လက်တွေ့ဝါဒ (Pragmatism) အကြောင်း ပိစိကွေး

Edward de Bono ဆိုတဲ့လူကြီးဟာသူပေါ့

Pragmatism: n (u) : a way of dealing with problems in a sensible,
practical way instead of following a set of ideas:

Longman Dictionary of Comtemporary English အဘိဓာန်ရဲ့ အဓိပ္ပာယ်ဖွင့်ဆိုချက်ပါ။ လက်တွေ့ဝါဒဆိုတာ အယူအဆတွေ နိယာမတွေကို
ဘေးချိတ်ထားပြီး လက်တွေ့ကျပြီး ကိုယ်တွေ့သိရတဲ့ အတွေ့အကြုံအခြေခံနည်းလမ်းနဲ့သာ ပြဿနာများကို ဖြေရှင်းခြင်း ဖြစ်ပါတယ်။
ကိုယ်ကျင့်တရားစံနှုန်းတွေနဲ့တော့ ညိစွန်းကောင်း ညိစွန်းနေနိုင်တယ်ပေါ့။

တစ်ချို့သောလူတွေကတော့ လက်တွေ့ဝါဒဟာ နိယာမ (Principle) တွေကို မျက်ကွယ်ပြုပြီး လုပ်ဆောင်တဲ့နည်းလမ်းဖြစ်တယ်လို့ မြင်တဲ့အတွက် ၎င်းဝါဒကို
ရှုတ်ချဝေဖန်ကြပါတယ်။ ဒါပေမဲ့ လက်တွေ့ဝါဒဆိုတာ နိယာမမဲ့ (Unprinciple) လို့ ဆိုလိုတာ မဟုတ်ပါဘူး။ လက်တွေ့ကျသောနည်းလမ်းဖြင့် နိယာမများကို အသုံးချခြင်းလို့သာ ဆိုလိုခြင်းဖြစ်ပါတယ်။ ရည်ရွယ်ချက်တစ်ခု ပြီးမြောက်ဖို့ သင်လုပ်ဆောင်နိုင်သောအလုပ်ကို လုပ်ဆောင်ရာမှာ နိယာမတွေရဲ့
လက်တွေ့ဆန်နိုင်စွမ်း (Practicality) ကို အလေးမူထားခြင်းဟာ လက်တွေ့ဝါဒဖြစ်ပါတယ်။ နိယာမတွေဟာ အပြုအမူတွေကို ထိန်းကွပ်ဖို့
လူ့အဖွဲ့အစည်းကို အကူအညီပေးနေတာဖြစ်လို့ နိယာမမဲ့အပြုအမူတွေဟာ အန္တရာယ်များပြီး လက်ခံနိုင်စရာလည်း မရှိပါဘူး။

လက်တွေ့ဝါဒရဲ့ အဓိကရည်ရွယ်ချက်က အဆုံးသတ်ရလဒ်ဟာ လုပ်နည်းလုပ်ဟန်နဲ့ ညီညွတ်မျှတလာစေဖို့ဖြစ်ပါတယ်။ မူးယစ်ဆေးဝါးရောင်းသူတစ်ယောက်ကို
ဝယ်လက်တစ်ယောက်ဟန်ဆောင်ပြီး ဖျားယောင်းဖမ်းဆီးတာကို အများလက်ခံနိုင်ကြပါတယ်။ (ဒါလည်း ကိုယ်ကျင့်တရားစံနှုန်းကြည့်ရင် ညိစွန်းနေကြောင်း သတိပြုမိစေချင်ပါတယ်)ဘာကြောင့်လက်ခံနိုင်သလဲဆိုတော့ ဒီလုပ်နည်းလုပ်ဟန်ရဲ့ အဆုံးသတ်ရလဒ်ဟာ အဖိုးတန်နေလို့ပေါ့။ ဒီလိုမျိုး
လုပ်နည်းလုပ်ဟန်အမျိုးအစားတွေကိုတော့ တံခါးဖွင့်ပေးထားပါတယ်။ ဒါပေမဲ့လည်း အဆုံးသတ်ရလဒ်နဲ့ လုပ်နည်းလုပ်ဟန် ညီညွတ်မျှတမှုမရှိတဲ့
ဖြစ်ရပ်မျိုးမှာတော့ လက်တွေ့ဝါဒဟာ အလုံးစုံ ပရမ်းပတာအခြေအနေဆီ ဦးတည်သွားနိုင်ပါတယ်။ ဥပမာ မိမိလိုအပ်ချက်အတွက်ဆိုပြီး
ခိုးယူခြင်းလုပ်ရပ်နဲ့ ဖြေရှင်းမိလိုက်ခြင်းမျိုးကိစ္စရပ်တွေမှာပေါ့။

လက်တွေ့ဝါဒဟာ လုပ်ရပ်တစ်ခုဟာ မည်သည့်နေရာဆီသို့ ဦးတည်သွားသလဲဆိုတာနဲ့ ဆက်စပ်ပတ်သက်တာပါ။ အဲဒီလုပ်ရပ်တစ်ခုရဲ့ သက်ရောက်မှု အကျိုးဆက်တွေနဲ့ပေါ့။ ဒါပေမဲ့ အပေါင်းလက္ခဏာဆောင်တဲ့ ရလဒ်တွေထွက်နေသရွေ့ မည်သည့်အပြုအမူကိုမဆို လက်ခံနိုင်တယ်လို့ ယတိပြတ်ပြောနေတာတော့ မဟုတ်ပါဘူး။ လက်တွေ့ဝါဒဟာ `ကျွန်တော်လုပ်နေတာမှန်တယ်လို့ ကိုယ့်ကိုယ်ကိုယ် သေချာတဲ့အတွက် ဒီလုပ်ရပ်ကြောင့် ဘယ်လိုအကျိုးဆက်တွေဖြစ်လာပါစေ ဂရုမစိုက်ဘူး´ လို့ ကြွေးကြော်နေတဲ့ (မကြာခဏ ဒီမူဝါဒမှာခြေခံလေ့ရှိတဲ့ ဘ၀မြင့်မှုနဲ့ ပြဒါးတစ်လမ်းသံတစ်လမ်းပဲ ဖြစ်ပါတယ်။

လက်တွေ့ဝါဒဟာ အခြေအနေတစ်ခု၊ အဲဒီအခြေအနေထဲမှာ ပါဝင်ပတ်သက်နေတဲ့ လူတွေ၊ ပြီးတော့ လက်တွေ့ကျမှုတွေဆီသို့ အာရုံခြောက်ပါး (ဒီနေရာမှာ
အာရုံခြောက်ပါးထဲ ဆဌမအာရုံ (Instinct) ကိုပါ ကျွန်တော်ထည့်တွက်ပါတယ်)ဖြင့် ခံစားခြင်း (Being Sensitive) ကို ဆိုလိုပါတယ်။ လက်တွေ့ဝါဒဆိုတာ
ဖြစ်နိုင်ခြေအနုပညာဖြစ်ပါတယ်။ နိုင်ငံရေးသမားတွေဆိုတာလက်တွေ့ဝါဒီတွေပါပဲ။

အလားတူ `ဖြတ်လမ်းနည်း´ (Expendiency) ဆိုတဲ့ ဝေါဟာရဟာလည်း လူတွေရဲ့အမြင်မှာ အဆိုးပုံရိပ်သန်းနေပါတယ်။ နိုင်ငံရေးသမားများအနေနဲ့
မဲဆန္ဒရှင်များများရဖို့ရာ နိယာမမဲ့ဖြစ်ချင်ဖြစ်နေမဲ့အရာတွေကို မလွှဲမရှောင်သာ လုပ်ရတတ်လေ့ရှိပါတယ်။ မဲတွေပိုက်ဆံနဲ့ လိုက်ဝယ်တာကတော့
စိတ်မချမ်းသာစရာ လက်တွေ့ကျခြင်းဖြစ်ပြီး တစ်ချို့သော ဖြတ်လမ်းနည်း အမျိုးအစားတွေဟာလည်း လက်ခံနိုင်စရာ မရှိပါဘူး။ ဘာပဲဖြစ်ဖြစ်
သွေးတွေမရပ်မနားထွက်နေတာကို တိတ်ဖို့ ညစ်ပတ်တဲ့လက်ကိုင်ပ၀ါကိုသုံးတာဟာဘယ်မှာ ပိုးမွှားကင်းစင်နိုင်မှာလဲ။ ဒါပေမဲ့လည်း လက်ထဲမှာ တခြားသုံးစရာ
ဘာမျှမရှိတဲ့အခါ အချိန်မရှိမှုက အန္တရာယ်ကို ဂုတ်ခွစီးရတာပါပဲ။ ပိုးမွှားကူးစက်ခံရတဲ့ကိစ္စကို နောက်မှ ကုစားလို့ရတယ်လေ...။

De Bono's Six Actions Shoes မှ Brown Brogues ကို တေဇာ အလောသုံးဆယ် ဘာသာပြန်ဆိုပါသည်။