လရောင်ဖြန့်ကြက်ထားသော လမ်းထက်က ခြေလှမ်းငယ်များ။

ဤကြမ်းပိုးသည် လိပ်တစ်ကောင်ဖြစ်သည်

ဤကြမ်းပိုးသည် လိပ်တစ်ကောင် ဖြစ်ပါသည်။ ဤကြမ်းပိုးသည် လိပ်တစ်ကောင် ဖြစ်သည်ဟု ဒယ်ဒီက အတည်ပေါက် ပြောပါသည်။ ဤကြမ်းပိုးသည် လိပ်တစ်ကောင်ဖြစ်သည်ဟု မာမီက အတိအကျ ဆိုပါသည်။ ဤကြမ်းပိုးသည် လိပ်တစ်ကောင်ဖြစ်သည်ဟု ဘော်ဒါတစ်ယောက်က ဘုရားစူး၊ မိုးကြိုးပစ် ကျိန်တွယ်ပါသည်။ ဤကြမ်းပိုးသည် လိပ်တစ်ကောင်ဖြစ်သည်ဟု တီချယ်က ငါးခေါက်ဆိုခိုင်းပါသည်။ ထို့ကြောင့် ဤကြမ်းပိုးသည် လိပ်တစ်ကောင်သာ ဖြစ်ပါသည်။

စာတစ်လုံးမျှ မရပါဘဲနှင့် စိတ်ပညာအဓိကဖြင့် ကျောင်းပြီးခဲ့ပြီးနောက်ပိုင်းတွင် စိတ်ပညာဆိုင်ရာ စာအုပ်၊ ဆောင်းပါး တစ်ချို့တလေ ဟိုစပ်စပ်ဒီစပ်စပ် ဖတ်ရှုမိခဲ့ပါသည်။ အထူးသဖြင့် Cognitive Psychology ခေါ် သိမှုစိတ်ပညာနှင့် လူ့သဘော လူ့သဘာဝနှင့် သက်ဆိုင်သော အကြောင်းအရာများကို အထူးစိတ်ဝင်စားမိပါသည်။ အကျိုးဆက်အားဖြင့် လူသား၏ ကောင်းမြတ်သောဂုဏ်ရည်အပေါ် ထားရှိသော ကျွန်တော်၏အမြင်မှာ သိသာစွာ အနုတ်ဘက် ပြလာခဲ့ခြင်းသာ ကျန်ရစ်သည်။ ကလေးဘ၀မှစ၍ အစဉ်အလာအရ သင်ကြားခဲ့ရသည့် မြင့်မြတ်သော လူသားဟူသည့် အမြင်မှ အတော် ပါးရည်နပ်ရည်ရှိသည့် မျောက်များဟူသော အမြင်သို့ အသွင်ကူးပြောင်းလာခဲ့သည်။ အထက်ပါစာတွင် လိပ်ကို ကြမ်းပိုးဖြစ်အောင် လုပ်ရေး/ပြောတတ်သည့် `ငါ့စကားနွားရ´ (Hyperbole) သဘောတရားအား ပြလိုခြင်းမဟုတ်ပါ။ လူတို့၏ မိုးခါးရေကြိုက်တတ်သည့် သဘာဝကိုသာ ညွှန်းဆိုလိုပါသည်။

တိကျခိုင်မာသည့် စိတ်ပညာစမ်းသပ်မှုများအရ လူတို့သည် မွေးရာပါ `အသံညီ´ (Conformer) သူများ ဖြစ်ကြသည်ဟု ဆိုသည်။ အတိအကျဆိုရလျှင် အများ၏ ထင်မြင်ယူဆချက်၊ မျှော်မှန်းချက်တို့နှင့် ကိုက်ညီအောင် ပြုမူနေထိုင်သူများ ဖြစ်ကြပါသည်။ ၀တ်စားဆင်ယင်ပုံ၊ ပြောဆိုဆက်ဆံပုံ၊ သဘောထားပုံတို့တွင် ကျွန်တော်တို့သည် အချင်းချင်း တစ်ဦးနှင့်တစ်ဦး ကူးယူ၊ ညှိယူ တုပတတ်ကြသည်။ ဤသို့ဆိုလျှင် မိုးခါးရေသဘာဝမှာ ညီညွတ်ရေးအတွက် အခြေခံအရည်အသွေးပင် မဟုတ်ဘူးလားဟု အကောင်းဘက်မှ ရှုမြင်စရာ ရှိပါသည်။ ထို မိုးခါးရေသဘာဝခေါ် ဤကို ညီညွတ်စွာဖြင့် ကျွဲဟု သောင်းသောင်းဖြဖြ ဖတ်နေကြသူများ၏ စိတ်အခံမှာ မည်မျှထိ နက်ရှိုင်းနေသနည်းဟူသော အချက်ထိ ခပ်နက်နက် တူးဆွကြည့်လျှင်မူ အကောင်းဘက်မှ ရှုမြင်ပေးရန် အနည်းငယ် ခက်ခဲနိုင်ပါသည်။ အခြားသူများနှင့် အသံညီရန်အလို့ငှာ မိမိတို့ ကိုယ်ပိုင် အာရုံများ၏ မုချ အချက်အလက်များကို ငြင်းပယ်ခြင်းသည် လူ့သဘာဝပင်ဖြစ်သည်ဟု စိတ်ပညာစမ်းသပ်မှုတစ်ခုအရ သိရှိခဲ့ရပါသည်။

ဤပုံတွင် ဘယ်ဘက်ခြမ်းမှ မျဉ်းသည် C နှင့် တူညီကြောင်း အတော်လေး သိသာထင်ရှားပါသည်။ သို့တိုင် ၁၉၅၀ ခုနှစ်က ပြုလုပ်ခဲ့သည့် ပုံစံကျ စိတ်ပညာစမ်းသပ်မှုတစ်ခုအရ ၇၆ % သော လူတို့သည် အနည်းဆုံး တစ်ကြိမ်ခန့် မိမိတို့၏ ကိုယ်ပိုင်အမြင်အား ငြင်းပယ်ကာ A သို့မဟုတ် B အား အခြားသူများ၏ အမြင်နှင့် ကိုက်ညီစေရန် ရည်ရွယ်၍ ရွေးချယ်လေ့ရှိကြကြောင်း တွေ့ရှိခဲ့ရသည်။ မည်သည့် အားကောင်းမောင်းသန် စိတ်ပိုင်းဆိုင်ရာ ဖိအားနှင့် အဆင် (Tactics) က ဤသို့ဖြစ်ရန် လုပ်ဆောင်ပါသနည်း။

ဤအတွက် ဖြေရှင်းချက်အဖြစ် စိတ်ပညာရှင် Muzafer Sherif က `ရှုပ်ထွေးေ၀၀ါးပြီး မသဲကွဲသည့် စမ်းသပ်မှုတစ်ခုအတွက် ဆုံးဖြတ်ချက်ချမှတ်ရန် ရင်ဆိုင်ရသောအခါ လူတို့သည် ညွှန်မှတ်အနေဖြင့် အခြားသူတို့၏ ဆုံးဖြတ်ချက်များကို အသုံးပြုကြသည်´ ဟု ဆိုသည်။ ဤအချက်သည် အလွန် သဘာဝကျပါသည်။ တစ်စုံတစ်ခုအား မိမိအနေဖြင့် မသေချာခဲ့လျှင် အခြားတစ်ယောက်နှင့် တိုက်ဆိုင်စစ်ဆေးကြည့်ပါမည်။ သို့ရာတွင် ဤသည်မှာ ကိုယ်တိုင်မသေချာသည့် အခါမှသာ ဖြစ်ပါသည်။ အထက်ပါပုံတွင် ပြထားသည့် စမ်းသပ်ချက်အတွက်မူ အဖြေသည် အလွန်ရှင်းလင်းမြင်သာသည်။ ဤမျှ မိမိမျက်လုံးဖြင့် ဒိဋ္ဌသေချာနေသည့် အဖြေအတွက် အခြားသူများ၏ အဆုံးအဖြတ်သည် အကျိုးသက်ရောက်မှု မရှိသင့်ဟု ဆိုနိုင်ပါသည်။

၁၉၅၁ ခုနှစ်တွင် စိတ်ပညာရှင် Solomon Asch က ဤသို့ စမ်းသပ်ခဲ့သည်။ အထက်ပါပုံကိုပင် စမ်းသပ်ခံများအား ပြပြီး ဆုံးဖြတ်စေသည်။ တစ်ကြိမ်လျှင် စမ်းသပ်ခံ တစ်ယောက်နှုန်းသာ အစစ်အမှန် စမ်းသပ်ခံဖြစ်ပြီး ၎င်း၏ ရှေ့မှ လူများမှာ ဒီမျဉ်းက တိုလွန်းတယ်၊ ရှည်လွန်းတယ် စသည်ဖြင့် အစစ်အမှန် စမ်းသပ်ခံကြားစေရန် အဖြေမှားများပေးကြသည့် ဒလံများသာ ဖြစ်ပါသည်။ ဤလှည့်ကွက်အား လုံးဝ မသိရှိသည့် အစစ်အမှန် စမ်းသပ်ခံများသည် ငါးယောက်၊ သို့မဟုတ် ခြောက်ယောက်မြောက်အဖြစ် ဖြေဆိုကြရသည်။ ရလဒ်များမှာ အံ့အားသင့်စရာ ကောင်းပါသည်။

စမ်းသပ်မှု၏ တစ်ဝက်ကျော်အချိန်အတွင်း ၅၀% သော စမ်းသပ်ခံများမှာ ဒလံများပေးသော အဖြေမှားများအတိုင်း လိုက်လံ ဖြေဆိုကြသည်။ စမ်းသပ်မှု ၁၂ ခုလုံးတွင် ၂၅% သော စမ်းသပ်ခံများသာ သိသာစွာမှားယွင်းနေသည့် ဒလံတို့၏ အဖြေများ၏ စက်ကွင်းမှ လွတ်မြောက်ကြသည်။ ၅% သည် အမြဲတမ်း အဖြေအများဆုံး အမှားအတိုင်း လိုက်လံဖြေဆိုကြသည်။ စမ်းသပ်မှုအားလုံး စုစုပေါင်း၏ ယေဘုယျ မိုးခါးရေသောက်နှုန်းမှာ ၃၃% အထိ ရှိပါသည်။ ဤသို့ စမ်းသပ်ခံများ၏ ဤကိုကျွဲဖတ်ရခြင်းအကြောင်းသည် စိတ်ဝင်စားစရာကောင်းသည်နှင့်အညီ စမ်းသပ်မှုပြီးဆုံးသောအခါတွင် Solomon Asch က ၎င်းတို့အား အင်တာဗျူးခဲ့သည်။ ရရှိသည့် အဖြေများမှာ ကျွန်တော်တို့နှင့် အလွန်ကျွမ်းဝင်ပြီးသားပင် ဖြစ်ပါလိမ့်မည်။

စမ်းသပ်ခံအားလုံးသည် စိုးရိမ်မကင်း ခံစားကြရသည်။ အခြားသူများမှ ရှုတ်ချမည်ကို ကြောက်ရွံ့ပြီး မိမိ၏ တစ်သီးပုဂ္ဂလအဖြစ်ကို သတိပြုမိလာသည်။ စမ်းသပ်ခံအများစုမှာ ၎င်းတို့သည် မျဉ်းကြောင်းများအား အခြားသူများနှင့် ခြားနားစွာ မြင်တွေ့ရသော်လည်း အများစုသည် မှန်လိမ့်မည်ဟု ခံစားရကြောင်း ပြောဆိုသည်။ စမ်းသပ်ခံအချို့ကမူ လူအများစုသည် မှားနေသည်ဟု သိရှိသော်လည်း မိမိတစ်ဦးတည်း ချွန်ထွက်နေမှာ ကြောက်သည့်အတွက် အများအတိုင်း ရောချလိုက်ရသည်ဟု ဆိုသည်။ မဆိုစလောက်သော လူအချို့ကသာ ၎င်းတို့သည် အခြားသူများမြင်သည့်အတိုင်းပင် အမှန်တကယ်မြင်သဖြင့် ဖြေဆိုခဲ့ခြင်းဖြစ်ကြောင်း ပြောဆိုသည်။

အများညီ၍ ဤကို ကျွဲဖတ်သည့် သဘောထားအပေါ် ကွဲပြားသော စမ်းသပ်မှုအမျိုးမျိုး ဆက်လက်လုပ်ဆောင်ခဲ့ကြသော်လည်း ဤအခြေခံတွေ့ရှိချက်များမှာ ခိုင်မာနေဆဲ ရှိပါသည်။ အခြားသူများအား ပုံတူကူးချတတ်ခြင်း အလေ့အကျင့်မှာ လူတို့အတွက် မဆန်းလှသည့်တိုင်အောင် ကိုယ်ပိုင် အမြင်အာရုံမှပင် သွေဖည်၍ အခြားသူများနှင့် အသံညီတတ်ကြခြင်းမှာမူ အံ့အားသင့်စရာ ကောင်းနေဆဲ ဖြစ်ပါသည်။ နေ့စဉ်ဘ၀တွင် အမြဲမပြတ် ကြုံတွေ့နေရသည့် မရေရာသော စမ်းတ၀ါးဝါးဖြစ်မှုများ ယခုလိုမြင့်တက်လာချိန်တွင် အများနှင့်အညီပြုမူနေထိုင်ခြင်းအမှုအား မီးထိုးပေးရန် မည်မျှ ပိုမိုလွယ်ကူမည်နည်းဟု တွေးကြည့်နိုင်ပါသည်။ အများနှင့်အညီ ပြုမူနေထိုင်ခြင်းသည် တကယ်တော့ ဆီတ၀င်းဝင်း သဲတရှပ်ရှပ်ကိစ္စသာ ဖြစ်ပါသည်။ အခြေအနေ အများအပြားတွင် လူသားများအနေဖြင့် အများနှင့်အညီ ပြုမူနေထိုင်ရန် လိုအပ်သည်။ စင်စစ် အတိုင်းအတာ တစ်ခုအထိ ဤကိုကျွဲဖတ်နိုင်စွမ်း မရှိခဲ့ပါလျှင် ကျွန်တော်တို့ လူမှုဘ၀များ၏ မျက်နှာစာများစွာတွင် အများကြီး ပိုမို ခက်ခဲသွားနိုင်ပါသည်။

တစ်နေ့သောအခါမှာ မိုးခါးရေမသောက်တော့ဘူးဟု၊ သို့မဟုတ် ရုတ်တရက် မိုးခါးရေ စသောက်တော့မည်ဟု ဆုံးဖြတ်ချက်ချလိုက်သည် ဆိုပါစို့။ အရာအားလုံး ပိုကောင်းလာမလား၊ ပိုဆိုးသွားမလား စဉ်းစားစရာ ရှိပါသည်။ မိုးခါးရေသောက်ရန် ခက်ခဲသော စိတ်အခံရှိသူများသည် ၎င်းတို့၏ လူမှုဘ၀အတွက် တကယ့် ပြဿနာတစ်ရပ် ဖြစ်သလို အခြားသူများအနေဖြင့်လည်း ကိုယ့်စိတ်နှင့်ကိုယ်ကိုယ် နေထိုင်ပြုမူ၍ မိုးခါးရေစက်ကွင်းမှ လွတ်မြောက်အောင် ရှောင်ရှားရန် ပိုမိုခက်ခဲနေပါသေးသည်။ ဤကြမ်းပိုးသည် လိပ်တစ်ကောင်ဖြစ်ကြောင်း အများဆန္ဒနှင့်အညီ လက်ခံလိုက်ခြင်းသည် ညီညွတ်မျှတစွာ နေထိုင်ရှင်သန်ရေးအတွက် အရေးကြီးသည့် လူသားတို့၏ အဖိုးတန် ပင်ကိုယ်သဘာဝ၊ သို့မဟုတ် ပါးရည်နပ်ရည်ရှိသော မျောက်များ၏ မူလဗီဇပင် ဖြစ်ပါသည်ဟု နိဂုံးဆွဲလိုက်လျှင် ကျွန်တော့်အနေဖြင့် မိုးခါးရေသောက်ခြင်းနှင့် မသောက်ခြင်းကြား ခြံစည်းရိုးခွထိုင်ထားရာ ကျမည်ဟု ယူဆမိပါသည်။

တေဇာ (လရောင်လမ်း)
ဇူလိုင် (၂၇) ၂၀၁၀
Ref: I Can’t Believe My Eyes: Conforming to the Norm

1 comments:

ချော(အစိမ်းရောင်လွင်ပြင်) said...

ကိုယ်တိုင်လဲ မိုးခါးရေ သောက်တစ်ချက် မသောက်တစ်ချက် ပါဘဲ..
မျောက်ဖြစ်နေမလား.. လူပီသနေမလား မပြောတတ်တော့ပါဘူး
း) ခြံစည်းရိုးခွထိုင်ရင်တော့ ပြုတ်ကျမှာ ကြောက်ရတယ်...

Post a Comment