ကြက်ဥပြုတ်များနှင့် ကိုယ်လက်လှုပ်ရှား လေ့ကျင့်ခန်းများ

ကျွန်တော့်အဖေက စာများများဖတ်တဲ့ စွယ်စုံ ပါရမီရှင်ကြီးတစ်ယောက်ပါပဲ။ သိသမျှကိုလည်း မငြီးမညူ သင်ကြားပေးလေ့ရှိတယ်။ ကျွန်တော့်ကို ပါရမီရှင်တစ်ယောက်ဖြစ်စေလိုတဲ့ ရည်ရွယ်ချက်နဲ့ နှစ်ပေါင်းများစွာကြာအောင် လက်သပ်မွေးကာ သင်ကြားပေးခဲ့ပါတယ်။

ကျွန်တော့်ကို စာပေသင်တယ်။ သူအကြိုက်ဆုံးစာအုပ်က `တန်မင်းဆက်ကာလရဲ့ ကဗျာသုံးရာ´ ပါပဲ။ အဲဒီကဗျာတွေကို ဒေါက်ကနဲ ဒေါက်ကနဲ အလွတ်ရွတ်ပြနိုင်တဲ့အထိ သူကျွန်တော့်ကို ညှင်းပမ်းသင်ကြားပေးပါတယ်။ အခြားစာအုပ်သစ် တစ်အုပ်တစ်လေကို ကျွန်တော် စမ်းဖတ်ကြည့်တဲ့အခါတိုင်းမှာလည်း သူ ဒေါသပုန်ထတတ်တယ်။ ပြီးရင် အာဘောင်အာရင်းသန်သန်နဲ့ မိန့်ခွန်းရှည်ကြီး ဟောတော့တာပါပဲ။ `တန်ကဗျာသုံးရာကို မင်း ကျွမ်းကျင်နေပြီများ မှတ်နေလား။ အဲဒီကဗျာတွေရဲ့ ဆန်းကြယ်မှုတွေ၊ ကာရံတွေ၊ ဆန့်ကျင်ဘက်စကားလုံး တွဲဆက်မှုတွေ၊ စကားလုံးရွေးချယ်မှုတွေ၊ စိတ်ကူးအံဝင်ခွင်ကျ ဖြစ်မတွေ၊ ကဗျာနိမိတ်ပုံတွေ၊ အတွေးနယ်ခွင်တွေ၊ အဓိပ္ပာယ်တွေရဲ့ အရိပ်လွှမ်းမိုးမှုတွေ အိုး.. အများကြီး…အများကြီး…. အဲဒါတွေကို ညီညွတ်အောင် မင်း ပေါင်းစပ်နိုင်ပြီလား..။ အသုံးချနိုင်ပြီလား။ မင်းရဲ့ ကဗျာတွေဟာ လီဘိုင်း၊ တုဖူး၊ မင်ဟောင်းရန်၊ ၀မ်ဝေ၊ လီရှန်ကျင်းနဲ့ တုမုတို့ရဲ့ကဗျာတွေထက်များ ကောင်းနေလို့လား။ မင်းရဲ့ ကဗျာစွမ်းရည်က အဲဒီ ကဗျာသူတော်စင်တွေ၊ ကဗျာစုန်းတွေထက် သာလွန်နေပြီလား။ တန်ကဗျာဟာ ခေတ်နောက်ကျသွားပြီလို့များ မင်းထင်နေသလား´။
သူက ကျွန်တော့်ကို သီချင်းလည်း သင်ပေးတယ်။ သူ့အကြိုက်ဆုံးသီချင်းက `သိုးကျောင်းနေတဲ့ ဆုဝု´ ဆိုတဲ့ သီချင်း။ အခြားသီချင်းတစ်ပုဒ်တစ်လေကို ကျွန်တော် ကျက်ပြီဆိုတာနဲ့ ဒေါသတစ်ကြီးမေးခွန်းထုတ်တာ ခံရတော့တာပါပဲ။ `သိုးကျောင်းနေတဲ့ ဆုဝု´ ကို မင်းကောင်းကောင်းဆိုတတ်ပြီဆိုတဲ့ သဘောလား။ ဒါဆို ပညာရှင်တစ်ယောက်လို မင်းဆိုနိုင်ပြီလား။ အဲဒီသီချင်းတွေအတွက် အမှတ် (၁၁၀) လောက် မင်းရနိုင်မယ်ပေါ့လေ။
ကိုယ်လက်လှုပ်ရှားလေ့ကျင့်ခန်းတွေကိုလည်း ကျွန်တော့်ကို သင်ပေးခဲ့သဗျ။ ရေဒီယိုကလာတဲ့ ကိုယ်လက်လှုပ်ရှားလေ့ကျင့်ခန်းအစီအစဉ် နံပါတ် (၁) ဆိုပါတော့။ အခြားနံပါတ်စဉ်တွေကို ကျွန်တော် လေ့လာချင်တယ်လို့ပြောမိတိုင်း အဖေက သိပ်ဆွဲဆောင်မှုရှိပြီး ယုတ္တိကျတဲ့ မေးခွန်းတွေ မေးတော့တာပါပဲ။ `ပထမဆုံး လေ့ကျင့်ခန်းတွေကို မင်း သေသေချာချာ လုံလုံလောက်လောက် လေ့ကျင့်ပြီးပြီလား။ မင်း ဒီထက်ပိုတိုးတက်အောင်၊ ပုံစံကျအောင် လုပ်စရာမလိုတော့ဘူးလား။ မင်းလို ဂျပုလေးအတွက် ဒီနံပါတ် (၁) လေ့ကျင့်ခန်းတွေက အကောင်းဆုံးမဟုတ်ဘူးလား။ ကဲ.. ပြော..။
အဖေက ကျွန်တော့်ကို ကြက်ဥပြုတ်တွေ ကျွေးပါတယ်။ ကြက်ဥကြော်တို့၊ ကြက်ဥပြုတ်တို့ရော ပြောင်းစားလို့မရဘူးလားလို့ ကျွန်တော်က မေးမိတာပေါ့။ ဒါဆို သူ ကျွန်တော့်ကိုအော်ပြီး.. `အော်… ကြက်ဥပြုတ်ကို မင်းစားစရာ မလိုတော့ဘူးပေါ့။ ကြက်ဥပြုတ်က ကယ်လိုရီ၊ ပရိုတိန်း၊ ဗိုက်တာမင်အေနဲ့ စီတို့ ပေးတယ်ကွ။ ကြက်ဥကို စွန့်လွှတ်မယ်လို့ မင်း ဘယ်တော့မှ မပြောနဲ့……´
အဖေက သိပ်အပြောကောင်းတာပဲ။ အခုဆို ကျွန်တော်ဟာ စာအုပ်ဆိုရင် `တန်မင်းဆက်ကာလ ကဗျာသုံးရာ´ ကိုပဲ ဖတ်တယ်။ သီချင်းဆိုရင် `သိုးကျောင်းနေတဲ့ ဆုဝု´ကိုပဲ ဆိုတယ်။ နံပါတ် (၁) ကိုယ်လက်လှုပ်ရှား အစီအစဉ်ကိုပဲ လုပ်ဆောင်သလို အစားအစာ တစ်မျိုးတည်းကိုပဲ စားတယ်။ ကြက်ဥပြုတ် ဆိုပါတော့။