“သစ္စာဖောက်မှု” (Betray)

“သစ္စာဖောက်မှု” (Betray)

လောကကြီးက သိပ်မနိပ်လှဘူး။ ဒီလိုပြောလို့ လောကကြီးတွေဘာတွေနဲ့ ချီပြောရအောင် လောဘကြီးလှချည်လား အပြစ်တင် မစောနဲ့ဦး...။ လောကကြီးနဲ့အဆင်မပြေလို့ အသာလစ်ထွက်ပြီး Facebook မှာ မာဖီးယား ကစားပြန်တော့ နောက်ကျောဓားနဲ့ထိုးတာ (Betray) ခံရပြန်ရော...။ သစ္စာဖောက်ခံရတယ်ပဲ ပြောပါတော့။ ထိုးချင်းထိုး ရင်ဘတ်ကို ထိုးသင့်တယ်လို့တော့ ထင်တာပဲ။ ဒါဆိုရင် ဖြဲခြောက်သင့်တယ်ထင်ရင် ဖြဲခြောက်...၊ မနိုင်ဘူးထင်ရင်... လစ်တန်သည်လစ် ဒါမျိုးတွေ လုပ်လို့ရသေးတာပေါ့...။ ခုတော့ ယမမင်းကြီး ဘွားခနဲမြင်မှပဲ ...အော် ... ငါသေသွားပါ ပေါ့လားသိရတဲ့ဘ၀။ ခင်မင်သူတွေ ချစ်ခင်သူတွေက ဒါမျိုးသစ္စာဖောက်တာခံရတော့လဲ နာကျည်းပေမပေါ့...။ ဒါပေမဲ့ ကိုယ်တိုင်ကျတော့လည်း သိပ်ပြီးသစ္စာရှိလှတဲ့ကောင်တော့ မဟုတ်ပြန်ဘူး။ သစ္စာလေးပါးမှာ ရှေ့နှစ်ပါးကိုကြေညက်သလောက် အရေးကြီးတဲ့ နောက်နှစ်ပါးကို ဆိုက်ရောက်ဖို့ လမ်းပေါက် ပိတ်နေတဲ့ကောင်...။ ရှင်းရှင်းပြောရရင် နာကျည်းပေမဲ့လည်း “ငါ့ သစ္စာဖောက်လို့နာကျည်းရအောင် ဘယ်သူမှလည်း ငါ့ကို သစ္စာရှိပါ့မယ်.. ကတိခံခဲ့တာမဟုတ်၊ ဓားနဲ့ထိုးရင် ရင်ဘတ်ပဲရွေးထိုးပါ့မယ်လို့ ကြင်ကြင်နာနာ ပြောခဲ့ဖူးတာလည်းမဟုတ်.....” ဒါမျိုးတွေ ပြန်တွေးမိတော့လည်း နာကျည်းရတာ သိပ်အရသာမတွေ့တော့ဘူး။ နာကျည်းတဲ့ခံစားချက်ကို အပြည်အ၀ခံစားခွင့်မရတာဟာ နာကျည်းစရာ ပြန်ဖြစ်လာပြန်ရော...။

Betray အကြောင်းရေးထားတဲ့ ၀တ္ထုတွေ တော်တော်များများဖတ်ဖူးပေမဲ့ ခံရတဲ့လူတွေ (Victim) ဘက်က တစ်ခါမှ ဂရုဏာရသ မခံစားပေးဖူးခဲ့ဘူး။ ဖောက်တဲ့လူကတော့ ဖောက်မှာပဲ၊ ကောက်တဲ့လူကတော့ ကောက်မှာပဲ...။ အဲ.. အရေးကြီးတာက ကိုယ်အဲဒီလိုလူစားတွေထဲမပါဖို့လည်း မဟုတ်ပြန်ဘူး...။ ကောက်ကောက်, ဖြောင့်ဖြောင့် သူ့အလှနဲ့သူတော့ ကြည့်ကောင်းတာပဲလို့ လမ်းမပေါ်က ကောင်မလေးတွေဆံပင်ကိုကြည့်ပြီး ဆီဆီဆိုင်ဆိုင် တွေးမိလိုက်သေးတယ်။ ကဲ... ဒီတော့မှ ဘ၀နေနည်းနိဿျှရည်းစာအုပ်ကို မာမီ့ဝမ်းတွင်းမှာထဲက ဖတ်လာခဲ့ သင့်မှန်း သိရတော့တယ်။ ကဗျာဆရာလေးတစ်ယောက်ပြောဖူးတဲ့ “အလိုဆန္ဒတွေ ယဉ်ကျောပိတ်ဆို့မှု ဖြစ်တယ်” ဆိုတာကို တွေးကြည့်မိတယ်။ မက်ထရိုပေါ်လတန်ဘ၀တွေဟာလည်း အမြဲတမ်း ဘ၀ကျော ပိတ်ဆို့နေတာပဲ မဟုတ်လား။ အဲကွန်းဘတ်စ်လိုဘ၀၊ ချက်ပလက်လိုဘ၀၊ လေးဘီးကားလိုဘ၀၊ ပရာဒိုလိုဘ၀၊ လန်ခရူဆာလိုဘ၀၊ ရေစည်လှည်းလိုဘ၀၊ ကုလားမခြေထောက်လိုဘ၀၊ စက်ဘီးလိုဘ၀၊ ခုံဖိနပ်လိုဘ၀၊ မာစတာဂျစ်လိုဘ၀....... ဒီလိုဘ၀တွေ လမ်းမပေါ်မှာပြည့်နေလေတော့ ဘ၀ကျောပိတ်ပြီပေါ့။ ဒီတော့ သူ့ထက်ငါ ပန်းတိုင်ရောက်ရေး Betray လုပ်ဖို့လိုလာပြီ။ မီးနီပဲဖြတ်ခဲ့ဖြတ်ခဲ့၊ မော်တော်ပီကယ်ကိုပဲ ခါးလယ်ကတက်ကြိတ်ခဲ့ တက်ကြိတ်ခဲ့ ဟိုနားက Five Star ဟိုတယ် ပါကင်မှာ ကိုယ့်ကား အရင်ထိုးနိုင်ဖို့ပဲ (ခုံဖိနပ်လေးချနိုင်ဖို့လည်း ဖြစ်နိုင်သည်) အဓိကမဟုတ်လား။ ဘ၀မှာ သမာသမတ်ဒိုင်လည်း မရှိဘူး၊ သမာဓိချိန်ခွင်လည်းမရှိဘူး။ ကဲ.. ဒီတော့ ကျောချင်းဆက်အမွှာဘ၀နဲ့ မမွေးလာရတာကိုပဲ ကြိတ်ဝမ်းနည်း ရုံရှိတော့တယ်။ မော်ဒန်ဆေးပညာ အားကိုးတဲ့လူတွေကတော့ မျက်နှာမှာမျက်လုံးနှစ်လုံး ဖြစ်နေလို့ တစ်လုံးကိုနောက်စေ့ကိုရွှေ့ဖို့ ကြံစည်နေကြတယ်ဆိုပဲ...။ တကယ်တော့ လုံလောက်တဲ့အရှိန်နဲ့သာ ရွေ့လျားနေတယ်ဆိုရင် ဘယ်သူတွေက ခင်ဗျားနောက်ကျောကို ဓားနဲ့ပြေးထိုးဖို့ လိုက်မီနိုင်ပါ့မလဲ။ တကယ်တော့ နောက်ကျောဆိုတာ ခင်ဗျားရဲ့ အားနည်းချက်လည်း မဟုတ်ပဲကိုး...။ အားနည်းချက်လို့ ယူဆခဲ့ရင်လည်း နံရံကိုသာ ကျောနဲ့ကပ်ပြီး ရပ်နေပေတော့ ဘယ်မှမသွားတော့နဲ့။ အင်း... လျှောက်ရေးနေတာလည်း နည်းနည်းများသွားပြီ...။ ကျွန်တော့် ပါကင်လေးအတွက် ခရီးဆက်လိုက်ဦးမယ် ....တာ့တာ....။

“အကြင်သူ၏ခါးကြားတွင် စူးရှထက်မြက်သော ဓားမြှောင်တစ်လက် ရှိ, မရှိကိစ္စသည် သိပ်အရေးမကြီးပါ။
ထိုသူ လိုက်မမီနိုင်သော အရှိန်အဟုန်ဖြင့် ပြေးလွှားနေရန်သာ သင်၏တာဝန်ဖြစ်သည်”

◄ တေဇာ ► စက်တင်ဘာ (၀၂)၊ ၂၀၀၉

.................................................................................................
..........................................................

အူကြောင်ကြောင်အတွေးများကို အားအားယားယားလျှောက်ရေးထားခြင်းသာဖြစ်သည်။ အတည်ယူချင်သော် ယူပါ။ အပျော်ကြံချင်သော် ကြံပါ။ မင်္ဂလာဆောင်ချင်သော်ဆောင်ပါ။ ကွာရှင်းချင်သော် လက်မနှေးပါနှင့်။ ထွက်ပြေးချင်သော် ထွက်ပြေးပါ။ ဖတ်ပေးချင်သော် ဖတ်ပေးပါ။ ဖြဲချင်သော် ဖြဲပါ။ ဆဲချင်သော် ဆဲပါ။ တံတွေးဖြင့်ထွေးချင်သော် ထွေးပါ။ စိတ်လိုက်မာန်ပါ ထွေးခဲ့မိသော် သင်၏ မော်နီတာကိုဆေးကြောရန်မှာ... သင်၏တာဝန်သာ ဖြစ်ပါလိမ့်မည်။

.................................................................................................
..........................................................