ခီဟာရာဇာ (Scheherazade) (၂)

"လူမရှိအိမ်တွေထဲကို ခိုးဝင်မိတုန်းက ကျွန်မဆယ်ကျော်သက်အရွယ်ပဲရှိသေးတယ်" တစ်နေ့တော့ အိပ်ယာပေါ်မှာ သူတို့လဲလျောင်းနေရင်း သူမက ပြောလိုက်တယ်။
သူမပုံပြင်ပြောတဲ့အခါမှာ ဖြစ်တတ်သလို၊ ဟာဘရာ့အဖို့ပြော ပြန်ပြောစရာ စကားလုံးရှာမရဘူး။
"ရှင်ရော တစ်ယောက်ယောက်ရဲ့အိမ်ထဲကို ခိုးဝင်ခဲ့ဖူးလား" လို့ သူမက မေးတယ်။
"၀င်ဖူးတယ် မထင်ပါဘူး" လို့ သူက ခြောက်ကပ်ကပ်အသံနဲ့ ပြန်ဖြေတယ်။
"အဲ့ဒါက တစ်ခါလုပ်ဖူးတယ်ဆိုရင် အခါခါထပ်လုပ်ချင်လာရော"
"ဒါပေမဲ့ ဒါ တရားမ၀င်ဘူးလေ"
"ဘယ်ကလာ.. အန္တရာယ်ရှိတာတော့မှန်တယ်၊ ဒါပေမဲ့ အဲ့ဒါက သိပ်အရသာရှိတဲ့ အလုပ်ရှင့်"
ဟာဘရာက ခပ်ဆိတ်ဆိတ်ပဲ သူမ ဆက်ပြောတာကိုစောင့်နေလိုက်တယ်။

“ဘယ်သူမှမရှိချိန်မှာ သူစိမ်းတစ်ယောက်ရဲ့ အိမ်ထဲမှာ ရှိနေရတာနဲ့ပတ်သက်ပြီး အကောင်းဆုံးအချက်ကတော့ ဘယ်လောက်တိတ်ဆိတ်နေသလဲ ဆိုတာပဲ။ အသံလုံးဝမရှိဘူး။ ကမ္ဘာပေါ်မှာ အဆိတ်ငြိမ်ဆုံးနေရာတစ်ခုနဲ့ တူနေတယ်။ ဘာပဲဖြစ်ဖြစ် ကျွန်မကတော့ အဲဒီလိုပဲ ခံစားရတယ်။ ကြမ်းပြင်ပေါ်မှာထိုင်ရင်း ကျွန်မ ငြိမ်ငြိမ်သက်သက်လေး နေနေတဲ့အချိန်မှာ ကျွန်မရဲ့ စုပ်ကပ်ငါးဘ၀က ကျွန်မဆီပြန်ရောက်လာတယ်။ ကျွန်မအရင်ဘ၀တုန်းက စုပ်ကပ်ငါးဖြစ်ခဲ့တယ်ဆိုတဲ့အကြောင်းကို ရှင့်ကိုပြောပြပြီးပြီ မဟုတ်လား"
"အင်း ပြောပြပြီးပါပြီ"
"အဲဒီလိုလေးပဲ။ ကျွန်မရဲ့ စုပ်ခွက်တွေက ရေအောက်ထဲက ကျောက်တုံးတစ်တုံးဆီမှာ ကပ်နေမယ်၊ ကျွန်မရဲ့ ကိုယ်ခန္ဓာက အပေါ်မှာ ရေမှော်ပင်တွေလို ရှေ့နောက်လူးလွန့်နေမယ်။ အရာအားလုံးက ဆိတ်ငြိမ်လွန်းတယ်။ ဒါက ကျွန်မမှာ နားတွေမရှိတာကြောင့်လည်း ဖြစ်ချင်ဖြစ်မှာပေါ့လေ။ နေသာတဲ့နေ့တွေမှာဆို အလင်းရောင်က ရေမျက်နှာပြင်ထက်ကို မြားတစ်စင်းလို ထိုးစိုက်ကျနေမယ်။ ကျွန်မအပေါ်မှာ အရောင်းမျိုးစုံ၊ ပုံသဏ္ဌာန်မျိုးစုံနဲ့ငါးတွေ မျောပါကူးခတ်နေကြမယ်။ ပြီး ကျွန်မစိတ်ထဲမှာလည်း ဘာအတွေးမှမရှိဘူး။ ဟုတ်တယ်၊ စုပ်ကပ်ဆန်တဲ့အတွေးတွေက လွဲလို့ပေါ့။ သူတို့ကတော့ မှုန်မှုန်ဝါးဝါးပဲ၊ ဒါပေမဲ့ သိပ်သန့်စင်တယ်။ တကယ်တော့ အဲဒီမှာက နေပျော်စရာသိပ်ကောင်းတဲ့ နေရာတစ်ခုပဲ"

******



သူစိမ်းတစ်ယောက်ရဲ့ အိမ်ထဲကို ပထမဆုံးအကြိမ် ခီဟာရာဇာ ခိုးဝင်ခဲ့တုန်းက သူမ အလယ်တန်းကျောင်းသူ ဘ၀မှာပဲ၊ အတန်းထဲက ကောင်လေးတစ်ယောက်ကို အသည်းအသန် ကြိုက်နေခဲ့တယ်လို့ သူမက ရှင်းပြတယ်။ သူက ချောတယ်လို့ ပြောလို့တော့ မရပါဘူး၊ ဒါပေမဲ့ အရပ်မြင့်မြင့်နဲ့ သန့်သန့်ပြန့်ပြန့်ပဲ။ ဘောလုံးအသင်းမှာလည်း ပါတဲ့ ကျောင်းသားကောင်းတစ်ယောက်ပဲ။ ဒီတော့လည်း သူ့ကို အပြင်းအထန် စွဲလန်းမိတယ်။ ဒါပေမဲ့ သူကတော့ အတန်းထဲက တခြားမိန်းကလေးတစ်ယောက်ကို ကြိုက်နေတာ၊ ခီဟာရာဇာကို သတိမထားမိဘူး။ တကယ်ဆိုရင် သူမရဲ့ တည်ရှိမှုက သူ့အသိစိတ်ထဲမှာ လုံးဝရှိမနေတာတောင် ဖြစ်နေနိုင်တယ်။ ဘာပဲဖြစ်ဖြစ် သူမဘက်ကတော့ သူ့ကို စိတ်ထဲက ထုတ်လို့မရဘူး။ တွေ့လိုက်ရုံနဲ့တင် အသက်ရှူမှားတယ်၊ တစ်ခါတလေဆို အော့အန်မိတော့မလားတောင် သူမ ခံစားရတယ်။ ဒီကိစ္စနဲ့ပတ်သက်ပြီး တစ်ခုခုမှမလုပ်ရင်တော့ ရူးသွားတော့မယ်လို့ သူမ တွေးမိတယ်။ ဒါပေမဲ့ သူမ အချစ်ကို ၀န်ခံလိုက်ဖို့ကလည်း မဖြစ်ပြန်ဘူး။

တစ်နေ့မှာတော့ ခီဟာရာဇာတစ်ယောက် ကျောင်းပြေးပြီး အဲဒီကောင်လေးရဲ့ အိမ်ကို သွားတော့တယ်။ နေရာက သူမအိမ်ကနေ ဆယ့်ငါးမိနစ်လောက် လမ်းလျှောက်ရတယ်။ ကောင်လေးရဲ့ မိသားစုအခြေအနေကို အရင်ကတည်းက သူမ စုံစမ်းပြီးပါပြီ။ သူ့အမေက အနီးနားက မြို့တစ်ခုမှာ ဂျပန်ဘာသာသင်ကြားတဲ့ ဆရာမ။ သူ့အဖေက ဘိလပ်မြေကုမ္ပဏီတစ်ခုမှာ အလုပ်လုပ်တယ်၊ လွန်ခဲ့တဲ့နှစ်အနည်းငယ်ကပဲ ကားမတော်တဆမှုဖြစ်ပြီး ဆုံးသွားခဲ့တယ်။ သူ့ညီမကလည်း အလယ်တန်းကျောင်းသူပဲ။ ဒီတော့ နေ့ဘက်တွေမှာ သူတို့အိမ်မှာ လူတစ်ယောက်မှရှိမနေဘူးလို့ အဖြေထွက်နေတယ်။

အိမ်ရှေ့တံခါးကို သော့ပိတ်ထားတာတွေ့တော့ ခီဟာရာဇာ မအံ့သြမိဘူး။ အသာအယာပဲ ကော်ဇောအောက်မှာ သော့ကိုရှာလိုက်တယ်။ အဲ့ဒီမှာ သော့တစ်ချောင်းရှိနေတာ သိပ်သေချာတာပေါ့။ သူတို့လို အေးချမ်းတိတ်ဆိတ်တဲ့ နယ်မြို့လေးတွေမှာ ရာဇ၀တ်မှုနည်းပါးတာပဲ၊ သော့အပိုတစ်ချောင်းဟာ ကော်ဇောအောက်၊ ဒါမှမဟုတ် ပန်းအိုးထဲမှာ ရှိနေတတ်တာပဲ။

ခီဟာရာဇာကတော့ လိုလိုမယ်မယ် လူခေါ်ဘဲလ်ကို တီးလိုက်တယ်။ ပြန်ထူးမယ့်သူမရှိမှန်း သေချာတဲ့အထိ စောင့်နေလိုက်တယ်။ သူမကို တွေ့တဲ့သူတစ်ယောက်ယောက် ရှိမလား လမ်းဘက်ကို လှမ်းကြည့်လိုက်သေးတယ်။ ပြီး တံခါးဖွင့်ပြီး အိမ်ထဲကို ၀င်လာခဲ့တော့တယ်။ အတွင်းထဲကနေ သူမက တံခါးကို ဂျက်ပြန်ချလိုက်တယ်။ ဖိနပ်တွေကိုချွတ်ပြီး ပလတ်စတစ်အိတ်ထဲထည့်ပြီး သူမ ကျောပိုးအိတ်ထဲကို ထပ်ထည့်လိုက်တယ်။ နောက်တော့ လှေကားအတိုင်း အပေါ်ထပ်ကို ခြေဖျားထောက်ပြီး တက်လာခဲ့တယ်။

သူမ တွေးထားတဲ့အတိုင်း သူ့ အိပ်ခန်းက အဲဒီမှာ ရှိနေတယ်။ အိပ်ယာကို သပ်သပ်ယပ်ယပ် ပြင်ဆင်ထားတယ်။ စာအုပ်ဆင်ပေါ်မှာတော့ ပလေယာလေးတစ်ခုနဲ့ စီဒီတချို့ရှိနေတယ်။ နံရံပေါ်မှာ ဘာစီလိုနာဘောလုံးအသင်းဓာတ်ပုံပါ ပြက္ခဒိန်တစ်ခုနဲ့ ဘေးဘက်မှာ အသင်းရဲ့ ခေါင်းစီးလို့ထင်ရတာတစ်ခု၊ ဒါ့အပြင်တော့ ဘာမှမရှိတော့ဘူး။ ပိုစတာမရှိ၊ ဓာတ်ပုံမရှိ။ နို့နှစ်ရောင် နံရံသက်သက်ပဲ။ ပြတင်းပေါက်မှာ အဖြူရောင်လိုက်ကာတစ်ခု ချိတ်ဆွဲထားတယ်။ အခန်းက အတော်လေးကို သပ်ရပ်ပြီး အရာအားလုံးက နေသားတကျပဲ။ စာအုပ်တွေ ဖရိုဖရဲဖြစ်နေတာမရှိ၊ အ၀တ်တွေ ကြမ်းပြင်ပေါ် ပြန့်ကျဲနေတာမရှိ။ သူ့ထဲမှာ မှီတင်းနေထိုင်သူရဲ့ စေ့စေ့စပ်စပ်နိုင်တဲ့ ကိုယ်ရည်ကိုယ်သွေးကို အခန်းက သက်သေခံနေတယ်။ ဒါမှမဟုတ်လည်း အိမ်ကိုစင်းလုံးချောဖြစ်နေအောင် သူ့အမေက ထိန်းသိမ်းထားတာဖြစ်မယ်။ နှစ်ခုစလုံးလည်း ဖြစ်နိုင်တယ်။ ဒီအတွက်တော့ ခီဟာရာဇာ စိတ်မသက်မသာဖြစ်မိတယ်။ အခန်းက ဒီထက်နည်းနည်းပိုပြီး ဖွာရာကျဲနေမယ်ဆိုရင် သူမ အနည်းအကျဉ်းဖွမိရင်လည်း ဘယ်သူမှ သတိပြုမိမှာမဟုတ်ဘူး။ ဒါပေမဲ့ တစ်ချိန်တည်းမှာပဲ၊ အရာအားလုံးနေသားတကျဖြစ်နေတဲ့ အခန်းရဲ့ အလွန်အကျွံသန့်ရှင်းရိုးရှင်းမှုကြောင့် သူမ ပျော်ရွှင်မိတယ်။ သူနဲ့ သိပ်တူနေတာကိုး။

ခီဟာရာဇာက စာကြည့်စားပွဲက ကုလားထိုင်မှာ ၀င်ထိုင်လိုက်ပြီး အဲဒီမှာပဲ ခဏနေနေတယ်။ ဒါကတော့ သူ ညတိုင်းစာကြည့်တဲ့ နေရာပဲဖြစ်လိမ့်မယ်လို့တွေးရင်း ရင်တွေ တဒိတ်ဒိတ်ခုန်နေတယ်။ စားပွဲပေါ်က ပစ္စည်းတွေကို သူမ တစ်ခုပြီးတစ်ခု ကောက်ကိုင်နေမိတယ်။ သူမလက်ချောင်းလေးတွေကြားမှာ ညှပ်လိုက်၊ နမ်းကြည့်လိုက် ပါးနဲ့ကပ်ကြည့်လိုက်ပဲ။ သူ့ ခဲတံလေးတွေ၊ သူ့ ကတ်ကြေး၊ သူ့ ပေတံ၊ သူ့ စတာပလာ။ မပြောပလောက်တဲ့ ပစ္စည်းလေးတွေကလည်း သူ့ဟာဆိုတဲ့ အသိကြောင့် တစ်နည်းနည်းနဲ့ ထူးခြားတောက်ပလာသလိုပဲ။

သူ့စာကြည့်စားပွဲရဲ့ အံဆွဲတွေကို ဆွဲဖွင့်ပြီး အထဲမှာဘာရှိလဲ သူမ ဂရုတစိုက်ကြည့်လိုက်တယ်။ အပေါ်ဆုံးအံဆွဲကို အပိုင်းလေးတွေကန့်ထားပြီး အကန့်တစ်ခုစီမှာ ပြန့်ကျဲနေတဲ့တိုလီမုတ်စလေးတွေနဲ့ အမှတ်တရလက်ဆောင်လေးတွေရှိနေတယ်။ ဒုတိယအံဆွဲမှာတော့ သူ လောလောဆယ်တက်နေတဲ့ အတန်းရဲ့ မှတ်စုစာအုပ်တွေ အများစုက နေရာယူထားတယ်။ အောက်ဆုံး (ပြီး ဇောက်အနက်ဆုံး) အံဆွဲကတော့ စာရွက်စာတမ်းအဟောင်းတွေ၊ မှတ်စုစာအုပ်တွေ၊ စာမေးပွဲမေးခွန်းတွေနဲ့ ပြည့်နေတယ်။ အားလုံးဟာ ကျောင်း၊ ဒါမှမဟုတ် ဘောလုံးနဲ့ ဆက်စပ်နေတာချည်းပဲ။ ကိုယ်ပိုင်ပစ္စည်းတစ်ခုခုကို သူမက တွေ့ချင်တာ။ ဒိုင်ယာရီဖြစ်ဖြစ်၊ ဒါမှမဟုတ် ကိုယ်တိုင်ရေးထားတဲ့စာတွေ၊ ဒါပေမဲ့ စာကြည့်စားပွဲမှာ အဲလိုအရာမျိုး တစ်ခုမှရှိမနေဘူး။ ဓာတ်ပုံလေးတစ်ပုံတောင်မရှိဘူး။ ဒါကိုတော့ ခီဟာရာဇာအနေနဲ့ သိပ်သဘာဝမကျသလို ခံစားရတယ်။ ကျောင်းနဲ့ ဘောလုံးကလွဲပြီး သူ့ဆီမှာ ကိုယ်ပိုင်ဘ၀ မရှိဘူးလား။ ဒါမှမဟုတ် ကိုယ်ရေးကိုယ်တာ ပစ္စည်းအားလုံးကို ဘယ်သူမှမမြင်နိုင်အောင် တစ်နေရာရာမှာ ဂရုတစိုက်ဖွက်ထားခဲ့တာလား။

ဘာပဲဖြစ်ဖြစ်၊ စာကြည့်စားပွဲမှာထိုင်ရင်း သူ့လက်ရေးနဲ့ရေးထားတဲ့စာကို မျက်လုံးရွေ့လျားပြီး ဖတ်နေရုံသက်သက်နဲ့ကို ခီဟာရာဇာ ခံစားချက်တွေကြီးမားလာတယ်။ တည်ငြိမ်မှုရအောင်လို့ ကုလားထိုင်ကထပြီး ကြမ်းပြင်ပေါ်မှာ သူမ ထိုင်ချလိုက်တယ်။ ပြီး မျက်နှာကြက်ကို ကြည့်နေလိုက်တယ်။ သူမ အနားမှာတော့ လုံးဝ တိတ်ဆိတ်ငြိမ်သက်နေတယ်။ ဒီနည်းနဲ့ သူမဟာ စုပ်ခွက်ကမ္ဘာဆီ ပြန်လည်ဝင်ရောက်သွားတော့တယ်။

*****

"ဒီတော့ ခင်ဗျားလုပ်ခဲ့သမျှက၊ သူ့အခန်းထဲဝင်မယ်၊ သူ့ပစ္စည်းတွေကို လျှောက်မွှေမယ်၊ ပြီးရင် ကြမ်းပြင်ပေါ်ထိုင်မယ်၊ ဒါပဲပေါ့" လို့ ဟာဘရာက မေးလိုက်တယ်။
"မဟုတ်ဘူး၊ အဲဒါထက်ပိုသေးတယ်။ ကျွန်မ အိမ်ယူသွားဖို့ သူ့ပစ္စည်းတစ်ခုခုကို လိုချင်သေးတယ်။ သူနေ့တိုင်း ထိတွေ့နေတဲ့ တစ်ခုခု၊ ဒါမှမဟုတ် သူ့ကိုယ်ခန္ဓာနဲ့ နီးနီးစပ်စပ်ရှိနေမှာတစ်ခုခုပေါ့။ ဒါပေမဲ့ ပျောက်နေမှန်း သူသတိထားမိနိုင်လောက်အောင် အရေးမကြီးတဲ့ ပစ္စည်းလည်းဖြစ်ရမယ်။ ဒါနဲ့ သူ့ ခဲတံလေးတွေထဲက တစ်ချောင်းကို ကျွန်မ ခိုးလာခဲ့တယ်"
"တစ်ချောင်းတည်းလား"
"အင်း။ သူ သုံးပြီးသားတစ်ချောင်းပဲ။ ဒါပေမဲ့ ခိုးရုံနဲ့ မလုံလောက်သေးပြန်ဘူး။ ဒီအတိုင်းဆိုရင် ခိုးမှုဆိုတာ ရှင်းရှင်းကြီးဖြစ်နေမယ်။ ဒီကိစ္စကို ကျွန်မလုပ်ခဲ့တယ်ဆိုတဲ့အချက်ဟာ ပျောက်နေလိမ့်မယ်။ တကယ်တော့ ကျွန်မက အချစ်သူခိုးပဲလေ"

အချစ်သူခိုး။ အသံတိတ်ရုပ်ရှင်ကားတစ်ကားရဲ့ နာမည်နဲ့တူသားလို့ ဟာဘရာ ထင်လိုက်မိတယ်။
"ဒါနဲ့ ကျွန်မလည်း အဲ့ဒီနေရာမှာ တစ်ခုခုချန်ထားခဲ့ဖို့ ဆုံးဖြတ်လိုက်တယ်။ အမှတ်အသားတစ်ခုခုပေါ့။ ကျွန်မ ဒီနေရာကို ရောက်ခဲ့တဲ့ သက်သေပေါ့။ ရိုးရိုးခိုးမှုသက်သက်မဟုတ်ဘူး၊ ဖလှယ်မှုတစ်ခုပဲလို့ ကြေငြာနိုင်တာတစ်ခုခုပေါ့။ ဒါပေမဲ့ အဲဒီပစ္စည်းက ဘာလဲ။ ကျွန်မခေါင်းထဲမှာ ပေါ်မလာဘူး။ ကျွန်မကျောပိုးအိတ်နဲ့ အိတ်ကပ်တွေထဲ လိုက်ရှာကြည့်တယ်၊ ဒါပေမဲ့ သင့်လျော်မယ့်ဟာတစ်ခုခု ရှာမတွေ့ဘူး။ အစကတည်းက သင့်လျော်မယ့်ပစ္စည်းတစ်ခုခု ယူလာဖို့ ကြိုတင်မစဉ်းစားမိတာကို ကိုယ့်ကိုယ်ကိုယ် ဒေါသထွက်မိတယ်။ နောက်ဆုံးတော့ ကျွန်မရဲ့ လစဉ်သုံးပုဝါလေးကို ချန်ခဲ့ဖို့ ဆုံးဖြတ်လိုက်တယ်။ ပလတ်စတစ်ပါကင်ထဲမှာပဲ ရှိနေတဲ့ မသုံးရသေးတဲ့ ပုဝါလေးပေါ့။ ရာသီလာဖို့အချိန်ကလည်း နီးနေတော့ အဲ့ဒါလေးကို ကျွန်မ လိုလိုမယ်မယ် ဆောင်ထားမိခဲ့တယ်။ အဲ့ဒါလေးကို အောက်ဆုံးအံဆွဲရဲ့ အနောက်ဆုံးမှာ ကျွန်မ ဖွက်လိုက်တယ်၊ ရှာတွေ့ဖို့ မလွယ်တော့ဘူးပေါ့။ အဲ့ဒီလုပ်ရပ်က ကျွန်မကို စိတ်ထလာစေတယ်။ ကျွန်မရဲ့ လစဉ်သုံးပုဝါလေးဟာ သူ့ရဲ့ အံဆွဲထဲ ပုန်းခိုနေတယ်ဆိုတဲ့အချက်က ကျွန်မကို စိတ်ထလာစေတာပဲ။ အဲဒါပြီးတော့ ချက်ချင်းဆိုသလိုပဲ ကျွန်မ ရာသီစ,လာတာ ကျွန်မစိတ်တွေ အရမ်းထနေတာကြောင့် ဖြစ်နိုင်တယ်"

*****

ခဲတံတစ်ချောင်းအတွက် လစဉ်သုံးပုဝါတစ်ထည်တဲ့လားလို့ ဟာဘရာ တွေးမိတယ်။ ဒါ သူ့ဒိုင်ယာရီစာအုပ်ထဲ ဒီနေ့ချရေးသင့်တဲ့ အချက်ဖြစ်မယ်ထင်တယ်။ "အချစ်သူခိုးမ၊ ခဲတံ၊ လစဉ်သုံးပုဝါ"။ ချရေးလိုက်ရင် ဘယ်လိုနေမလဲ သူသိချင်တယ်။
"သူ့အိမ်ထဲမှာ ကျွန်မရှိနေတာ ဆယ့်ငါးမိနစ်ဝန်းကျင်လောက်ပါပဲ။ အဲဒါထက်လည်း ပိုကြာအောင်နေလို့မရတော့ဘူး၊ ဒါ ကျွန်မ အိမ်တစ်အိမ်ထဲခိုးဝင်ဖူးတဲ့ ပထမဆုံးအတွေ့အကြုံဆိုတော့ ကျွန်မရှိနေတုန်း တစ်ယောက်ယောက် ပြန်ရောက်လာမှာ ကြောက်တယ်။ လမ်းကြောင်းရှင်းမှန်းသေချာအောင် လမ်းပေါ်ကို ကျွန်မချောင်းကြည့်တယ်၊ တံခါးထဲက လှစ်ခနဲထွက်ပြီး သော့ပြန်ပိတ်တယ်။ ပြီး သော့တံကို ကော်ဇောအောက်ပြန်ထားလိုက်တယ်။ ပြီးတာနဲ့ ကျွန်မ ကျောင်းကိုတန်းသွားတယ်။ သူ့ရဲ့ တန်ဖိုးကြီးလွန်းတဲ့ ခဲတံကို ယူပြီးတော့ပေါ့"

ခီဟာရာဇာက အသံတိတ်သွားတယ်။ သူမကိုကြည့်ရတာ၊ အတိတ်ဆီကို ပြန်ရောက်သွားပြီး အဲဒီအချိန်ကဖြစ်ပျက်ခဲ့တာ တစ်ခုချင်းစီကို ပုံဖော်နေသလိုပဲ။
"အဲ့ဒီတစ်ပတ်ကတော့ ကျွန်မဘ၀မှာ အပျော်ဆုံးအချိန်ပဲ" လို့ အချိန်အကြာကြီး တိတ်နေပြီးမှ သူမက ပြောလိုက်တယ်။ "သူ့ခဲတံလေးနဲ့ ကျွန်မမှတ်စုစာအုပ်ထဲမှာ ရောက်တတ်ရာရာ ချရေးတယ်။ ခဲတံလေးကို အနံ့ခံကြည့်၊ နမ်းကြည့်တယ်။ ပါးနဲ့ပွတ်ကြည့်တယ်၊ လက်ခေါင်းလေးတွေကြားထဲ လှည့်ပြီး ကစားတယ်။ တစ်ခါတလေဆို ပါးစပ်ထဲထည့်ပြီးတောင် စုပ်ကြည့်မိသေးတယ်။ ရေးတာများလေလေ၊ ခဲတံလေးက တိုလာလေလေဆိုတော့ ကျွန်မ စိတ်ထိခိုက်ရတယ်။ ဒါပေမဲ့ မရေးဘဲလည်း မနေနိုင်ဘူး။ သိပ်တိုသွားရင်တော့ နောက်တစ်ခေါက်ပြန်သွားပြီး နောက်တစ်ချောင်းထပ်ယူနိုင်သားပဲလို့ ကျွန်မ တွေးမိတယ်။ ခဲတံလေးတစ်ချောင်းပျောက်တာကို သူ သတိထားမိမှာမဟုတ်ဘူးလေ။ ပြီးတော့ သူ့အံဆွဲထဲမှာ ကပ်နေတဲ့ လစဉ်သုံးပုဝါလေးကိုလည်း သူ မတွေ့သေးတာဖြစ်နိုင်တယ်။ အဲ့ဒီအတွေးက ကျွန်မကို အတောမသတ် စိတ်လှုပ်ရှားစေတယ်၊ အောက်ပိုင်းမှာ ထူးဆန်းတဲ့ ယားကျိကျိ ခံစားချက်တစ်မျိုးရစေတယ်။ အပြင်ကမ္ဘာမှာတော့ သူ ကျွန်မကို ကြည့်ကြည့်မကြည့်ကြည့်၊ ကျွန်မရဲ့ တည်ရှိမှုကို သတိပြုမိမိ မမိမိ ကျွန်မ ဘာမှမဖြစ်တော့ဘူး။ သူ့ဆီကတစ်ခုခု၊ သူ့ရဲ့ အစိတ်အပိုင်းတစ်ခုကို ကျွန်မ တိတ်တိတ်ကလေးပိုင်ဆိုင်ထားပြီ မဟုတ်လား"

*****

နောက်ဆယ်ရက်အကြာမှာ ခီဟာရာဇာ ကျောင်းထပ်ပြေးပြီး ကောင်လေးအိမ်ကို ဒုတိယအကြိမ်ရောက်ခဲ့ပြန်တယ်။ နံနက်ဆယ့်တစ်နာရီထိုး၊ အရင်ကလိုပဲ ကော်ဇောအောက်က သော့တံကို စမ်းပြီး တံခါးဖွင့်လိုက်တယ်။ ဒီတစ်ခါလည်း သူ့အခန်းက အပြစ်ပြောစရာမရှိအောင် အစီအစဉ်တကျပဲ။ ပထမဆုံး သုံးလို့အတော်ရသေးတဲ့ ခဲတံတစ်ချောင်းကို ရွေးယူပြီး သူမ ကွန်ပါဗူးထဲ ဂရုတစိုက်ထည့်လိုက်တယ်။ ပြီးတော့ သူ့အိပ်ယာပေါ်မှာ ခပ်ဖွဖွလှဲလိုက်တယ်၊ လက်တွေကို ရင်ဘတ်ပေါ်မှာယှက်ထားပြီး မျက်နှာကြက်ကို ကြည့်နေလိုက်တယ်။ ဒါ သူ နေ့တိုင်းအိပ်နေတဲ့ အိပ်ယာပဲ။ အဲဒီအတွေးက သူမနှလုံးခုန်သံကို မြန်စေတယ်၊ နောက်တော့ အသက်ရှူဖို့တောင် ခက်လာတယ်။ သူမ အဆုတ်တွေထဲမှာ လေတွေနဲ့ပြည့်ပြီး လည်ချောင်းက ချောက်ကပ်နေလို့ အသက်ရှူလိုက်တိုင်း နာကျင်လာတဲ့အထိပဲ။

ခီဟာရာဇာက အိပ်ယာပေါ်က ထလိုက်တယ်၊ အိပ်ယာခင်းတွေကို ဆန့်ပြီး ပထမအကြိမ်လာတုန်းကအတိုင်း ကြမ်းပြင်ပေါ်မှာ ထိုင်လိုက်တယ်။ သူမ မျက်နှာကြက်ကို မော့ကြည့်တယ်။ သူ့အိပ်ယာပေါ်တက်အိပ်ဖို့အတိ ငါအဆင်သင့်မဖြစ်သေးဘူးလို့ သူမ တွေးလိုက်တယ်။ ဒါဆိုရင်တော့ သိပ်များသွားလိမ့်မယ်။
ဒီတစ်ကြိမ်တော့ အိမ်ထဲမှာ ခီဟာရာဇာ နာရီဝက်လောက်နေလိုက်တယ်။ အံဆွဲထဲက သူ့ မှတ်စုစာအုပ်တွေကို ဆွဲထုတ်ပြီး ကိုင်တွယ်ကြည့်ရှုတယ်။ စာအုပ်အညွှန်းတစ်ခုတွေ့တာနဲ့ ဖတ်ကြည့်လိုက်တယ်။ Soseki Natsume ရဲ့ "Kokoro" ၀တ္ထု၊ နွေရာသီစာဖတ်သင်ခန်းစာပဲ။ သူ့လက်ရေးက လှတယ်၊ အေ-အဆင့်ကျောင်းသားတစ်ယောက်ဆီက မျှော်လင့်ရတဲ့ လက်ရေးမျိုး၊ အကျအပေါက် ကင်းတယ်။ အဲ့ဒီအပေါ်က အမှတ်ကလည်း "တော်" အဆင့်။ တခြားရော ဘာများဖြစ်နိုင်မလဲ။ ဒီလောက် သပ်ရပ်တဲ့လက်ရေးလက်သားကို တွေ့လိုက်တဲ့ ဆရာတစ်ယောက်အနေနဲ့ အလိုလို "တော်" ပေးမိပြီးသားဖြစ်သွားမှာပဲ၊ တစ်ကြောင်းနှစ်ကြောင်း ဖတ်ကြည့်ဖို့ စိတ်သိပ်မပါဘူးဆိုရင်တောင်မှပေါ့။

*****

ရှာဟာရာဇာက အံဆွဲရဲ့ အလယ်ခေါင်ကို ဆက်ရှာကြည့်တယ်။ အစီအရီရှိနေတာ ဘာတွေများဖြစ်မလဲ စစ်ဆေးကြည့်တယ်။ သူ့ရဲ့ အတွင်းခံနဲ့ ခြေအိတ်တွေ။ ရှပ်အင်္ကျီနဲ့ ဘောင်းဘီ။ ပြီးတော့ သူ့ဘောလုံးအင်္ကျီ။ အားလုံးကို သပ်သပ်ရပ်ရပ် ခေါက်ထားတယ်။ အစွန်းအထင်း၊ ချုပ်ရိုးပြေတာ တစ်ခုမှမရှိဘူး။ ဒါ သူကိုယ်တိုင်ခေါက်ထားတာလား။ ဒါမှမဟုတ် သူ့အမေခေါက်ပေးထားတာက ပိုဖြစ်နိုင်တယ်။ သူ့အမေကို မနာလိုစိတ် သူမရင်ထဲမှာ ဟုန်းခနဲဖြစ်ပေါ်လာတယ်။ ဒီလိုအလုပ်တွေကို သူ့အတွက် နေ့တိုင်းလုပ်ပေးနိုင်နေလို့လေ။

ခီဟာရာဇာက ခေါင်းကိုငုံ့လိုက်ပြီး အံဆွဲထဲက အ၀တ်အစားတွေ တရှုံ့ရှုံ့နမ်းကြည့်တယ်။ အားလုံးက လတ်လတ်ဆတ်ဆတ် လျှော်ဖွပ်ထားပြီး နေနံ့လေးသင်းနေတယ်။ သူမက မီးခိုးရောင်တီရှပ်တစ်ထည်ကို ဆွဲယူပြီး ဖြန့်လိုက်တယ်၊ ပြီး သူမမျက်နှာမှာ ကပ်ထားလိုက်တယ်။ ချိုင်းမှာ ချွေးနံ့လေးသဲ့သဲ့များ ကျန်နေမလား။ သူမ မျှော်လင့်ထားသလို ဘာအနံ့မှ မကျန်ဘူး။ ဘာပဲဖြစ်ဖြစ် အင်္ကျီလေးကို မချနိုင်သေးဘဲ သူမနှာခေါင်းနားကပ်ပြီး ရှူသွင်းလိုက်တယ်။ ဒီအင်္ကျီလေးကို သူမ ယူသွားချင်တယ်။ ဒါပေမဲ့ သိပ်ပြီး စွန့်စားလွန်းရာကျမယ်။ ဒီအ၀တ်တွေက စေ့စေ့စပ်စပ် စီစဉ်ထိန်းသိမ်းထားတာ။ သူ (ဒါမှမဟုတ် သူ့အမေ) က အံဆွဲထဲမှာရှိတဲ့ တီရှပ်အရေအတွက်ကို အတိအကျသိနေနိုင်တယ်။ တစ်ထည်လောက် ပျောက်သွားတာနဲ့ ပြဿနာအကြီးအကျယ် တက်နိုင်တယ်။ ခီဟာရာဇာက တီရှပ်လေးကို ဂရုတစိုက်ပြန်ခေါက်ပြီး သူ့နေရာသူ ပြန်ထားလိုက်တယ်။ အဲ့ဒီအစား အံဆွဲတစ်ခုထဲကတွေ့တဲ့ ဘောလုံးနဲ့ ခပ်ဆင်ဆင် တံဆိပ်ပြားလေးတစ်ခုကို သူမ ကောက်ယူလိုက်တယ်။ သူမူလတန်းတုန်းက ပါဝင်ခဲ့တဲ့ ဘောလုံးအသင်းက တံဆိပ်ဖြစ်မယ်။ ဒါလေးကိုတော့ သူ သတိရချင်မှရလိမ့်လို့ သူမ တွေးမိတယ်။ အနည်းဆုံးတော့ ပျောက်နေကြောင်းသတိပြုမိဖို့ အချိန်နည်းနည်းကြာမှာပဲ။ အဲဒီအချိန်မှာပဲ အောက်ဆုံးအံဆွဲထဲမှာ လစဉ်သုံးပုဝါလေးရှိသေးလား သူမ ကြည့်လိုက်တယ်။ အခုထိ ရှိနေသေးတယ်။

ဒီလစဉ်သုံးပုဝါလေးကို သူ့အမေသာ တွေ့သွားရင် ဘာတွေဆက်ဖြစ်လာနိုင်မလဲ ခီဟာရာဇာ တွေးကြည့်တယ်။ သူမ ဘယ်လိုထင်မလဲ။ ဒီလစဉ်သုံးပုဝါက နင့်စာကြည့်စားပွဲထဲ ဘယ်လိုရောက်နေရတာလို့ သူ့ကို ရှင်းပြခိုင်းမလား။ ဒါမှမဟုတ် မသိချင်ယောင်ဆောင်ထားပြီး စိတ်ထဲကပဲ သံသယတွေအထပ်ထပ်ဖြစ်နေလိမ့်မလား။ ခီဟာရာဇာ တွေးလို့မရဘူး။ ဘာပဲဖြစ်ဖြစ် ပုဝါလေးကိုတော့ အဲဒီနေရာမှာ ဒီတိုင်းပဲဆက်ထားဖို့ သူမ ဆုံးဖြတ်လိုက်တယ်။ တကယ်တော့ ဒါလေးက သူမရဲ့ ပထမဆုံးအမှတ်အသားလေးပဲလေ။

သူမရဲ့ ဒုတိယအကြိမ်ရောက်ရှိခြင်း အထိမ်းအမှတ်အဖြစ် ခီဟာရာဇာက သူမ ဆံပင်မွှေးလေး သုံးပင်ကို ထားရစ်ခဲ့တယ်။ အရင်တစ်နေ့ကတည်းက ဆံပင်သုံးပင်ကို ဆွဲနှုတ်ပြီး ပလတ်စတစ်အိတ်လေးထဲ ထည့်ပိတ်ထားခဲ့တယ်၊ ပြီး စာအိတ်သေးသေးလေးထဲ ထည့်ခဲ့တယ်။ သူမ ကျောပိုးအိတ်ထဲက အဲဒီစာအိတ်လေးကို ထုတ်ပြီး သူ့အံဆွဲထဲက သင်္ချာမှတ်စုစာအုပ်အဟောင်းတစ်အုပ်ထဲကို ညှပ်လိုက်တယ်။ ဆံပင်မွှေးလေးသုံးပင်က ဖြောင့်စင်းနက်မှောင်နေတယ်၊ သိပ်လည်းမရှည် သိပ်လည်းမတိုဘူး။ ဘယ်သူ့ဆံပင်လဲဆိုတာ ဒီအန်အေမစစ်ကြည့်သရွေ့ ဘယ်သူမှသိနိုင်မှာမဟုတ်ဘူး၊ မိန်းကလေးတစ်ယောက်ဆံပင်မှန်း သိသာတယ်ဆိုရင်တောင်မှပဲ။
အိမ်ကထွက်လာပြီးတော့ သူမ ကျောင်းကိုပဲ တန်းသွားလိုက်တယ်၊ နေ့လယ်ခင်းတက်ရမယ့် ပထမဆုံးအတန်းကို အချိန်မီရောက်တယ်။ ဒီတစ်ကြိမ်မှာလည်း ဆယ်ရက်လောက်တော့ သူမ ကျေနပ်မှုရသွားတယ်။ သူဟာ သူမရဲ့အပိုင် ပိုဖြစ်လာတယ်လို့ သူမ ခံစားရတယ်။ ဒါပေမဲ့ ဒီလိုမျိုး ဖြစ်ပျက်သံသရာတွေဟာ မတော်တဆတစ်ခုခုမပါဘဲ အဆုံးသတ်လေ့မရှိဘူး။ ခီဟာရာဇာပြောခဲ့သလိုပဲ၊ သူများအိမ်ထဲ ခိုးဝင်တဲ့လုပ်ရပ်ဟာ သိပ်ကို စွဲလန်းစေနိုင်တာပဲ။

*****
ဇာတ်လမ်းရဲ့ ဒီနေရာကိုအရောက်မှာတော့ ခီဟာရာဇာက အနားက နာရီကိုကြည့်လိုက်တယ်၊ ညနေ ၄ နာရီ ၃၂ မိနစ်။ "သွားမှပဲ" လို့ ကိုယ့်ကိုယ်ကိုယ်ပြောသလို သူမ ပြောလိုက်တယ်။ ကုတင်ပေါ်ကခုန်ဆင်းပြီး သူမရဲ့ အဖြူရောင်ဗြောင်အတွင်းခံလေးကို ၀တ်တယ်၊ ဘော်လီကို ပြန်တပ်တယ်၊ ဂျင်းဘောင်းဘီထဲ ခြေထောက်တွေကို ကသောကမြောထိုးထည့်တယ်၊ ပြီး သူမရဲ့ အပြာရင့်နီကီတီရှပ်လေးထဲ ခေါင်းထို့ထည့်လိုက်တယ်။ နောက်တော့ ရေချိုးခန်းထဲမှာ လက်ဆေးပြီး ဆံပင်ကို ခပ်သွက်သွက်ပြန်ဖြီးရင်း သူမရဲ့ အပြာရောင် မာဇဒါကားလေးကို မောင်းနှင်ထွက်ခွာသွားတော့တယ်။

လုပ်စရာရယ်လို့ မယ်မယ်ရရမရှိဘဲ ဟာဘရာကတော့ အိပ်ယာပေါ်မှာလဲလျောင်းရင်း သူမ မကြာသေးခင်က ပြောပြခဲ့တဲ့ ဇာတ်လမ်းကို တစ်ကွက်ချင်းစီ အရသာခံရင်း အတွေးနက်နေမိတယ်။ နွားမတစ်ကောင် စားမြုံ့ပြန်သလိုပဲ။ ဒီဇာတ်လမ်းက ဘာကိုဦးတည်နေသလဲ သူစဉ်းစားတယ်။ သူမရဲ့ တခြားဇာတ်လမ်းတွေလိုပဲ သူ့အတွက်တော့ ဖြေနိုင်စရာသဲလွန်စမရှိဘူး။ ခီဟာရာဇာကို အထက်တန်းကျောင်းသူလေးတစ်ယောက်လို ပုံဖော်ကြည့်ရတာတောင်မှ သူ့အတွက် ခက်ခဲနေတယ်။ အဲဒီအချိန်တုန်းက သူမက ပိန်ပိန်ပါးပါးလေးလား၊ ဒီနေ့ သူမမှာရှိနေတဲ့ ဗိုက်ခေါက် မရှိသေးဘူးလား။ ကျောင်းဝတ်စုံနဲ့ အဖြူရောင် ခြေအိတ်နဲ့၊ ကျစ်ဆံမြီးနဲ့လား။
သူ မဆာသေးတာနဲ့ ညစာမပြင်သေးဘဲ ဖတ်လက်စစာအုပ်ကို ကောက်ကိုင်လိုက်တယ်၊ ဒါပေမဲ့ အာရုံစိုက်လို့မရဘူး။ အတန်းဖော်ရဲ့ အိမ်ထဲကို ခိုးဝင်ပြီး တီရှပ်ကို မျက်နှာနဲ့အပ်ထားတဲ့ ခီဟာရာဇာရဲ့ ရုပ်ပုံက သူ့စိတ်ထဲကို ကွင်းကွင်းကွက်ကွက်ပေါ်နေတယ်။ ရှေ့ဆက်ဘာဆက်ဖြစ်မလဲဆိုတာ သိရဖို့ စိတ်မရှည်နိုင်လောက်အောင်ပဲ။

သုံးရက်ကြာတော့ ခီဟာရာဇာ နောက်တစ်ကြိမ်ထပ်ရောက်လာတယ်၊ ပိတ်ရက်အပြီးမှာပဲ။ ထုံးစံအတိုင်း တိုလီမုတ်စပစ္စည်းတွေနဲ့ ပြည့်နေတဲ့ စက္ကူအိတ်ကြီးတစ်အိတ်ကို ဆွဲလာတယ်။ ပစ္စည်းတွေကို ရေခဲသေတ္တာထဲထည့်ပြီး ရက်လွန်သွားတဲ့ အစားအသောက်တွေနဲ့ အစားထိုးလိုက်တယ်။ စင်ပေါ်က သံဗူးနဲ့ ပုလင်းတွေထဲက အစားအသောက်တွေကို စစ်ဆေးတယ်။ ဘယ်ဟာ နည်းနေလဲ၊ ဘယ်ဟင်းခတ်အမွှေးအကြိုင်ကတော့ လျော့နေလဲဆိုတာကို ထောက်လှမ်းပြီး ဈေးဝယ်စာရင်း ရေးမှတ်တယ်။ Perrier ပုတင်းတချို့ကို ရေခဲသေတ္တာထဲကို အေးနေအောင်ထည့်ထားမယ်။ နောက်ဆုံး၊ ကျန်နေတဲ့ စာအုပ်နဲ့ဒီဗီဒီအသစ် အထပ်လိုက်ကြီးကို သူမနဲ့အတူ စားပွဲဆီယူလာမယ်။
"ရှင်လိုချင်တာ ရှိသေးလား"
"ဟင့်အင်း မရှိပါဘူး" လို့ ဟာဘရာက ပြန်ဖြေလိုက်တယ်။
အဲ့ဒီနောက်တော့ ခါတိုင်းလိုပဲ နှစ်ယောက်သား ကုတင်ပေါ်ရောက်သွားပြီး လိင်ဆက်ဆံကြတယ်။ လုံလောက်တဲ့အတိုင်းအတာအထိ  နှူးပြီးတဲ့နောက်မှာ သူက ကွန်ဒွန်စွပ်ပြီး သူမထဲကို သွင်းလိုက်တယ်။ ပြီး လုံလောက်တဲ့အချိန်ပမာဏတစ်ခုအရောက်မှ သူ ခရီးဆုံးရောက်လိုက်တယ်။ သူ့ကွန်ဒွန်အထဲမှာ ရှိနေတဲ့ အရာတွေကို ကျွမ်းကျင်သူတစ်ဦးရဲ့ မျက်လုံးနဲ့ တစ်ချက်စောင်းငဲ့ကြည့်ပြီး ခီဟာရာဇာက သူမ ပုံပြင်ရဲ့ နောက်ထပ်ဇာတ်ဝင်ခန်းကို ပြောဖို့အစပြုလိုက်တယ်။

အရင်တစ်ခေါက်ကလိုပဲ ဒုတိယအကြိမ်မြောက် ချိုးဖောက်ဝင်ရောက်အပြီးမှာလည်း ဆယ်ရက်လောက် သူမ ကျေနပ်ပျော်ရွှင်မှုကို ခံစားခဲ့ရတယ်။ ဘောလုံးအသင်းတံဆိပ်လေးကို သူမရဲ့ ခဲတံအိတ်လေးထဲ ထည့်ယူသွားပြီး၊ အတန်းထဲမှာ မကြာခဏ လက်နဲ့လှည့်ကစားနေလေ့ရှိတယ်။ သူမ ယူလာခဲ့တဲ့ ခဲတံလေးကိုလည်း သွားရာတွေထင်သွားအောင် ကိုက်ပြီး ခဲသားကို လျှာနဲ့လျက်တယ်။ အချိန်တိုင်းပဲ သူ့အခန်းအကြောင်းပဲ သူမစိတ်ထဲမှာ စိုးမိုးနေတယ်။ သူ့စာကြည့်စားပွဲ၊ သူအိပ်တဲ့ ကုတင်၊ အင်္ကျီတွေနဲ့ ပြည့်နေတဲ့ အံဆွဲ၊ အသစ်စက်စက် အဖြူရောင်အားကစားဘောင်းဘီတို၊ ပြီး သူမ ချန်ထားခဲ့တဲ့ လစဉ်သုံးပုဝါလေးနဲ့ ဆံပင်မွှေးသုံးချောင်းအကြောင်းကိုချည်း တွေးနေမိတော့တယ်။
ကျောင်းစာမှာ စိတ်ဝင်စားမှု သူမ လျော့နည်းလာတယ်။ စာသင်ခန်းထဲမှာဆို တံဆိပ်လေးနဲ့ ခဲတံလေးကို တတောက်တောက်လုပ်ပြီး ဆော့နေမယ်၊ ဒါမှမဟုတ်လည်း စိတ်ကူးယဉ်နေမယ်။ အိမ်ရောက်ပြန်တော့လည်း အိမ်စာတွေလုပ်ဖို့ စိတ်မပါပြန်ဘူး။ ခီဟာရာဇာရဲ့ အမှတ်ဟာ သိပ်ပြီး အပြစ်ပြောစရာမရှိပါဘူး။ စာတော်တဲ့ကျောင်းသူတစ်ယောက်တော့မဟုတ်ဘူး၊ ဒါပေမဲ့ လုပ်ရမယ့်စာကို ပုံမှန်လုပ်တတ်တဲ့ ကျောင်းသူလေးပဲ။ ဒါကြောင့်ပဲ ဆရာက အကြောင်းရင်းစုံစမ်းတော့ သူမ အဆင်ပြေတဲ့အဖြေတစ်ခု ပြန်မပေးနိုင်ဘူး။ ဆရာကတော့ ဒေါသထွက်ရမယ့်အစား ဝေခွဲမရဖြစ်နေဟန်ပိုတူတယ်။ နောက်ဆုံးတော့ မုန့်စားကျောင်းဆင်းချိန်မှာ ရုံးခန်းကိုလာခဲ့ဖို့ ဆရာက အမိန့်ပေးသွားတယ်။ "ဘာပြဿနာရှိလဲ သမီး။ သမီးမှာ တစ်ခုခု စိတ်အနှောင့်အယှက်ဖြစ်စရာရှိလား" လို့ သူကမေးတယ်။ နေသိပ်မကောင်းဘူးလို့ပဲ သူမ မပီမသနဲ့ ခပ်တိုးတိုးလေး ပြန်ပြောထွက်ခဲ့တယ်။ သူမရဲ့ လျှို့ဝှက်ချက်က တစ်ယောက်ယောက်ကို ပြန်ပြောပြဖို့အတွက် လေးပင်လွန်းတယ်၊ တစ်ယောက်တည်းရင်ဆိုင်ရမယ့် အရာပဲ။

"သူ့အိမ်ထဲကို ကျွန်မ ခိုးဝင်နေမှပဲ ဖြစ်လိမ့်မယ်" လို့ ခီဟာရာဇာက ပြောတယ်။ "မ၀င်ဘဲမနေနိုင်ဘူး။ ရှင်သိတဲ့အတိုင်း ဒါက သိပ်ပြီး စွန့်စားလွန်းရာကျတဲ့အလုပ်ပဲ။ အဲဒါကို သိသိချည်းနဲ့ပဲ။ အနှေးနဲ့အမြန်တော့ တစ်ယောက်ယောက်က ကျွန်မကို မိမှာပဲ၊ ရဲကို ခေါ်တော့မှာပဲ။ အဲဒီလိုတွေးမိတိုင်း ကျွန်မ သေမလောက်ကြောက်တယ်။ ဒါပေမဲ့ ဘောလုံးတစ်လုံးဟာ လိမ့်သွားပြီဆိုရင် ပြန်ရပ်ပစ်ဖို့လမ်းမရှိတော့ဘူး။ ဒုတိယအကြိမ် ရောက်ပြီး ဆယ်ရက်အကြာမှာ အဲဒီကို ကျွန်မ ထပ်ရောက်သွားတယ်။ ကျွန်မမှာ ရွေးချယ်စရာမရှိဘူး။ တကယ်လို့သာ မသွားဘူးဆိုရင် ချောက်နက်ထဲပြုတ်ကျသွားတော့မယ်လို့ ကျွန်မခံစားရတယ်။ ပြန်တွေးကြည့်တော့လည်း အဲဒီအချိန်တုန်းက ကျွန်မတော်တော်လေး ရူးခဲ့တာပဲ"

*****

တေဇာ (လရောင်လမ်း)
Scheherazade by Haruki Murakami ကို ဆီလျော်သလို ဘာသာပြန်ဆိုပါသည်။
Translated from the Japanese by Ted Goossen
Source: The New Yorker