တက်ပြေးလွှားသွားတော့ မင်း တကယ်ရူးသွားတယ်၊
တွေဝေတယ်၊ ပီးဆုံးဖြတ်ချက်ချတယ်
ကားစက်နှိုးပီး အသံထွက်ပီးမီးပဲပွင့်တဲ့သေနတ်နဲ့ နောက်ကလိုက်ပစ်မယ်
အဲဒီတော့ မင်းပျော်လာမယ် ကိုယ့်ကိုယ်ကိုယ် သူရဲကောင်းလို့ ထင်လာမယ်
မင်းနာမည်က ရမ်ဘိုလို့ မှတ်မိလာမယ်၊ ချေမှုန်းသုတ်သင်ရေးစိတ်ဝင်လာမယ်
စစ်သွေးကြွလာတယ်
ဒါပေမယ့် ဒါလည်း အချိန်ကြာလာတယ်၊ မင်းပျင်းလာမယ်
စိတ်ကုန်သွားတယ်
ကားကို လမ်းဘေးထိုးချရပ် မျက်စိမှိတ်ထားလိုက်မယ်
အရာရာကို လက်ခံလိုက်တော့မယ်
ဒိုင်နိုဆောအသစ်တွေ ရမ်ဘိုအသစ်တွေ မင်းဘေးက တလှည့်စီဖြတ်ပြေးသွားကြမယ်
ရမ်ဘိုအကြီးတချို့က နေကာမျက်မှန်အောက်ကနေ မင်းကို စက်ဆုပ်ရွံရှာတဲ့အကြည့်နဲ့ ကြည့်မယ်၊
ရမ်ဘိုအလတ်တွေက မင်းကြားအောင် တံတွေးကို ထွီခနဲထွေးမယ်၊
ရမ်ဘိုဖြစ်ခါစတွေက Mother Fucker လို့ မင်းကို လှမ်းနှုတ်ဆက်မယ်၊
မင်း ကားကို Wallpaper လယ်ကွင်းထဲဆီ မောင်းဝင်လာမယ်
ဟိုးအဝေးဆီက ပလက်စတစ်တောင်တန်းတွေဆီ ဦးတည်ပျံသန်းသွားတဲ့ ရော်ဘာငှက်တစ်အုပ်ကို မင်းငေးကြည့်မယ်
ဆက်ဖှီရိုက်ပီး ပေါ်လာတဲ့ အမှုန်အစုအဝေးတစ်ခုကို မင်းရဲ့ ပရိုဖိုင်ပစ်ချာထဲ ထည့်လိုက်မယ်
ပြီးတာနဲ့ မင်းကိုယ်မင်း ဒီအက်ထီဗိတ်လုပ်လိုက်မယ်။
တေဇာ (လရောင်လမ်း)
#deactivate (Rubber Birds on the Plastic Horizon)
Image: http://i.ytimg.com/vi/KXpnHEqxzbw/hqdefault.jpg
Comments
Post a Comment