ပန်းအိုးတစ်လုံးကွဲကြေနေသလို အစိတ်စိတ်အမွှာမွှာ ပြန့်ကျဲနေသော ဘ၀အပိုင်းအစများအား ဂျစ်ဆောစပ်ရန် မဖြစ်နိုင်ကြောင်း မူလတန်းကျောင်းသားဘ၀ကပင် သိခဲ့သင့်ပေသည်။ ကလေးဘ၀၏ Multiple Choice မေးခွန်းများအတွက် သူ၏ ခိုင်မာသောအဖြေမှာ ဆရာဝန်ကြီးနှင့် စစ်ဗိုလ်ကြီးတို့မဟုတ်ခဲ့ပါ။ ကြောက်ကြောက်ရွံ့ရွံ့ ခေါင်းခါပြနေသော ကလေးငယ်အား “ရည်မှန်းချက်ထားရတယ်လေ သားရဲ့” ဟု ရက်ရက်စက်စက် နှုတ်မှထွက်ဝံ့သော အဆိုပါ အရွယ်ရောက်သူ (လူကြီး) ဆိုသူများကို ယနေ့အချိန်တွင် သူနာကျည်းနေမိလိမ့်မည်။ သူသည် ရည်ရွယ်ချက်များ ကင်းမဲ့သွားသော စိတ်အခြေအနေနှင့် အယူသည်းမှုများကို အယူသည်းစွာဆန့်ကျင်နေသော Uncertainty သဘောတရားကို သေသေချာချာယုံကြည်နေသူ တစ်ယောက်သာဖြစ်သည်။
ပန်းတိုင်တစ်ခုခု၏ သွေးဆောင်ပြုစားမှုကြောင့် အနည်းငယ်မျှသာ ကိုယ်တာရရှိသော ဘ၀တစ်ခုလုံးအား လုံးဝထိုးအပ်လိုက်ရသည့်အဖြစ်မျိုးမှ သူ့ကိုယ်သူ အချိန်မီကယ်တင်နိုင်ခဲ့သည်။ ကွင်းအပြင်သို့ ဘောလုံးကိုဆွဲပြေးသွားသော ကစားသမားမှာ သူဖြစ်သည်။ ဒိုင်လူကြီးကိုပါ ပြိုင်ဘက်နှင့်အတူ တစ်ပါထဲအလဲထိုးလိုက်သောလက်ဝှေ့သမားမှာ သူဖြစ်သည်။ တောကြီးမျက်မဲကြီးထဲတွင် လမ်းပျောက်အောင်ကြိုးစားရခြင်းသည် တကယ်မလွယ်ကူကြောင်း ကြုံဖူးမှ ကောင်းကောင်းသိပါလိမ့်မည်။ လူသွား၍ လမ်းဖြစ်နေသော မြက်ပင်များပိပြားနေသည့် တောလမ်းကလေးများ မကြာမကြာတွေ့ရနိုင်သည်။ ဤလမ်းများအတိုင်း အယောင်ယောင်အမှားမှား မလိုက်မိစေရန် သူ လုံလောက်စွာ ကံဆိုးခဲ့ပါသည်။ မြားတံ၏ ချွန်မြမြနှာသီးဖျားသည် စက်ဝိုင်း၏အလယ်ဗဟိုတည့်တည့်တွင်သာ စိုက်ဝင်နေရမည်ဟု မည်သူနည်းပြခဲ့ပါသနည်း။ ဟိုမှာဘက်ကမ်းနှင့် ဒီမှာဘက်ကမ်းကြားတွင် ဆိုးဆိုးရွားရွားဝေဒနာခံစား၍ ရေနစ်သေဆုံးခွင့်ရရန် သူကအပြင်းအထန် ရုန်းကန်နေမှုများကို ဖြေလျော့ချခဲ့သည်။ သို့ရာတွင် စလတ်စတစ်ပုံးအစုတ်တစ်ခုပမာ ပေါလောပေါ်နေသော သူ၏ ညစ်ထေးထေးဘ၀ကိုသာ စိတ်ပျက်ဖွယ်ရာ တွေ့ရှိခဲ့ရသည်။ ရေနစ်သေဆုံးရခြင်းမှာ ထင်သလောက်မဆိုးရွားဘဲ ယစ်မူးဖွယ်အာရုံတစ်ခုသာဖြစ်ကြောင်း ခေတ်သစ်ဆေးသိပ္ပံဆောင်းပါးတစ်ပုဒ်တွင် ပါရှိခဲ့သည်။ သို့အတွက်မူ ရေထဲခုန်ချအဆုံးစီရင်သူ ပိုမိုများပြား လာလိမ့်မည်ဟုတော့ သူ လုံးဝမယူဆခဲ့ပါ။ အသက်ရှင်သန်လိုစိတ်သည် လူသားနှင့်ဖွားဘက်တော်ဖြစ်ပြီး အသက်ရှင်သန်ရန် ကြိုးစားရမှုသည် လူသားများ၏ မလွတ်မြောက်နိုင်သော ချိုမြမြကျိန်စာတစ်ခုသာ ဖြစ်ပေသည်။
လူ့သမိုင်းတစ်နံတလျားနှင့် တွက်ဆကြည့်မည်ဆိုလျှင် လက်တစ်ဖျစ်စာမျှသာ ရှိဦးမည့်အချိန်ကာလက လူသားတို့သည် ကမ္ဘာကိုဗဟိုပြု၍ နေနှင့် တခြားဂြိုဟ်များက လှည့်ပတ်နေကြသည်ဟု ယူဆခဲ့ကြသည်။ ဤသည်မှာ အတ္တဗဟိုပြု ချဉ်းကပ်စဉ်းစားမှုများသည် လူသားများ၏ အမှတ်တံဆိပ်တစ်ခုဟု သတ်မှတ်ချင်သော် သတ်မှတ်နိုင်လိမ့်မည့် အထောက်အထားကောင်းတစ်ခုဖြစ်သည်။ ထို့ကြောင့် သူက သူ့အကြောင်းသူရေးသော အခါ သူ့ကို အပြစ်တင်နိုင်လိမ့်မည်မဟုတ်ပါ။ သူမတ်တပ်ရပ်နေရာ အရပ်သည် ကမ္ဘာကြီး၏ အလယ်ဗဟိုဖြစ်ကြောင်း သူကပြောသောအခါ တခြားလူတစ်ယောက်က ငြင်းပယ်လိမ့်မည်။ သို့သော် ထိုသူပြမည့် အဖြေမှန်မှာလည်း ၎င်းကိုယ်တိုင်၏ခြေထောက်အောက်သာ ဖြစ်မည်ဖြစ်ကြောင်း စဉ်းစားစရာရန်လိုမည်မထင်။
လကမ္ဘာ၏မြေကြီး တစ်တန်တွင် ရေအောင်စ မည်မျှပါဝင်သည်ဆိုသည်ကို ကိုရွှေကုလားတို့ တွေ့ရှိခဲ့ပြီဖြစ်ကြောင်း ယနေ့ အိန္ဒိယသတင်းစာများတွင် မျက်နှာဖုံးသတင်းအဖြစ်ပါဝင်လာသည်။ နီးလ်အန်းစထရောင်း ရေဗူးပြုတ်ကျခဲ့သည့် နေရာမဟုတ်ကြောင်း သေချာပါသလားဟု သူက စိတ်ထဲမှ မေးခွန်းထုတ်နေသည်။ နည်းပညာတိုးတက်မှု ဟူသည့် ရွှေရည်စိမ်စကားလုံးကို အသုံးပြုထားသော ညှင်းသိုးသိုး ကိုလိုနီစိတ်ဓာတ်များသာဖြစ်ပေလိမ့်မည်။ ဤအတွက် သူ့ကို လုံးလုံးလျားလျား အဆိုးမြင်ဝါဒီ တစ်ဦးဟု သတ်မှတ်မည့်သူများကို သူက ဒါဆိုအဘယ်ကြောင့် လကမ္ဘာမျက်နှာပြင်ပေါ်တွင် မိမိတို့၏ နိုင်ငံတော်အလံများ ထိုးစိုက်ကြပါသလဲဟု ပြန်လှန်မေးခွန်းထုတ်လိမ့်မည်။ အန္တာတိကတိုက်တွင် သာမန်လူများ မနေထိုင်နိုင်သော်လည်း ပိုင်ဆိုင်သူမရှိသည့် မြေနေရာမှာ လုံးဝသွားရောက်ရန်မဖြစ်နိုင်သည့် မုန်တိုင်းထန်နေရာကွက်ကွက်ကလေးသာ ကျန်တော့သည့်ကိစ္စ၏ အဖြေကိုမူ သူက ငဲ့ညှာသောအားဖြင့် တောင်းဆိုလိမ့်မည်မဟုတ်ပါ။ သတင်းစာများတွင် Celebrity Gossip များများပါဝင်ခြင်းကိုသာ ကံကောင်းမှုတစ်ခုအဖြစ် သူက မှတ်ယူပါသည်။ သူ့ကိုယ်သူ များသောအားဖြင့် အကောင်းမြင်တတ်သူ တစ်ဦးဟု သူက အကောင်းမြင်ထားသည်။ ဤအတွက် သူ့ကို အကောင်းမမြင်နိုင်ခြင်းသည် သူ့ကိစ္စဖြစ်လိမ့်မည် မဟုတ်ပါ။
မနုဿဗေဒဘာသာရပ်၏အောက်တွင် နိုင်ငံရေး၊ ဘာသာရေး၊ လူမှုရေး၊ ယဉ်ကျေးမှု စသည်တို့မှာ ခေါင်းစဉ်ခွဲတစ်ခုမျှအဖြစ်သာ ဂုဏ်ရည်အားဖြင့် သေးနုတ်သွားခြင်းကိစ္စကို သူက မှန်ဘီလူးဖြင့် ထုတ်ကြည့်နေသည်။ ပုပ်ရဟန်းမင်းကြီးက ကွန်ဒုံသုံးခြင်းကိစ္စကို ကန့်ကွက်သည်။ သိပ္ပံပညာရှင်များက အေ့စ်ရောဂါကာကွယ်ဆေးတွေ့ရှိပြီဟု ကြေငြာသည်။ သဘောဝပတ်ဝန်းကျင်သမားများက အိုဇုန်းလွှာတက်ဖာရန် မိုးထိအောင် လှေကားထောင်နေသည်။ ဟီလာရီကလင်တန်က မြန်မာ့အရေးစေ့စပ် ဆွေးနွေးမည်ဟုဆိုသည်။ ဘောလုံးသမားအီတိုးက မျောက်ဟု လူမျိုးရေးခွဲခြား စော်ကားမှု ခံရသဖြင့် တခွီးခွီးဖြင့် စိတ်တိုနေသည်။ ကံကောင်းထောက်မစွာ နောင်နှစ်ပေါင်းတစ်ထောင်ခန့်မျှကြာသည်အထိ လူသားများ ကမ္ဘာပေါ်တွင် အသက်ရှင် နေထိုင်ဆဲ ရှိဦးမည်ဆိုလျှင်...၊ ယနေ့ခေတ်၏ မနုဿဗေဒပညာရပ် အခန်းငယ်ကို လေ့လာလိုသူတစ်ဦးတစ်လေ… ထိုနှောင်းခေတ်လူသားများထဲတွင် ရှိမည်ဆိုလျှင်… သူ့အကြောင်းကို ထိုသူ လေ့လာသင့်သည်ဟု သူက မယူဆပါ။
တကယ်တော့ သူသည် ဗဟိုချက်ကင်းမဲ့နေသော ငလျင်လှိုင်းတစ်ခုသာ ဖြစ်လိမ့်မည်။ သူက လူတွေအကြောင်း ဟိုရောက်ဒီရောက်လျှောက်ပြောနေခဲ့သည်။ သို့သော် သူကိုယ်တိုင်က လူသားတစ်ယောက်သာဖြစ်ကြောင်းကိုမူ သတိမေ့ခဲ့သည်။ ဤသို့ဖြစ်သင့်သည်။ သို့သော် ကံမကောင်းအကြောင်းမလှစွာ ဤသို့မဖြစ်ခဲ့။ သူက သတိမမေ့ခဲ့။ သူသည် လူတွေအကြောင်း လျှောက်ပြောနေသော လူသားတစ်ယောက်မျှသာဖြစ်ကြောင်း လူ့ဦးနှောက်မှ လူဆန်ဆန်သိနေခဲ့သည်။ လူ့အဖွဲ့အစည်း၏ မြူမှုန်တစ်မှုန်စာမျှ သေးငယ်သော အစိတ်အပိုင်းကလေးတစ်ခုအဖြစ် သူကိုယ်တိုင်ပါဝင်နေကြောင်း စိတ်မကောင်းစွာ သိနေခဲ့သည်။ တခြားသူများနှင့် သူ မတူခြားနားမှုမှာ ဗဟိုချက်မဲ့လှုပ်ခတ်နေသော သူ၏ အတွေးငလျင်လှိုင်းများသာ ဖြစ်သည်။ တခြားနေရာများတွင် သူသည် လူအများနှင့် ထပ်တူထပ်မျှ တူညီသည်။ သူ၏ နုံနဲ့သော ဦးနှောက်မှာ အဖြေမပေးနိုင်ဘဲ မေးခွန်းများသာ မေးတတ်သည်။ အကောင်းမြင်ဝါဒသည် ကောင်းမွန်သည်ဆိုသည့်အချက်နှင့် အဆိုးမြင်ဝါဒသည် ဆိုးရွားသည်ဆိုသည့်အချက်ကို သူက မေးခွန်းထုတ်သည်။ အကယ်၍ အကောင်းမြင်ဝါဒသည် ဆိုးရွားပြီး အဆိုးမြင်ဝါဒသည် ကောင်းမွန်သည်ဟု ဆိုခဲ့လျှင်လည်း သူက မေးခွန်းထုတ်ဦးမည်သာဖြစ်သည်။ မေးခွန်းထုတ်မည်ဖြစ်သော်လည်း ကောင်းခြင်းဆိုးခြင်းဆုံးဖြတ်နိုင်မှုအတွက် သူ့ဦးနှောက်တွင် စွမ်းရည်ပြည့်ဝနေသည်မဟုတ်ပါ။ တစ်စုံတစ်ရာကို အကောင်းအဆိုးဆုံးဖြတ်ခြင်းသည် မကောင်းပဲ၊ မဆုံးဖြတ်ခြင်းသည်သာ ကောင်းကြောင်း သူက ဆုံးဖြတ်လိမ့်မည်။ ဤဆုံးဖြတ်ချက်သည်လည်း ရွက်ကြမ်းရည်ကြိုဆုံးဖြတ်ချက်တစ်ခုသာဖြစ်ကြောင်း သူက ထပ်လောင်းဆုံးဖြတ်ပေလိမ့်မည်။ ငလျင်လှိုင်းများ၏ အောင်မြင်မှုအတိုင်းအတာကို ရစ်ခ်ျတာစကေး အနိမ့်အမြင့်နှင့် တွက်ဆခြင်းကိုမူ သူက ကြိုက်လိမ့်မည် မဟုတ်ပါ။ မခို့တရို့ လှုပ်ခတ်သွားသော အင်အားကြီးငလျင်လှိုင်းများ သမုဒ္ဒရာကြမ်းပြင်တွင် လူမသိသူမသိ ကြိမ်ဖန်များစွာရှိခဲ့ကြောင်း မျက်စိဖြင့်မမြင်ရသော်လည်း လူသားများအနေဖြင့် တွေးခေါ်သိမြင် နိုင်ပါလိမ့်မည်။
◄ တေဇာ ► စက်တင်ဘာ (၂၅) ၂၀၀၉
This comment has been removed by a blog administrator.
ReplyDeleteအတွေးအခေါ်လှပြီးသားဆိုတော့ ဆွေးနွေးစရာမရှိပါဘူး။ အနီရောင်ဝါကျရှည်တွေကို တဆက်တည်း ဖတ်ရတာတော့ မောပါတယ် ...
ReplyDeleteအားပေးလျက်။