ကမ္ဘာကြီး ပူနွေးလာသတဲ့လား

တုံးတယ်လို့ပြောရင်လဲ ခံရမှာပဲ။ ကမ္ဘာကြီးပူနွေးလာတယ်ဆိုတဲ့ကိစ္စကို (ကျွန်တော့်အမြင်သက်သက်အရ ရေးရရင်) ခေါင်းထဲထည့်စဉ်းစားသင့်တဲ့ကိစ္စလို့ မထင်ဘူး။ အနောက်တိုင်းလူ့အဖွဲ့အစည်းထဲမှာ အလုပ်မရှိ ကြောင်ရေချိုးဖို့လုပ်နေတဲ့လူတွေ၊ နိုင်ငံရေးအခြေခံနဲ့ တစ်စိတ်ကို တစ်အိတ်လုပ်ဖို့ကြိုးစားနေတဲ့ နိုင်ငံရေးသမားတွေ၊ လူ့ပတ်ဝန်းကျင်ကြီးကို ကယ်တက်မယ်လို့ ကြေငြာပြီး သဘောဝတရားကြီးကို ထိန်းသိမ်းကြပါ၊ စောင့်ရှောက်ကြပါလို့ ကြွေးကြော်ရင်း၊ မိုဘိုင်းလ်ဖုန်း၊ အင်တာနက် စတာတွေမရှိရင် မနေတတ်တဲ့ တံလျှပ်လိုပညာတတ်တွေ၊ အဲဒီလူတွေက စနစ်တကျလှုံ့ဆော်ထားတဲ့ လုပ်ရှားမှုတစ်ခုပဲလို့ မြင်တယ်။

ဒီနေရာမှာ နိုင်ငံရေးအခြေခံနဲ့ မဟာဗျူဟာအမြင်အဖြစ် သုံးစွဲဖို့ စနစ်တကျလုပ်ဆောင်ထားပုံမျိုးကို ပုံပေါ်အောင် ကွက်တိဖော်ပြဖို့ မဖြစ်နိုင်ဘူး။ ဒီတော့ ရေးတေးတေးမြင်အောင် Greenpeace ရဲ့ နိုင်ငံရေးနဲ့ပတ်သက်တဲ့ ကိစ္စတွေကိုသာ ပြန်ပြီး ဆင်ခြင်ကြည့်ကြပါ။ ပညာရှင်တစ်ဦးပြောသလို Global Warming is a political, rather than an scientific creation. ဆိုသလို ဖြစ်နေတယ်။
ကျွန်တော်က သိပ္ပံပညာရှင်လည်း မဟုတ်ဘူး။ ဒီတော့ သိပ္ပံပညာရှင်များက ဆဲရင်လည်း ခံရမှာပဲ။ လမ်းပေါ်က လူတစ်ယောက်အမြင်နဲ့ ဆွေးနွေးချင်တာပါ။ အဓိကထားဆွေးနွေးချင်တာကတော့ “ကမ္ဘာကြီးပူးနွေးလာတယ်ဆိုတာ အကြောင်းရင်းကတော့ လူတွေကြောင့်ပဲ” လို့ဆိုတဲ့ စကားပဲ။ ဒီစကားကို လက်မခံလိုဘူးဆိုရင် ကျွန်တော့်အနေနဲ့ ထောက်ခံရုံပဲ။ ပြောတဲ့လူကိုယ်တိုင်က ဗြောင်လိမ်ဗြောင်စား။ ဒီစကားကို နှစ်ပေါင်းသိပ်မကြာခင်ကလေးတင်က အိမ်ဖြူတော်မှာ ပညာရှင်တွေကို ကလင်တန်ကပြောခဲ့တာ။ ရုပ်မြင်သံကြားကင်မရာတွေ၊ သတင်းစာဆရာတွေရဲ့ မျက်နှာတွေကို တည့်တည့်ကြည့်ပြီး ဗြောင်လိမ်ခဲ့ဖူးတဲ့လူမို့ လက်သင့်ခံနေစရာမလိုဘူးလို့ မြင်တယ်။ ကလင်တန်ပြောလို့မှ မဟုတ်ဘူး။ လက်ခံစရာကို မကောင်းလို့ပါ။ ဒါပေမဲ့ အဲဒီစွဲချက်တင်ထားတာကိုတော့ နည်းနည်းဆွေးနွေးချင်တယ်။ သိပ္ပံအခြေကလေး နဲနဲလောက်ရှိရင်ပဲ ကမ္ဘာကြီး ပိုပြီးပူနွေးလာတယ်ဆိုတာဟာ ဘာကြောင့်ရယ်လို့ သိနိုင်ပါတယ်။ ရာစုနှစ်တစ်ခုမှာ ဆယ်ဒီဂရီလောက် တိုးတာတတ်တာဟာ သဘောဝပါ။ ပိုမိုနွေးတဲ့ ဆောင်းဥတုတွေ၊ ပိုမိုအေးတဲ့ နွေဥတုတွေ ရှိခဲ့တာပဲ။ သူ့အရပ်နဲ့သူ ဖြစ်ခဲ့တာတွေ ရှိခဲ့တာပဲ။ ဒါကြောင့် ကမ္ဘာကြီးရဲ့အပူချိန်ပြောင်းသွားတယ်လို့ မဆိုနိုင်ဘူး။ တစ်ခုမေ့လျော့ထားဖို့ မသိကျိုးကျွံပြုထားဖို့မသင့်တာက သဘာဝတရားရဲ့ ဖြစ်ပျက်နေခြင်းအကြောင်းပဲ။ နေရဲ့ စွမ်းအင်ထုတ်လုပ်မှုအတိုင်းအတာ၊ ကမ္ဘာကြီးရဲ့ လည်ပတ်နေပုံ၊ ကမ္ဘာကြီးရဲ့ ရုတ်ချည်းပြောင်းလဲတတ်တဲ့သဘော။ အာကာသထဲမှာ ပဲ့ထွက်လာတဲ့ ဂြိုဟ်တွေ၊ အစိုင်အခဲတွေ…ဒါတွေအပြင် ငလျင်ကြောင့်၊ မီးတောင်တွေ ပေါက်ကွဲလာတာကြောင့် ပေါ်ပေါက်လာတဲ့ ဖုန်မှုန့်တွေကို မေ့ထားလို့ မရပါဘူး။ မီးတောင်တစ်ခုပေါက်ကွဲရာမှ ထွက်ပေါ်လာတဲ့ ဖုန်မှုန့်၊ မီးခိုးစတာတွေ လေထုထဲရောက်ရှိပြီး လေထုညစ်ညမ်းတာမျိုး၊ လေထုကို ညစ်ညမ်းစေဖို့ လူသားတွေကလုပ်မယ်ဆိုရင် ဆယ်နှစ်လောက်လုပ်ယူရမယ်လို့ ပညာရှင်တွေက လေ့လာတင်ပြခဲ့ကြတယ်။ မီးတောင်တွေ၊ ပင်လယ်တွေ၊ တိရိစ္ဆာန်တွေကို မေ့ထားလို့ မဖြစ်ပါဘူး။

ကာဗွန်ဒိုင်အောက်ဆိုဒ်က ဂရင်းဟောက်(စ်)လို အကျိုးတရားမျိုးပေးဖို့ (ဆိုလိုတာက Greenhouse effect ဖြစ်ဖို့) အတွက် အဓိကပဲလို့ ဆိုကြပါတယ်။ ဆိုလိုတာက ကမ္ဘာကြီးပူနွေးလာဖို့၊ ဆိုးကျိုးတွေပေးဖို့လို့ ဆိုကြတယ်။ ဒီတော့ သစ်ပင်တွေစိုက်ဖို့ ပြောကြပြန်တယ်။ သစ်ပင်က လေထုကိုသန့်ရှင်းအောင် ကာဗွန်ဒိုင်အောက်ဆိုဒ်ကို စုပ်ယူတယ်လို့ ပြောကြတယ်။ တစ်ခုပဲ ချန်ပြီးပြောကြာတာကိုး…။ သစ်ပင်ဟာ အရွယ်မရောက်ခင် (while growing ကိုဆိုလိုတာပါ) အထိပဲ။ အရွယ်ရောက်တဲ့အခါ ကာဗွန်ဒိုင်အောက်ဆိုက်ကို မစုပ်ကြတော့ပါဘူး။ (give off carbon dioxide when fully grown) ။ သစ်ကိုင်းခြောက်တွေ၊ လဲပြိုနေတဲ့ သစ်ပင်ခြောက်တွေကလဲ ကာဗွန်ဒိုင်အောက်ဆိုဒ် ထုတ်လိုက်ကြတတ်တာပဲ။ ဒါကြောင့်လဲ တောင်ရိုးတောင်ကြောတွေ ပေါ်မှာ တစ်ခါတစ်ရံ မြူခြေဆိုင်းသလိုမျိုး တောင်ခိုးဝေနေတာတွေ (haze) တွေ့ရတတ် တာပဲ။ ကမ္ဘာကြီးကို ရံတားပြီး ဒုက္ခပေးတယ်ဆိုတဲ့ ဂရင်းဟောက်စ်အကျိုးတွေဖြစ်ဖို့ ကာဗွန်ဒိုင်အောက်ဆိုဒ်တစ်ခုတည်း မျက်နှာလွှဲခဲပစ်ပြောနေကြရတာက တခြားတစ်ခုကို ဘာမျှမလုပ်နိုင်ကြလို့ပါ။ အဲဒါက ရေမှုန် (Vapour) တွေပဲ။ နာဆာသုတေသနဌာနက
Water vapour is the predominant Greenhouse gas, and plays a crucial role in the global climate system လို့ တင်ပြခဲ့ဖူးတာပဲ။ ရေခိုးရေငွေ့ပျံ ရာက (Evaporation) ဖြစ်ပေါ်လာတာတွေ။ ဘာမျှမတတ်နိုင်ဘူး၊ ဘာမျှလုပ်လို့မရဘူး။ သဘာဝတရားရဲ့ လုပ်ရပ်ပဲ။ တကယ်တော့ ဂရင်းဟောက်စ်အကျိုးတရားဆိုတာကလဲ အထိုက်အလျောက်တော့ ရှိရမှာပဲ။ အဲဒီလို ဂရင်းဟောက်စ်အကျိုးတရားမှ မရှိရင် ကမ္ဘာကြီးဟာ အင်္ဂါဂြိုဟ်လို ဖြစ်သွားလိမ့်မယ်။ ဓာတ်ငွေ့အကြောင်းဆွေးနွေးရင်း လူလုပ်ဓာတ်ငွေ့ဖြစ်တဲ့ စီအက်(ဖ်)စီ (Chlorofluro-carbon) အကြောင်း နည်းနည်း တင်ပြဖို့လိုမယ်။ စီအက်(ဖ်)စီကြောင့် Ozone depletion အိုဇုန်းလွှာပါးတယ်ဆိုတဲ့ အယူအဆ၊ တင်ပြချက်တစ်ခု ပေါ်ခဲ့ဖူးတာ မှတ်မိကြပါလိမ့်မယ်။

(ဆရာမြင့်သန်းရဲ့ဆောင်းပါးကို တင်ပြပေးခြင်းဖြစ်ပါတယ်။ လက်ခံခြင်းမလက်ခံခြင်းနှင့် မသက်ဆိုင်ပဲ... အခြားတစ်ဘက်က တွေးစရာလေးတွေရအောင်ပါ)

(မပြီးသေးသော်လည်း စာအုပ်များနှင့်ဝေးရာကို ရောက်ရှိနေပြီဖြစ်ပါသဖြင့်...ထိုဆောင်းပါးပါရှိသော ချင်းတွင်းမဂ္ဂဇင်းများ ရနိုင်ရင် လိုချင်ပါကြောင်း အကူအညီတောင်းခံပါသည်။ )