လရောင်ဖြန့်ကြက်ထားသော လမ်းထက်က ခြေလှမ်းငယ်များ။

အတိုးဆုံး ကဗျာများ (၂၃)

“၀န်မခံနိုင်ခြင်း”

ကျွန်တော်အတိတ်မမေ့ခင်က
လူသတ်ခဲ့တယ်တဲ့
ရယ်စရာပဲ
ဘယ်မှာလဲ သက်သေ
လက်ဗွေတွေ အရှက်ပြေလာမပြနဲ့ လူကြီးမင်း။

`အချည်းအနှီး အောင်ပွဲများ´

ခေတ်သစ်မြေပုံကို လှန်ကြည့်ပြီး
ဂျင်ဂျစ်ခန်ကြီး
ပက်လက်လန်သွားတယ်။
ကျွန်တော်မပြောဘူးလား
ဒါတွေဟာ အလကားပါလို့
ဓားတွေ လှံတွေထား
ကဲ… လာ အံစာခေါက်ကြစို့။

`အကျုံးဝင်မှု´

သမိုင်းထဲ မပါ
ဘာအရေးလဲ
မြေကြီးထဲ ဆွေးမြေ့သွားတဲ့အခါ
ပထ၀ီထဲတော့ ပါမှာပေါ့။

`နေသားတကျ နေထိုင်ခြင်း´

လိပ်ကလေးတစ်ကောင်
ပိုးလိုးပက်လက် အိပ်နေတယ်
ဟုတ်တယ်
ထ,မရမယ့် အတူတူ
ယက်ကန်ယက်ကန် မလုပ်တော့ဘူး
ခလော… ခလူး…။

`နိဂုံး´

ဇာတ်ပေါင်းသော်…
သူမနှင့်ကျွန်တော် အချင်းချင်း မြှောက်ခဲ့ကြ
သူမနှင့်ကျွန်တော် အချင်းချင်း စားခဲ့ကြ
ကျွန်တော့်ထဲမှ သူမအား နုတ်လိုက်ရ
သူမထဲမှ ကျွန်တော့်အား နုတ်လိုက်ရ
သူမအဖြစ် ကျွန်တော်၊ ကျွန်တော်အဖြစ် သူမ
ဇာတ်ပေါင်းခဲ့ကြသည်ရှိသော်…။

တေဇာ (လရောင်လမ်း)

3 comments:

မြတ်မွန် said...

ကဗျာတွေက ကောင်းလိုက်တာ..
တိုတိုလေးတွေနဲ့ ထိမိတယ်..

မိုးယံ said...

ကြိုက်တယ်။ အဲဒီ အရေးအသားတွေ လေးစားမိတယ်။


ငြိမ်းချမ်းပါစေ
မိုးယံ

Girl Girl said...
This comment has been removed by the author.

Post a Comment