ကျွန်တော် စာရေးတာဝါသနာပါတယ်ဗျာ။ ရေးထားတဲ့ ၀တ္တုတိုလေးတွေတော့ ရှိတယ်။ ဘယ်တိုက်ကိုမှ မပို့ရသေးဘူး။ ကိုယ့်အရေးအသားကိုယ် သိပ်အားမရသေးတာလဲ ပါတယ်။ ဘာသာပြန်တွေပါ။ အများစုကတော့ Science Fiction တို့၊ Mystery ၀တ္တုတိုလေးတွေပါ။ Science Fiction ဆိုပေမယ့် လက်နက်ဆန်းတွေ၊ အာကာသတိုက်ပွဲတွေ လိုမျိုး မဟုတ်ပါဘူး။ Soft Science Fiction အမျိုးအစားပါ။ လူ့သဘာဝ အကြောင်းကို သရော်တော်တော်ရေးထားတာ မျိုးလေးတွေပါ။ ပြီးတော့ ကမ္ဘာကြီးရဲ့ အနာဂတ်အကြောင်းလိုမျိုးတွေပေါ့။ မြန်မာပြည်မှာက Science Fiction တွေ အရမ်းရှားတယ်ဗျာ။ ကျွန်တော် တွေ့ဖူးသလောက် ဆရာဌေးဦးကျော်ရဲ့ အနာဂတ်သမိုင်းဆိုတဲ့ တစ်အုပ်ပဲ ဖတ်ဖူးတယ်။ အရမ်းကောင်းတယ်ဗျာ။ ကျွန်တော်လဲ Type ရိုက်ရမှာပျင်းတာနဲ့ E-book တောင်မလုပ်ရသေးဘူး။ ရိုက်ပြီးရင် တင်ထားပေးပါ့မယ်။
ဤကမ္ဘာမြေကို နောက်သို့လှည့်ခိုင်းပြီး အရာရာအသစ်ကပြန်စခွင့်ရှိရင် အရင်လိုမျှော်လင့်ချက်နဲ့ ရှင်သန်အားမွေးလိုက်ချင်… ။ (ကျော်ဟိန်း) အ၀တ်အထည် ကိုယ်တစ်ခုဟူသော စကားမှ (သေးသေးကွေးကွေး) ကိုယ်ခန္ဓာတစ်ခုသာ အကျုံးဝင်ပြီး အ၀တ်အစားမျှပင် မကပ်ဘဲ မွေးဖွားလာခဲ့ရပြီးသည့်နောက် မိမိ၏ ပိုင်ဆိုင်မှုစစ်စစ်တစ်ခုအဖြစ် ဤကမ္ဘာမြေကြီးတွင် လက်ဆုပ်လက်ကိုင် ပြစရာဟူ၍ လက်သီးဆုပ်လိုက်သည့်အခါတိုင်း လက်ဖ၀ါးထဲတွင် ကျစ်ကျစ်ပါအောင် ဆုပ်ကိုင်မိနေသော ဂမ္ဘီရကြက်ခြေတစ်ခုသာ သူ့ တွင်ရှိသည်။ လက်ဖ၀ါးပြင်တွင် နက်ရှိုင်းထင်ရှားစွာ နေရာယူထားသော ကြက်ခြေခတ်တစ်ခု။ လက်သီးဆုပ်လိုက်ချိန်တိုင်း ထိုအရာအား ဆုပ်ကိုင်နေမိကြောင်း သူ အစဉ်အမြဲ သတိပြုနေခဲ့မိသည်။ ထိုအရာသည် သူ၏ ပိုင်ဆိုင်မှုစစ်စစ်တစ်ခု ဖြစ်သည်။ သူ၏ မွေးရာပါ ဥစ္စာဓန ဖြစ်သည်။ စင်စစ် သူက ရွေးချယ် ရယူထားခဲ့ခြင်းမဟုတ်ဘဲ အလိုလိုရရှိခဲ့သော စွမ်းအင်တစ်ခုသာ ဖြစ်ပါသည်။ ၎င်းသည် တစ်စုံတစ်ယောက်က ရေးခြစ်ထားသော သာမန်ကြက်ခြေခတ်တစ်ခုမျှ မဟုတ်ဘဲ စွမ်းအင်တစ်မျိုး ကိန်းအောင်းနေသည့် မှော်ဆန်ဆန်အမှတ်အသားတစ်ခုသာ ဖြစ်ကြောင်း သူ ကောင်းစွာ သိရှိခဲ့ပြီးဖြစ်သည်။ ထိုစွမ်းအင်သည် သူကိုယ်တိုင် ရေရေရာရာ မသိရသည့် အရပ်တစ်ခ
Comments
Post a Comment