Skip to main content

အစ (မြင့်သန်း)

ကျွန်တော် နာရီပြင်တယ်။ နာရီပြင်တယ် ဆိုတော့ အချိန်သိချင်တဲ့လူတွေ အချိန်မှန်,မမှန်သိချင်တဲ့လူတွေ အတွက် အကျိုးဆောင်ကြီးပေါ့။ အချိန်ဆိုတာ လူကို မစောင့်ဘူးလို့ ပြောတယ်။ ဟုတ်သားပဲ။ အချိန်ကတော့ အချိန်ကိုး။ အချိန်ဆိုတာ စက်နဲ့ လုပ်ထားတာပဲ မဟုတ်ဘူးလား။ စက်က လူရဲ့သိပုံကို ကန့်သတ်ခိုင်းထားတာ။ ဒီအချိန်ဆို ကိုးနာရီ။ အလုပ်စတယ်။ ဒီအချိန်ဆို ငါးနာရီ။ အလုပ်ပြီးတယ်။ အိမ်ပြန်ရတယ်။ ဒီတော့ အချိန်က ဟိုလိုလိုဒီလိုလိုနဲ့  လူကို စက်ရုပ်လုပ်ပစ်လိုက်တာပဲ။ ဒါပေတဲ့ တချို့လူတွေက အချိန်တိကျမှ ကြိုက်သတဲ့။ အချိန်တိကျတယ်ဆိုတဲ့ လူတွေကို သေသေချာချာ စဉ်းစားကြည့်ရင် ကာလတရားကိုဈေးမဆစ်တတ်တဲ့လူတွေပဲ။ အဲဒီအထဲမှာ အဖေလည်းပါတယ်။ ဆယ်တန်းမအောင်ခင် ကတည်းက အဖေ့ရဲ့ နာရီပြင်တဲ့ အလုပ်မှာ ဝင်ပြီး ပညာသင်တယ်။ နောက်တော့၊ အဖေက အလုပ်ကို လွှဲလိုက်တယ်။ ခု ကျွန်တော် ဦးဆောင်လုပ်နေတယ်။ ကျွန်တော့်လက်ထက်မှာ ပိုပြီးအောင်မြင်တယ် ပြောရမှာပဲ။ ကံလိုက်တယ် ခေါ်မလားပဲ။ နာရီပြင်ရုံမကဘဲ နာရီလည်းရောင်းတယ်။ လူတွေ အချိန်လေးစားလာလို့တော့ မဟုတ်ဘူး။ နာရီပတ်ပြီး ရှိုးထုတ်ချင်တဲ့ လူတွေ များလာတာကြောင့်။ အခုလူတွေ ပိုပြီး နာရီပတ်လာကြတယ်။ များများပတ်လာလေ များများပျက်လေပဲ။ ဒီကြားထဲ ဒစ်ဂျစ်တယ် ဆိုတာ ပေါ်လာပြန်တယ်။ သူက ပြင်လို့ ပိုလွယ်တယ်။ ပစ္စည်းဖြုတ်လဲရုံလောက်ပဲ လုပ်ရတာကိုး။ ခုတော့ ကျွန်တော့်ဆီမှာ တပည့်လေးငါးယောက် ဖြစ်နေပြီ။

ဒီနေ့တော့ ဆိုင်ကို ကောင်လေးတွေနဲ့ ထားခဲ့ပြီး ဆံပင်ညှပ်ဖို့ ထွက်လာခဲ့တာ။ ဈေးထိပ်က သောက်နေကျ ကော်ဖီဆိုင်မှာ ကော်ဖီတစ်ခွက်ဝင်သောက်ပြီး ဆံပင်ညှပ်ဆိုင်ဆီ လာခဲ့တယ်။ ဆိုင်ရောက်တော့ ရှေ့မှာ လူကြီးနှစ်ယောက်နဲ့ ကလေးတစ်ယောက် ရှိနေတယ်။ ဆံပင်ညှပ်တဲ့လူက  “အစ်ကိုရာ၊ အေးအေးဆေးဆေးပေါ့။ ပြီးရင် အစ်ကိုနဲ့ လိုက်ခဲ့မယ်၊ ကျွန်တော်ဘီယာတိုက်မယ်” လို့ ပြောတယ်။ ဒီတော့လည်း ကျွန်တော်က ပြတင်းပေါက်နားဆီက ခုံလွတ်တစ်ခုမှာ ဝင်ထိုင်လိုက်မိတယ်။ “လဆန်းမို့ မဂ္ဂဇင်းအသစ်တွေရောက်နေတယ် အစ်ကို” လို့ ပြောပြီး အံဆွဲထဲက မဂ္ဂဇင်း သုံးလေးအုပ် ထုတ်ပေးတယ်။ ဆံပင်ညှပ်ဖို့စောင့်နေတဲ့ ဗိုက်ပူပူနဲ့ လူတစ်ယောက်ကတော့ ကျွန်တော့်ကို လှမ်းကြည့်တယ်။ ကျွန်တော်ကတော့ မသိချင်ယောင်ဆောင်ပြီး မဂ္ဂဇင်းတစ်ခုကို လှန်လှောကြည့်နေမိတယ်။ အရုပ်ပါရင် ကျွန်တော် မဖတ်ဘူး။ ဝတ္ထုကောင်းကောင်းကလေးတွေတော့ ကြိုက်တယ်။ လှန်လှောကြည့်ရင်း “အဆုံး” ဆိုတဲ့ ဝတ္ထုတိုကလေးတစ်ပုဒ် တွေ့လိုက်မိတယ်။ ဒီဝတ္ထုလေး စထားပုံက ဒီလို။

နာရီပြင်တဲ့ လူတစ်ယောက်က တနေ့တော့ သူ့ဆိုင်ကို သူ့တပည့်တွေနဲ့ လွှဲထားလိုက်ပြီး ဆံပင်ညှပ်ဖို့ သူညှပ်နေကျ ဆိုင်ကိုလာတယ်။ ဈေးထိပ်မှာ ကော်ဖီဝင်သောက်တယ်။ ဆံပင်ညှပ်ဆိုင်ရောက်တော့ ဆံပင်ညှပ်ဖို့ စောင့်နေတဲ့ လူသုံးယောက် သူ့ရှေ့မှာ ရောက်နေတယ်။ နှစ်ယောက်က လူကြီး၊ တစ်ယောက်က ကလေး၊။ ဒီတော့ ဆံပင်ညှပ်တဲ့လူက သူ့ကို စောင့်ခိုင်းတယ်။ အပျင်းပြေဖတ်ဖို့ မဂ္ဂဇင်းသုံးလေးအုပ် ထုတ်ပေးတယ်။ ဒီလူက မဂ္ဂဇင်းထဲမှာ အရုပ်ပါတာ မကြိုက်ဘူး။ ဒီတော့ အရုပ်တွေကို ကျော်ပြီး တခြားဟာတွေကို လှန်လှောကြည့်နေမိတယ်။ အဲဒီအထဲက မဂ္ဂဇင်းတစ်ခုမှာ ဝတ္ထုတိုလေးတစ်ပုဒ်သွားတွေ့လိုက်တယ်။ ဖတ်ကြည့်လိုက်မိတယ်။ ဝတ္ထုတိုကလေးက နာရီပြင်တဲ့ လူတစ်ယောက်အကြောင်းရေးထားတာ။ နာရီပြင်တဲ့ လူတစ်ယောက်က တနေ့တော့ ဆံပင်ညှပ်ဖို့ ဆံပင်ညှပ်ဆိုင်ကို သွားသတဲ့။ လမ်းမှာ ဈေးထဲဝင်ပြီး ကော်ဖီတစ်ခွက်သောက်သေးသတဲ့။ ဆံပင်ညှပ်ဆိုင်ရောက်တော့ သူ့ရှေ့မှာ ဆံပင်ညှပ်ဖို့ လူသုံးယောက်  စောင့်နေတာတွေ့သတဲ့။ ဆံပင်ညှပ်တဲ့လူက သူနဲ့ ရင်းနေတော့ စောင့်ပါဦး။ အပြန်ကျရင် သူလည်း ဆိုင်ပိတ်ပြီး လိုက်ခဲ့မယ်။သူကတောင် ဘီယာတိုက်ဦးမှာလို့ ပြောသတဲ့.။ အဲဒါနဲ့ပဲ ဒီလူက ပြတင်းပေါက်နားက ခုံမှာ သွားထိုင်စောင့်နေသတဲ့။ အဲဒီတုန်းမှာ ဆံပင်ညှပ်သမားက သူ့ကို မဂ္ဂဇင်း သုံးလေးအုပ် ထုတ်ပေးတယ်တဲ့။ ဒီလူက မဂ္ဂဇင်းတွေကို လှန်လှောကြည့်နေမိတယ်။ သူက မဂ္ဂဇင်းထဲမှာ အရုပ်ပါတာ မကြိုက်တော့ ရှေ့ပိုင်းက အရုပ်တွေကို ကျော်ပြီး နောက်ပိုင်းက ဝတ္ထုတွေကို လျှောက်ကြည့်နေမိတယ်။ အဲဒီတုန်းမှာပဲ ဝတ္ထုတိုလေးတစ်ပုဒ်ကို မျက်စိကျသွားမိတယ်။

ဒီနေရာရောက်တော့၊ “အဆုံး” လို့ နာမည်ပေးထားတဲ့ ဝတ္ထုတိုကလေးထဲက နာရီပြင်သမားက စာဖတ်တာ ခဏရပ်လိုက်တယ်။ ဘာလို့မှန်း သူ့ကိုယ်သူ မသိဘူး။ ဆံပင်တွေ ညှပ်နေတဲ့လူကို ကြည့်လိုက်တယ်။ ဆံပင်ညှပ်ဖို့စောင့်နေတဲ့ လူနှစ်ယောက်ကို ကြည့်လိုက်မိတယ်။ ဆံပင်အညှပ်ခံနေတဲ့ လူကို ကြည့်လိုက်မိတယ်။ သူ့ကို ကြည့်နေရင်းက သူ့အကြည့်ဟာ ပြတင်းပေါက်ကနေတဆင့် ဆံပင်ညှပ်ဆိုင် အပြင်ဘက်ဆီ ရောက်သွားတယ်။ ဒီနေရာမှာ ကျွန်တော်လည်း သူ့လိုပဲ။ စာဖတ်တာ ခဏရပ်ပြီး အပြင်ဖက်ကို ကြည့်လိုက်မိတယ်။ နေ့ခင်းဘက်မို့ နေရောင်က တောက်နေတာပဲ။ ကျောင်းဆင်းချိန် မဟုတ်သေးလို့ ဈေးဘက်မှာလှုပ်လှုပ်ရွရွ မရှိတတ်သေးဘူး။ ဆံပင်အညှပ်ခံရဖို့ သူ့အလှည့် တော်တော်နဲ့ ရောက်မှာ မဟုတ်သေးဘူး။ ဒီတော့ အပြင်ဖက်ကို ကြည့်နေရာက ဖတ်လက်စ ဝတ္ထုတိုကို ဆက်ဖတ်လိုက်မိတယ်။ ဝတ္ထုထဲက လူကလည်း အပြင်ဘက်မှာ နေပူသေးတယ် ဆိုပြီး သူ့အလှည့်ကို စောင့်ရင်း သူလှန်လှောကြည့်နေတဲ့ မဂ္ဂဇင်းထဲက ဝတ္ထုကိုဖတ်လိုက်မိတယ်။ သူ ဖတ်လိုက်တဲ့ ဝတ္ထုထဲက နာရီပြင်သမားကို ဆံပင်ညှပ်တဲ့လူက၊ အစ်ကို ထိုင်စောင့်ရတာ ပျင်းရင် နောက်ဖက်အခန်းထဲက ကျွန်တော့်ကုတင်မှာ သွားလှဲနေပါလားလို့ ပြောသတဲ့။ ဒီတော့လည်း သူက ကောင်းသားပဲ လို့ တွေးပြီး ဆံပင်ညှပ်ဆိုင်ရဲ့ နောက်ဖက်အခန်းထဲက ကုတင်ပေါ်မှာ သွားလှဲနေတယ်။
အစတော့ ကုတင်ပေါ်မှာ ကျောစန့်နေရင်း မျက်နှာကြက်ကို ကြည့်နေတယ်။ မျက်နှာကြက်ကို ကြည့်နေရင်း သူ့များနဲ့ အကြောင်းပါသွားတဲ့ သူ့ရည်းစားအကြောင်း တွေးနေမိတယ်။ ဒီနေရာရောက်တော့“အဆုံး” လို့ နာမည်ပေးထားတဲ့ ဝတ္ထုထဲက နာရီပြင်တဲ့လူက  ဝတ္ထုဖတ်နေတာကို ရပ်ပြီး၊ ဆိုင်အမိုးကို မော့ကြည့်နေလိုက်မိတယ်။  မော့ကြည့်နေရင်း ငါကြိုက်ဖူးတဲ့ ကောင်မလေးတွေလည်း ခုဆို ကလေးတွေ ဘာတွေ ရကြလောက်ရောပေါ့လို့ တွေးလိုက်မိတယ်။ ဒီဆံပင်ညှပ်ဆိုင်မှာလည်း အတွင်းခန်းလေးများ ရှိရင် ကောင်းမှာပဲ။ ခုလို အကြာကြီး ထိုင်စောင့်နေရမယ့် အစား၊ ခဏလောက်များ လှဲနေရရင် အတော်နိပ်မှာပဲလို့ တွေးနေမိသတဲ့။ ဖတ်နေရင်း ကျွန်တော်တောင် အဲဒီလိုပဲ တွေးလိုက်မိတယာ်။ နောက်ထပ် နှစ်ခေါင်းပြီးအောင် စောင့်ရမှာပါလားလို့ တွေးမိရင်း ငါကြိုက်ခဲ့ဖူးတဲ့ ကောင်မလေးတွေရော၊ ဘယ်ရောက်ကုန်ပြီလဲဆိုတာကို ဆက်တွေးကြည့်လိုက်မိတယ်။ ဆံပင်ညှပ်ဆိုင်ရဲ့ အတွင်းဖက်ကို စိတ်က မရည်ရွယ်ဘဲ အလိုလိုလှည့်ကြည့်လိုက်မိတယ်။ ဒီကောင့်ဆိုင်မှာ အိပ်ခန်းမရှိဘူး။ အတွင်းဘက်မှာ တောက်တိုမယ်ရထားတဲ့ အခန်းကလေးနဲ့ အိမ်သာပဲ ရှိတယ်။ ကျွန်တော်လည်း ပြတင်းပေါက်ကနေ အပြင်ဘက်ကိုလှမ်းကြည့်လိုက်တယ်။ ချက်ချင်းပဲ လှလှကို သတိရလိုက်မိတယ်။

လှလှ ဒီကို ပြန်ပြောင်းလာတာ တစ်လလောက်ပဲ ရှိတယ်။ ဆယ်တန်းအထိ ကျွန်တော်တို့ တကျောင်းတည်း အတူတက်တာ။ အတူတူ ကျောင်းပြန်ကြတာ။ ဆယ်တန်းမှာ သူကျတယ်။ ကျွန်တော်က အောင်တယ်။ နောက်နှစ် သူဆယ်တန်းအောင်တော့ ကျွန်တော်က ဒုတိယနှစ် တက်ဖို့လုပ်နေတုန်း အဖေဆုံးသွားတာနဲ့ ကျွန်တော်လည်း ကျောင်းဆက်မတက်တော့ဘူး။ သူက မကျေနပ်ဘူး။ တက္ကသိုလ်မှာ နင်နဲ့ အတူတူတက်ချင်တာ။ နင်ရှိမှ ငါလည်း အားရှိမှာပေါ့လို့ သူက ပြောတယ်။ ကျွန်တော်ကတော့ အဖေ့လုပ်ငန်းကလေးပဲ ဦးစီးတော့မယ်လို့ ဆုံးဖြတ်တယ်။ တစ်ဝမ်းတစ်ခါးအတွက်တော့ ဘာလက်မှတ်ကြီးပဲ ရရ ရုန်းရတာဟာ ကိုယ်ပဲလို့ ကျွန်တော်မြင်တယ်။ လှလှက တော်တော် စိတ်ဆိုးသွားတယ်။ နင် ငါနဲ့ လက်တွဲပြီး ဘဝကို မရုန်းကန်ချင်ဘူးလား လို့ ရေလာမြောင်းပေးစကားမျိုး သူကပြောသေးတယ်။ အဲဒီတုန်းက ကျွန်တော်ကတော့ ရှင်းရှင်းပဲ ပြောလိုက်မိတယ်။ ဘဝကို ရုန်းကန်တာရယ်၊ လက်တွဲတာရယ်၊ ကိုယ်ကာယချင်း နှီးနှောတာရယ်၊ ဘာရယ်၊ ညာရယ်။ ဘာပဲ ပြောပြော အဲဒါတွေဟာ တစ်ခုတည်း မဟုတ်ဘူး။ ဘဝဆိုတာကြီးအထဲက အစိတ်အပိုင်းတွေပဲ။ ဘဝထဲမှာ မွစာကြဲနေတဲ့ ဟာတွေ။ နင် ငါ့ကို ကြိုက်ကောင်းကြိုက်မယ်။ ငါလည်း နင့်ကို ကြိုက်ကောင်းကြိုက်မယ်။ ကြိုက်တာဟာ ကြိုက်တာပဲ။ အနာဂတ်ကြီးတွေ ဘာတွေနဲ့ သိပ်မဆိုင်ဘူး။ အနာဂတ်ဆိုတာ နင့်အထဲမှာ၊ ငါ့အထဲမှာ မရှိဘူး။ သူ့ဟာသူ နေ နေတာ။ စိတ်ကူးထားလို့ မရဘူး။ စိတ်ကူးလို့ ရနိုင်တဲ့ အနာဂတ်ဆိုတာမျိုးကတော့ ဗေဒင်ဆရာတွေကပဲ ဖန်တီးပေးနိုင်တယ်။ မဟုတ်ရင်လည်း ရူုးကြောင်ကြောင်ပေါသွပ်သွပ် ဖြစ်ဖို့ လိုလိမ့်မယ်လို့ ကျွန်တော် ပြောလိုက်မိတယ်။
နောက်ဆုံးတော့ ကျွန်တော်တို့ကြားမှာ ရှိနေတဲ့ သံယောဇဉ်ကို သရေပင်လို သဘောထားပြီး ခပ်ရှည်ရှည် ဆွဲထားခဲ့ကြတယ်။ လှလှကတော့ ပြောပါတယ်။ နင်ပြောတဲ့ အပိုင်းအစတွေအကြောင်း တစ်ခုလောက် နားလည်တဲ့ အခါ နင့်ဆီ ပြန်လာခဲ့မယ် တဲ့။ အခု လှလှတစ်ယောက် မြို့ကို ပြန်လာတယ်။ အထက်တန်းကျောင်းအတွက် ဒုကျောင်းအုပ်အဖြစ်နဲ့ ပြန်လာတာ။ ဟိုတနေ့ကပဲ ဆိုင်အဝလာပြီး ဟိတ်၊ ငါပြန်လာပြီလို့ ပြောတယ်။ ကျွန်တော်က နင် ပြန်လာတော့ ငါက ပန်းစီးကလေးနဲ့ ကြိုရမှာလားလို့ လှမ်းမေးလိုက်မိတယ်။ သူက ပြုံးပြရင်း ငါ့ကိုယ်ထဲက အစိတ်အပိုင်းတစ်ခုက နင့်ကို ဝင်ပြောလိုက်ဦးမှာပဲ လို့ တောင်းဆိုနေလို့ ဝင်ပြောတာ ဒါပဲ လို့ ပြောပြီး ရယ်ရင်း ထွက်သွားတယ်။ ကျွန်တော်လည်း ဘာမှ မပြောတော့ဘူး။ ခုတော့ ဝတ္ထုဖတ်နေရင်း လှလှကို သတိရလိုက်မိတယ်။ အပြင်ဖက်မှာတော့ နေပူနေတုန်းပဲ။. အပြင်ဖက်ကို ငေးနေရင်း ဝတ္ထုကို ပြန်ဖတ်လိုက်မိတယ်။ “အဆုံး” ဝတ္ထုတိုထဲက နာရီပြင်သမားက သူနဲ့ အကြောင်းမပါခဲ့တဲ့ ကောင်မလေးတွေအကြောင်းကို စဉ်းစားရင်းက လောကကြီးများ အတော့်ကို အသုံးမကျပါကလား လို့ တွေးမိပြီး သက်ပြင်းချလိုက်မိသတဲ့။ ပြီးတော့မှ သူဖတ်လက်စ ဝတ္ထုကို ဆက်ဖတ်သတဲ့.။ သူဖတ်နေတဲ့ ဝတ္ထုတိုထဲက နာရီပြင်သမားကတော့ မျက်နှာကြက်ကိုကြည့်ရင်း ကွပ်ပျစ်ပေါ်မှာ ကျောဆန့်နေရင်း အိပ်ပျော်သွားတယ် တဲ့။ နေ့ခင်းအိပ်မက်မို့ မတော်တရော်တွေ လျှောက်မက်နေတာ။ စုံနေတာပဲ။ ကောင်းတာ မကောင်းတာ အကုန်ပါတယ်။ နောက်တော့ လန့်နိုးသွားတယ်။ “အဆုံး” ဝတ္ထုတိုထဲက နာရီပြင်သနား ဖတ်နေတဲ့ ဝတ္ထုတိုထဲက နာရီပြင်သမား လန့်နိုးသွားတယ် ဆိုတဲ့ နေရာမှာ ဝတ္ထုတိုထဲက နာရီပြင်သမားဟာ စာဆက်မဖတ်သေးဘဲ အပြင်ဘက်ကို လှမ်းကြည့်လိုက်တယ်။ ကျွန်တော်ကတော့ စိတ်ဝင်စားနေလို့ ဝတ္ထုကို ဆက်ဖတ်လိုက်မိတယ်။

“အဆုံး” ဝတ္ထုတိုထဲက နာရီပြင်သမားက ပြတင်းပေါက်အပြင်ဖက်ကို ကြည့်ရင်း ဘဝဆိုတာ အိပ်မက်ပဲ မဟုတ်ဘူးလားလို့ တွေးလိုက်မိသတဲ့။ ဘဝဆိုတာ အိပ်မက်ပဲ ဆိုရင်တော့ အိပ်မက်ဆိုတာ ဘာလဲလို့ တွေးသတဲ့။ ဘယ်ဟာက ပိုပြီး ရေရာမှု ရှိသလဲဆိုတာ စဉ်းစားလိုက်မိပြန်သတဲ့။ ဒီတော့ စာဖတ်ရင်း ကျွန်တော်လည်း တွေးမိတယ်။ ဘဝဟာ အိပ်မက်လိုပဲလားလို့။ ဒါပေတဲ့ အဖြေမပေးရဲဘူး။ အဖြေမထုတ်ရဲဘူး။လောလောဆယ်မှာတော့ ဝတ္ထုကို ဆက်ဖတ်ကြည့်နေချင်တယ်။ “အဆုံး” ဝတ္ထုတိုထဲက နာရီပြင်သမားက  အော်၊ ဘဝဆိုတာ အိပ်မက်ပဲလို့ ကောက်ချက်ချလိုက်တယ်။ သူ့ဘဝကို သူ့ဘာသာပြန်စဉ်းစားကြည့်နေမိတယ်။ ပြတင်းပေါက်ကနေ မြင်နေရတဲ့ ဟာတွေအားလုံး သူ့အိပ်မက်တွေချည်းပဲ။ သူက ဆံပင်ညှပ်ဆိုင်ထဲမှာ ထိုင်နေတယ်၊ ဆံပင်အညှပ်ခံရဖို့ စောင့်နေတယ်။ အပြင်ဖက်မှာတော့ လူတွေဟာ သူ့ကိစ္စနဲ့ သူပဲ.။ သင်္ချိုင်းကုန်းမှာ အသုဘတစ်ခုခု ရှိနေမယ်။ ဈေးထဲမှာ လူတွေ အရောင်းအဝယ်တစ်ခုခု လုပ်နေကြမယ်။ ကျောင်းမှာ ကလေးတွေ စာသင်နေကြမယ်။ ခုနေအချိန်မှာ၊ တနေရာရာမှာ ဝမ်းဆွဲသည်တစ်ယောက်က ကလေးတစ်ယောက်ကို မီးဖွားပေးနေလိမ့်မယ်။ အဲဒါတွေအားလုံးဟာ အိပ်မက်ထဲမှာလိုချည်းပဲ။ ကစဥ့်ကလျားဖြစ်ပျက်နေတာပဲလို့ တွေးလိုက်မိတယ်။ ပြီးတော့မှ သူဖတဆ်နေတဲ့ ဝတ္ထုကို ဆက်ဖတ်ကြည့်ဦးမှလို့ အတွေးရသတဲ့။ သူဖတ်နေတဲ့ ဝတ္ထုတိုထဲက နာရီပြင်သမားက လန့်နိုးပြီး ဘာများ ဖြစ်သွားသလဲလို့ သိချင်လိုက်မိတယ်။နေ့ခင်းအိပ်မက်က လန့်နိုးလာတဲ့ နာရီပြင်သမား တစ်ယောက်ကတော့ ဆံပင်ညှပ်သမားကို လှမ်းကြည့်လိုက်တယ်။ ဆံပင်ညှပ်သမားဆီမှာ လူကုန်သွားတာ တွေ့ရလို့ နာရီပြင်သမားက ဆံပင်ညှပ်သမားဆီ ထသွားတယ်။ ခုန်မှာ ထိုင်လိုက်မိတော့ ငါ့ကို ကတုံးသာ တုံးလိုက်တော့ကွာလို့ ပြောတယ်။ ဆံပင်ညှပ်သမားက ဘာလို့လဲ လို့ မေးတော့ ငါခဏ အိပ်ပျော်သွားတုန်းက မက်လိုက်တဲ့ အိပ်မက်တွေကွာ စုံနေတာပဲ လို့ ပြန်ပြောတယ်။ ပြီးတော့မှ တုံးသာ တုံးကွာ လို့ ပြောသတဲ့။ ကတုံးလည်း တုံးပြီးရော နာရီပြင်သမားက ဆံပင်ညှပ်သမားကို ပိုက်ဆံပေးပြီး ဆိုင်က ထွက်သွားတယ်။ ဒါပေတဲ့ သူ့နာရီပြင်ဆိုင်ဘက်ဆီ မဟုတ်ဘူး။ ဘုန်းကြီးကျောင်းတွေ ရှိတဲ့ မြို့ရဲ့ အနောက်ဘက်ဆီကို တဲ့.။ ဝတ္ထုက အဲဒီမှာ ပြီးသွားတယ်။ “အဆုံး” ဝတ္ထုတိုထဲက ဝတ္ထုဖတ်နေတဲ့ နာရီပြင်သမားက စာအုပ်ကို အသာပိတ်လိုက်ပြီး ပြတင်းပေါက်ကနေ အပြင်ဖက်ကို လှမ်းကြည့်ပြန်တယ်။ ဒီတခါတော့ သူက ကတုံး တုံးလုိူက်တဲ့ နာရီပြင်သမား ခဏ အိပ်ပျော်သွားတုန်းက ဘာတွေများ အိပ်မက်မက်သလဲလို့ တွေးကြည့်နေတယ်။နောက်ပြီး အဲဒီ နာရီပြင်သမားဟာ ဘုန်းကြီးကျောင်းတွေ ရှိတဲ့ မြို့ရဲ့ အနောက်ဖက်ကို ထွက်သွားတယ် ဆိုတော့ ဘုန်းကြီးသွားဝတ်တာလား၊ မဟုတ်ရင် ဘာလို့ ကတုံး တုံးရတာလဲ လို့ စဥးစားနေတယ်။ ဒီလူဟာ ဆံပင်ညှပ်ဆိုင်လာကတည်းက ကတုံးတုံးဖို့ လာတာလည်း ဖြစ်ချင် ဖြစ်မယ် လို့လည်း တွေးကြည့်နေမိတယ်။

ဒီနေရာရောက်တော့ ကျွန်တော်လည်း ဝတ္ထုဖတ်တာ ခဏရပ်လိုက်တယ်။ ကတုံး တုံးသွားတဲ့ နာရီပြင်သမားဟာ ကာလတရားကို ရှည်စေချင်ပုံရတယ်။ သူ့ဘာသာ ဘုန်းကြီး ဝတ်ဝတ်၊ မဝတ်ဝတ်။ ဆံပင် ပြန်ရှည်ဖို့တော့ အတော်သည်းခံ စောင့်ရလိမ့်မယ်လို့ ကျွန်တော် တွေးကြည့်လိုက်မိတယ်။ အပြင်ဘက်မှာ နေပူတုန်းပဲ။ ဈေးဖက်ကို လှမ်းကြည့်လိုက်မိတယ်။ သုံးနာရီခွဲသာသာလောက် ဆိုရင် လှလှတစ်ယောက် ဈေးထဲက ဖြတ်ပြီး အိမ်ပြန်လေ့ရှိတယ်။ ဘာကြောင့် ဈေးထဲက ဖြတ်ပြီး အိမ်ပြန်မှန်းတော့ မသိဘူး။ သူ အိမ်ကို ပြန်မယ် ဆိုရင် ဈေးကို ပန်းပြီး ပြန်လို့ရတယ်။ သူပြန်ရောက်ကတည်းက ကျောင်းကပြန်တိုင်း ဈေးကို ဖြတ်ပြီးပြန်တယ်။ သူပြန်တိုင်းလို ကျွန်တော်လည်း ဆိုင်အတွင်းဘက်ကနေကြည့်နေမိတယ်။ ဆိုင်ဖက်ကို ဘယ်တော့မှ သူက လှည့်မကြည့်တတ်ဘူး။ သူပြန်ရောက်ကတည်းက သူနဲ့ တွေ့ဖြစ်တာ သုံးခါပဲ ရှိသေးတယ်။ ဟိုတစ်နေ့ကတော့ သူတို့အိမ်မှာ ငယ်သူငယ်ချင်း လေးငါးယောက်ရယ်၊ သူ့ကျောင်းက ဆရာကြီး လင်မယားရယ် ထမင်းခေါ်ကျွေးတယ်။ ကျွန်တော်တို့နဲ့ ကျောင်းတက်ဖက် လှမြင့်က ထမင်းစားနေရင်း ဟဲ့ လှလှ နင်တို့က ဘာအတွက် ထမင်းကျွေးတာလဲလို့ နောက်တောက်တောက်နဲ့  မေးတယ်။ အဲဒီတုန်းက လှလှ အမေ အန်တီကြော့က ဟဲ့ မောင်လှမြင့် အဲဒီ တို့အထဲတော့ အန်တီ မပါလိုက်ရဘူး။ အန်တီက ချက်ပေးရရုံပဲလို့ ပြန်နောက်သေးတယ်။ ဘာမှန်းတော့ မသိဘူး။ ကျွန်တော့်ကို ကြည့်ပြီး ဘာမျှမပြောဘဲ လက်ညှိုးထိုးတယ်။

နောက်နေ့ မနက်ဖက် လှလှ ကျောင်းအသွားမှာ ကျွန်တော်နဲ့ ထပ်ပြီး တွေ့တယ်။ ကော်ဖီဆိုင်အပြင်ဖက် သစ်ပင်အောက်က စားပွဲမှာ ကျွန်တော် တစ်ယောက်တည်း ကော်ဖီသောက်နေတုန်း လှလှ လျှောက်လာတာတွေ့တယ်။ ခါတိုင်းဆို ဒီလိုအချိန်မျိုးမှာ ကျွန်တော် ကော်ဖီဆိုင် ထိုင်လေ့ မရှိဘူး။ ကျွန်တော် လက်လှမ်းပြလိုက်တော့ ကျွန်တော် ထိုင်နေတဲ့ စားပွဲဆီ သူလာတယ်။ နင် ငါ့ကို လာစောင့်နေတာ မဟုတ်ဘူး မဟုတ်လားလို့ မေးတော့ ကျွန်တော်က မဟုတ်ဘူး မဟုတ်လားဆိုတာ နင် ငါ့ကို ဟုတ်လားလို့ မေးချင်တာလား လို့ ပြန်မေးလိုက်မိတယ်။ သူကရယ်တယ်။ နင် ငါကျောင်းသွားတာ ဘယ်တုန်းကမှ မစောင့်ဖူးပါဘူးလို့ သူကပြောတယ်။ ဟုတ်တယ်။ ကျွန်တော် တခါကမှ သူကျောင်းသွားတာ သွားပြီး စောင့်မနေဖူးဘူး။ ငါ နင့်ကို ကျောင်းအပြန် အမြဲစောင့်ပါတယ်။ ဈေးဟိုဖက်ထိပ်ကလေလို့ ကျွန်တော်က ပြောတော့ သူ ပြုံးတယ်။ ဆယ်နှစ် မကတော့ဘူး ဆိုတော့လည်း ဈေးဟိုဖက်ထိပ်မှာ သစ်ပင်တွေ ကြီးလာကြပြီ။ ခုဆို အရင်က နေပူထဲမှာ စောင့်သလို စောင့်စရာ မလိုတော့ဘူးလို့ လှလှက ပြောတယ်.။ နောက်တော့ အစည်းအဝေး ရှိလို့ဆိုပြီး လှလှထွက်သွားတယ်.။ ကော်ဖီတောင် သောက်မသွားဘူး.။

ကျွန်တော်လည်း ဝတ္ထုကို ပြီးအောင် ဆက်ဖတ်မှပဲ လို့ တွေးမိတယ်။ ဝတ္ထုကလည်း အဆုံးပိုင်းကို ရောက်နေပြီ။“အဆုံး” ဝတ္ထုတိုရဲ့ နောက်ဆုံး စာပိုဒ် အစမှာ၊ နေရာတိုင်းမှာ အဆုံးသတ်တော့ ရှိတတ်သည်…..လို့ ရေးပြီး စထားတယ်။ အဲဒီ ဝတ္ထုတိုထဲက နာရီပြင်သမားဟာ ဆံပင်ညှပ်ဖို့လာရင်း စဉ်းစားစရာတွေ တွေးစရာတွေ အများကြီးပေါ်လာရတယ်.။ သူ့ခမျာ အဲဒါတွေကို အဆုံးသတ်ဖို့ လိုတယ်ဆိုတာ သတိထားမိတယ်။ ဒါပေတဲ့ အဆုံးသတ်ဖို့အတွက် သူရင်ဆိုင်လာရတာတွေဟာ အစတွေပဲ။ အစတွေ ထပ်ဖန်တီးနေရတာပဲ ဆိုတာတော့ သူရိပ်မိပုံ မပေါ်ဘူး။  သူ့အလှည့်ရောက်တော့ ဆံပင်ညှပ်ခံရင်း၊ ဆံပင်ညှပ်ပြီးရင် သူက အားလုံးပြီးပါပြီခင်ဗျားလို့ ပြောလို့ ရပြီလားလို့ ဆက်တွေးနေမိတယ်။ အဲဒီမှာပဲ “အဆုံး”ဝတ္ထုတိုကလေး ပြီးသွားတယ်။ ကျွန်တော်လည်း မဂ္ဂဇင်းစာအုပ်ကို ပိတ်လိုက်ပြီး ရှေ့နားဆီက စားပွဲပေါ် လှမ်းတင်လိုက်မိတယ်။ အပြင်ဖက်ကို ကြည့်နေရင်းပဲ လက်ထဲက နာရီကိုကြည့်လိုက်တယ်။ သုံးနာရီ ထိုးပြီးရုံကလေးပဲ ဆိုတော့ ခုနေများဈေးဟိုဖက်ထိပ်က သစ်ပင်တန်းအောက်ကို ရောက်သွားရင် လှလှနဲ့ တွေ့ကောင်းတွေ့လေမလားရယ်လို့ တွေးမိတယ်.။ အရင်ကလို နေပူထဲမှာ စောင့်စရာ မလိုတော့ဘူး လို့လည်း သူက ပြောဖူးတယ်။ လှလှက နေ့တိုင်း အဲဒီကဖြတ်ပြီး ဈေးထဲကို လာနေကျဆိုတော့၊ ဒီနေ့ကျမှ မလာစရာ အကြောင်းမရှိဘူး။ ဒီနေ့ကျကာမှ သူမလာညလည်း ကိုယ်ကတော့ ဘာမှမတတ်နိုင်ဘူး.။ အနာဂတ်ဆိုတာ နောက်သုံးစက္ကန့်နဲ့ နောက် အနှစ်သုံးထောင်နဲ့ သိပ်မကွာဘူး။ ဘဝဆိုတာ အချိန်ကာလထဲမှာ ပ်ိတ်လှောင်ထားစရာ မလိုဘူး။ ရေရာမှုဟာ စိတ်ကုးထဲမှာပဲ ရှိတာ.။တကယ့်ဘဝထဲမှာမှ မရှိဘဲ။ အဆုံးတစ်ခု ဖြစ်ဖို့ အစတွေတော့ လိုတာပဲ။

ကျွန်တော်လည်း ထိုင်ရာက ထပြီး ဆံပင်ညှပ်တဲ့ လူကို ငါသွားလိုက်ဦးမယ်ကွာ။ နောက်နေ့မှ ညှပ်တော့မယ်လို့ ပြောလိုက်မိတယ်။ သူက ဆံပင်ညှပ်နေရင်း ကျွန်တော့်ကို လှည့်ကြည့်ပြီး ပြုံးပြတယ်။. သုံးနာရီ ကျော်ပြီပဲ။ အစ်ကို ဘယ်သွားမယ်ဆိုတာ ကျွန်တော် သိပါတယ်လို့ ပြောပြီး ဆက်ပြုံးနေတယ်။ ဒီကောင်တွေးထားတဲ့ အတိုင်း မှန်ကောင်းမှန်မယ်။ မှားကောင်းမှားမယ်။. မှန်ခဲ့ရင်တော့ ဒီကောင်လူတော်ပဲ။  ဝတ္ထုထဲက ဆံပင်ညှပ်သမားတွေထက် စာရင်တော့ တော်တာအမှန်ပဲ။ ဝတ္ထုထဲက ဆံပင်ညှပ်သမားတွေက သူ့လို ဘာကောက်ချက်မှ မချကြဘူး။ သူကတော့ လူကိုး။ ဝတ္ထုထဲမှာလို ကန့်သတ်ထားခံရတာမှ မဟုတ်ဘဲ။ တကယ့်လူဆိုတာ အချိန်နဲ့ နေရာကို သိတယ်။ ကာလတရားကို ဈေးဆစ်တတ်တယ်။ အဆုံးကို ဖြတ်တောက်ပစ်ပြီး အဲဒီနားကလေးတင် အစတစ်ခုကို တွေ့တတ်တယ်။ ဖန်တီးတတ်တယ်။ တွေးတတ်တယ်။လူဆိုတာကိုက အပိုင်းအစပေါင်းများစွာနဲ့ တည်ဆောက်ထားတာကြီးတစ်ခုပဲ။ ဘာကြီးမှန်းတော့လည်း မသိဘူး။

မြင့်သန်း
အမှတ်(၂)၊ ဖေဖော်ဝါရီလ၊ ၂၀၀၆

စာအုပ်စာတမ်း ထောက်ပံ့ပေးသော မမွန်၊ ဂျီးတော်နွားကျောင်းပေးသော ကိုတေဇာအောင်တို့ကို ကျေးဇူးတင်ပါတယ်။ လာမယ့်အပိုဒ်တွေ အတွက်ရောပေါ့။

Comments

Popular posts from this blog

ဂမ္ဘီရကြက်ခြေ

ဤကမ္ဘာမြေကို နောက်သို့လှည့်ခိုင်းပြီး အရာရာအသစ်ကပြန်စခွင့်ရှိရင် အရင်လိုမျှော်လင့်ချက်နဲ့ ရှင်သန်အားမွေးလိုက်ချင်… ။ (ကျော်ဟိန်း) အ၀တ်အထည် ကိုယ်တစ်ခုဟူသော စကားမှ (သေးသေးကွေးကွေး) ကိုယ်ခန္ဓာတစ်ခုသာ အကျုံးဝင်ပြီး အ၀တ်အစားမျှပင် မကပ်ဘဲ မွေးဖွားလာခဲ့ရပြီးသည့်နောက် မိမိ၏ ပိုင်ဆိုင်မှုစစ်စစ်တစ်ခုအဖြစ် ဤကမ္ဘာမြေကြီးတွင် လက်ဆုပ်လက်ကိုင် ပြစရာဟူ၍ လက်သီးဆုပ်လိုက်သည့်အခါတိုင်း လက်ဖ၀ါးထဲတွင် ကျစ်ကျစ်ပါအောင် ဆုပ်ကိုင်မိနေသော ဂမ္ဘီရကြက်ခြေတစ်ခုသာ သူ့ တွင်ရှိသည်။ လက်ဖ၀ါးပြင်တွင် နက်ရှိုင်းထင်ရှားစွာ နေရာယူထားသော ကြက်ခြေခတ်တစ်ခု။ လက်သီးဆုပ်လိုက်ချိန်တိုင်း ထိုအရာအား ဆုပ်ကိုင်နေမိကြောင်း သူ အစဉ်အမြဲ သတိပြုနေခဲ့မိသည်။ ထိုအရာသည် သူ၏ ပိုင်ဆိုင်မှုစစ်စစ်တစ်ခု ဖြစ်သည်။ သူ၏ မွေးရာပါ ဥစ္စာဓန ဖြစ်သည်။ စင်စစ် သူက ရွေးချယ် ရယူထားခဲ့ခြင်းမဟုတ်ဘဲ အလိုလိုရရှိခဲ့သော စွမ်းအင်တစ်ခုသာ ဖြစ်ပါသည်။ ၎င်းသည် တစ်စုံတစ်ယောက်က ရေးခြစ်ထားသော သာမန်ကြက်ခြေခတ်တစ်ခုမျှ မဟုတ်ဘဲ စွမ်းအင်တစ်မျိုး ကိန်းအောင်းနေသည့် မှော်ဆန်ဆန်အမှတ်အသားတစ်ခုသာ ဖြစ်ကြောင်း သူ ကောင်းစွာ သိရှိခဲ့ပြီးဖြစ်သည်။ ထိုစွမ်းအင်သည် သူကိုယ်တိုင် ရေရေရာရာ မသိရသည့် အရပ်တစ်ခ

အရူးရောဂါနှင့် မရူးတရူးပြဿနာ

အင်္ဂလိပ်စကားတွင် “ရူး” သည့်အကြောင်း ရည်ညွှန်းလိုသည့်အခါ ယေဘုယျအားဖြင့် နှစ်ခါပြန် မစဉ်းစားဘဲ ပါးစပ်သင့်ရာ အလွယ်တကူ ပြောဆိုသုံးနှုန်းတတ်သည့် စကားလုံး နှစ်လုံးရှိပါသည်။ Psychotic နှင့် Neurotic တို့ ဖြစ်ကြပါသည်။ မြန်မာစကားတွင်မူ ရူးသည်၊ စိတ်မနှံ့ဖြစ်သည်၊ ကျပ်မပြည့်ဖြစ်သည်၊ ဂေါက်သည် မှအစ အခုနောက်ပိုင်းတွင် လူငယ် အသုံးအဖြစ် ဆိုက်ကိုဝင်သည် ဟုပါ ကပြားအသုံးအနှုန်းများ ကျယ်ကျယ်ပြန့်ပြန့် သုံးစွဲလာကြသည်။ Psychotic ကို “အပြင်းစား စိတ်ရောဂါ”၊ Neurosis ကို “အနုစား စိတ်ရောဂါ” ဟု ကျောင်းတုန်းက အလွယ် မှတ်ခဲ့ရဖူးသည်။ “ကုမရသည့် အရူး“ နှင့် “ကု၍ရသည့် အရူး” ဟုလည်း မှတ်သားဖူးသည်။ စိတ်ပညာအရ “အရူးရောဂါ” Psychosis နှင့် “မရူးတရူး ပြဿနာ” Neurosis  တို့၏ ကွဲပြားပုံကို လေ့လာကြည့်ပါမည်။ Psychosis (အရူးရောဂါ) စိတ်ပညာရပ် ဘောင်အတွင်း အကျုံးဝင်သည့် ဝေါဟာရတစ်ခုဖြစ်သော Psychosis သည် ပုံမှန် လူမှုရေး လုပ်ဆောင်ချက်များကို ဆိုးဆိုးရွားရွား ဖြစ်လာစေသည့် အရှိတရားနှင့် ဆက်သွယ်ချက် ဆုံးရှုံးသွားသော စိတ်အခြေအနေကို ခေါ်ညွှန်းသည့် ပညာရပ်ဆိုင်ရာ ဝေါဟာရတစ်ခု ဖြစ်ပါသည်။ အဆိုပါ စကားလုံးကို Ernst Von Reuchtersleben   ဆိုသူက “ရူးသွပ်မှု”

“တပင်ရွှေထီး၏ အပ်စိုက်စမ်းသပ်မှု”

“လက်သည်းကြားတွင် အပ်စိုက်၍ တူနှင့်ရိုက်ကာ စမ်းသပ်၏။ နောက်မတွန့်သူကိုသာ သူရဲကောင်းအဖြစ် ရွေးချယ်၏” ငယ်စဉ်ဘ၀က မြန်မာ့သမိုင်းမှာ ဒီလို သင်ကြားခဲ့ရဖူးပါတယ်။ ဒါကို မြန်မာ့ရာဇ၀င်သူရဲကောင်း ဘုရင့်နောင်...လို့ ကာလအတော်ကြာကထဲက ကျွန်တော် အမှတ်မှားနေခဲ့မိပါတယ်။ ဒီအကြောင်းကို ဝေဖန်မယ်လုပ်တော့ မသေချာတာနဲ့ မေးစမ်းကြည့်တော့လည်း အဖြေမှန်မရခဲ့ဘူး။ မြန်မာဝီကီကိုလည်း မေ့နေခဲ့တယ်။ အမှန်က ဒီလိုစမ်းသပ်တဲ့ မြန်မာဘုရင်ဟာ “တပင်ရွှေထီး” ဖြစ်ပါတယ်။ အကျဉ်းချုပ်ကို မြန်မာဝီကီမှ တစ်ဆင့် ပြန်လည်ဖော်ပြပေးလိုက်ပါတယ်။ နန်းတက်ပြီး နှစ်နှစ်ကျော်အကြာ၊ အသက် ၁၇ နှစ်အရွယ်ရောက်လျှင် တပင်ရွှေထီးမှာ နားထွင်းခြင်း၊သျှောင်ထုံးခြင်း အမှုတို့ကို ပြုချိန်ရောက်လာခဲ့သည်။ထိုသို့သောအချိန်တွင် တပင်ရွှေထီးမှာ ထူးဆန်းသော အကြံတို့ဖြစ်လာသည်။ အခြားမဟုတ်၊ ရန်သူဟံသာဝတီ မင်း သုရှင်တကာရွတ်ပိ၏ ပိုင်နတ်နေပြည်တော်အနီးတွင်ရှိသည့် ရွှေမောဓော ဘုရားရင်ပြင်တွင် ထိုနားထွင်းခြင်း၊ သျှောင်ထုံးခြင်း တို့ကို ပြုလုပ်လိုခြင်းဖြစ်သည်။ အချို့သောမှူးမတ်တို့က အလွန်ရန်များလှသည်ကြောင့် မလိုအပ်ပဲ မစွန့်စားရန် လျှောက်တင်သော်လည်း၊ ယောက်ဖတော် ကျော်ထင်နော်ရထာက ဆန္ဒရှိလျှင် သွ