“သေဟဲ့နန္ဒိယ...”

မြန်မာစကားပုံများ၊ စာစကားများမှာ နောက်ခံပုံပြင်လေးတွေ ရှိတတ်ကြပါတယ်။ “အားနာရင်ခါးပါတယ်” ဆိုတဲ့ စကားရဲ့ နောက်ကြောင်းပုံပြင်ကို ဖော်ပြပေးဖူးပါတယ်။ ခုတစ်ခါ “သေဟဲ့နန္ဒိယ” ဆိုတဲ့ စကားရဲ့ နောက်ခံပုံပြင်ကို ပြောပြချင်ပါတယ်။ ဆောင်းပါးတစ်ပုဒ်ကို ဖတ်ရင်းက သိခဲ့ရခြင်းပါ။ တကယ်တော့ ဒီစကားဟာ ကိုယ့်နဖူးကိုယ်ရိုက်ပြီး ပြောရမယ့်စကားပါ။ ဒီတော့ နန္ဒိယဆိုတဲ့ ရဟန်းတော်၊ ဒါမှမဟုတ် ကိုရင်လေးတစ်ပါးပါးက ကိုယ့်ကိုယ်ကို မကျေနပ်လို့ ရေရွတ်ခဲ့တဲ့စကားလား ထင်မှတ်မှားစရာပါ။ အဖြစ်မှန်က အဲဒီ နန္ဒိယဟာ အလွန်ဆော်ကြည်ပါသတဲ့။ “ရုပ်ရှိရေလျှံ”၊ “ဟန်းဆန်းယန်းမန်း” (Handsome Young Man) လေးပေါ့။ ဘယ်လောက်ထိ ကြည်သလဲဆိုရင် လူ့ပြည်တင်မကဘူး နတ်ပြည်က နတ်သမီးတွေကတောင် သူ့ကို ကြိတ်ခိုက်နေကြတယ်ဆိုပဲ...။ အဲဒီလောက် ရုပ်ဖြောင့်တဲ့နန္ဒိယဟာ မြတ်စွာဘုရားအတွက် ကျောင်းဆောက်လုပ်လှူဒါန်းခဲ့ပါသတဲ့။ ဒီတော့ သေရင်နတ်ပြည်တက်ရမယ့် လက်မှတ်ရထားသူပေါ့။ နတ်သမီးတွေကလဲ နန္ဒိယနဲ့ အမြန်ဆုံးနှစ်ပါးသွားချင်လှပြီ။ နန္ဒိယကလည်း ကျောင်းဆောက်လှူထားတဲ့ ဒါနကုသိုလ်တွေကြောင့် သက်ရှည်ကျန်းမာပြီး မသေနိုင်သေး။ နတ်သမီးတွေက နတ်ပြည်ကနေ ဆွေ့ဆွေ့ခုန်နေကြတယ်။ ကြာတော့ အသံထွက်အောင်တောင် နှုတ်ကထွက်ပြီး ဆုတောင်းကြတယ်တဲ့။ “သေဟဲ့နန္ဒိယ၊ သေဟဲ့နန္ဒိယ...” ပေါ့။ တော်တော်ဆိုးတဲ့ နတ်သမီးတွေပဲနော်။ ဒီလောက် နတ်သားရှားလားဟယ်... နော့...။ What if? ပုံစံနဲ့ တွေးကြည့်ရရင် ကျွန်တော်သာအဲဒီအချိန်က နတ်သားတစ်ပါးပါးသာဆိုရင်တော့ သေဟဲ့နန္ဒိယဆိုတဲ့ နတ်သမီးတွေအကုန် နတ်ပြည်က ကန်ချမယ်။ ငရဲထိ ဂျွမ်းထိုးမှောက်ခုံကျသွားအောင်။ ငါတစ်ပါးလုံးရှိနေရဲ့သားနဲ့ လူ့ပြည်ကအကောင်ကို တ,ဦး ဆိုပြီးတော့ပေါ့။ ပြီးတော့ လူ့ပြည်တုန်းက မျက်ခွက်ကြီးနဲ့ပဲ နတ်ပြည်မှာ နတ်ရုပ်ထွက်မယ်လို့ ဘယ်သူက အာမခံထားလို့တုန်း.. ဟုတ်ဖူးလား...။ ဒါက စိတ်ကူးထဲကအတွေးပါ... တကယ့်လက်တွေ့တော့ နတ်ပြည်ဘယ်ဆီနေလဲ မသိပါဘူး။ အဲဒီနန္ဒိယကျောင်းဟာ ဗုဒ္ဓဂယာမှာ ရှိတယ်။ အိန္ဒိယရောက်မှ ခရီးလည်း တစ်ခေါက်မှ မထွက်ဖြစ်သေး။ ခရီးမပြောနဲ့ အိမ်ထဲက အိမ်ပြင်တောင် သိပ်မထွက်တော့ ဗုဒ္ဓဂယာလည်း မရောက်ဖူးသေး...။ ဒီဇင်ဘာလလောက်တော့ ရောက်ကောင်းပါရဲ့...။ ဒီမှာနေတုန်း အခိုက်အတန့်လေး လျှောက်ကြည့်ရအောင်...။ နန္ဒိယအကြောင်းကတော့ ဒါပါပဲ။ သေတော့ နတ်ပြည်ပဲ ပြုံးဖြီးဖြီးတက်သွားလား၊ အ၀ီစိပဲ ဂျွမ်းထိုးမှောက်ခုံဆင်းသွားလားတော့ မသိဘူး...။ ဇာတ်နိပါတ်တော်တွေထဲမှာတော့ ပါချင်ပါမှာပေါ့…။

နတ်ပြည်မှာ နတ်သားနတ်သမီးဦးရေ အလွန်ကွာခြားနေတာ သိကြားမင်းကြီး လက်ပိုက်ကြည့်နေသလား မပြောတတ်ဘူး။ နတ်ရေးနတ်ရာပြဿနာတွေကို ကောင်းကောင်းကိုင်တွယ်နိုင်ပုံမရဘူး။ ဒါမှမဟုတ် မိန်းကလေးတွေပဲ နတ်ပြည်ရောက်ပြီး၊ ယောက်ျားလေးတွေက အကုသိုလ်များနေကြလို့ နတ်ပြည်မရောက်ကြတာလား။ မိန်းကလေး သေလို့ နတ်ပြည်ရောက်ရင် နတ်သမီးပဲဖြစ်ပြီး၊ ယောက်ျားလေးဆိုရင် နတ်သားဖြစ်မယ်လို့ တစ်ထစ်ချ ယူဆလို့ရပါ့မလား။ အကယ်၍ နတ်ပြည်ရောက်တာ စည်းစိမ်ချမ်းသာတစ်ခုဆိုရင် နတ်သမီးတွေအတွက်ကျတော့ မမျှတသလိုဖြစ်မနေဘူးလား။ နတ်သားတစ်ပါးထဲကို ငါးရာလောက်ဝိုင်းလုနေရမှာလေ...။ ဒါတွေက ငယ်စဉ်ကတွေးမိခဲ့တဲ့ ဗရောက်ဗရက် အတွေးလေးတွေပါ။ ခုချိန်မှာတော့ ဒီကိစ္စကို တခုတ်တရမေးခွန်းထုတ်လောက်အောင်တောင် စိတ်မပါတော့ဘူး...။ အင်း.. (၃၁) ဘုံဆိုတော့လဲ.. (၃၁) ဘုံ လိုက်တာပေါ့...။ ဘာပြောနေရဦးမှာလဲ...။ “သေဟဲ့နန္ဒိယ...! ... ဘာတွေလျှောက်ရေးနေမိပါလိမ့် ... ”

◄ တေဇာ ► စက်တင်ဘာ (၁၉) ၂၀၀၉