လရောင်ဖြန့်ကြက်ထားသော လမ်းထက်က ခြေလှမ်းငယ်များ။

ဒေါင်ဒေါင်မြည် ဆင်ခြေသမား

အကယ်၍ ခင်ဗျားအနေနဲ့
ဒေါင်ဒေါင်မြည် ဆင်ခြေသမားတစ်ယောက်နဲ့များ
ရင်ဆိုင်တိုးမိခဲ့တယ်ဆိုရင်
သူ့ကို ပြုံးမပြပါနဲ့
သူက ခင်ဗျားကို ပြန်ပြုံးပြမှာ မဟုတ်ဘူး။

အကယ်၍ ခင်ဗျားအနေနဲ့
`ဘယ်သွားမလို့လဲ´ လို့ သူ့ကို
ယဉ်ကျေးပြူငှာ နှုတ်ဆက်မိတယ်ဆိုရင်
သူက `ဘယ်သွားနေတယ်ဆိုတာ ဘယ်သူများ သိလို့လဲ´ လို့ ပြန်မေးလိမ့်မယ်
ဒီတော့လည်း မျက်နှာပျက်ရရုံပဲ ရှိမယ်။

ဒါမှမဟုတ် ခင်ဗျားအနေနဲ့
`ဘယ်က လာတာလဲ´ သူ့ကို မေးမြန်းမိတယ်ဆိုပါတော့
`ဘယ်ကလာတယ်ဆိုတာ ဘယ်သူများ သိလို့လဲ´ လို့ သူက ပြန်မေးမှာ အမှန်ပဲ
ဒီတော့လည်း ခင်ဗျားအနေနဲ့က နှုတ်ဆိတ်နေရုံပေါ့။

အကယ်၍ ခင်ဗျားအနေနဲ့
ဒေါင်ဒေါင်မြည်ဆင်ခြေသမား တစ်ယောက်နဲ့များ
လက်ဆွဲနှုတ်ဆက်ဖို့ ကြုံလာခဲ့ရင်
ကိုယ့်လက်တွေကို အရင်ကမ်းမပေးပါနဲ့
သူက ဆွဲယူမှာ မဟုတ်ဘူး
ဒေါင်ဒေါင်မြည်ဆင်ခြေသမားမှာ
ဆင်ခြင်နိုင်တဲ့ လက်တွေ မရှိဘူး။

အကယ်၍ ခင်ဗျားအနေနဲ့
ဒေါင်ဒေါင်မြည်ဆင်ခြေသမား တစ်ယောက်နဲ့များ
တွဲကရဖို့ ကြုံလာခဲ့ရင်
စည်းချက်နဲ့အညီ ခင်ဗျားကိုယ်ခန္ဓာကို
သူ့လက်မောင်းပေါ် ယုံကြည်စိတ်ချစွာ မှီနွဲ့ချလိုက်တာမျိုး မလုပ်ပါနဲ့
ဒေါင်ဒေါင်မြည်ဆင်ခြေသမားမှာ
အလေးအပင်ခံနိုင်တဲ့ လက်တွေမရှိဘူး။

အကယ်၍များပေါ့
ခင်ဗျားအနေနဲ့
ဒေါင်ဒေါင်မြည်ဆင်ခြေသမားတစ်ယောက်ကိုများ ချစ်မိခဲ့တယ်ဆိုရင်
ခင်ဗျားရဲ့ အချစ်တွေကို သိမ်းဆည်းထားလိုက်ပါတော့။


ဖွင့်ဟမိခဲ့တယ်ဆိုရင်
သူက
ခင်ဗျားဆီမှာ ရှိမနေတဲ့
သူ့ကို ချစ်ရခြင်းအတွက် ဆင်ခြေတစ်ခုကို
ခင်ဗျားဆီက တောင်းဆိုတဲ့အခါ
ဆွံ့,အ ကျန်ခဲ့ရလိမ့်မယ်။

ဒါကို သူလည်းသိနေပါတယ်
သူကိုယ်တိုင်လည်း
ဆင်ခြေတစ်ခု လစ်လပ်နေမှုကြောင့်
ခင်ဗျားကိုချစ်ကြောင်း ဖွင့်ဟဖို့
ထာဝရဆွံ့,အ နေခဲ့ရတာ မဟုတ်လား။

ဒီတော့ ခင်ဗျားအနေနဲ့က
ဒေါင်ဒေါင်မြည်ဆင်ခြေသမားတစ်ယောက်နဲ့များ
မတော်တဆ…
ဒါမှမဟုတ် မလွဲမရှောင်သာ…
ဒါမှမဟုတ် မပြောကောင်းမဆိုကောင်း…
ရင်ဆိုင်တိုးမိခဲ့မယ်ဆိုရင်
မျက်နှာလွှဲပြီး မမြင်ချင်ယောင်ဆောင်သွားလိုက်တာ ပိုကောင်းလိမ့်မယ်ထင်တယ်။

သူကတော့…
ခင်ဗျားမှာ ရှောင်လွှဲသွားရခြင်းအတွက်
ဆင်ခြေကောင်းကောင်းတစ်ခု ရှိလိမ့်မယ်လို့
သူ့ကိုယ်သူ
တိတ်ဆိတ်ကြေကွဲစွာ ဆင်ခြေကန်နေပါလိမ့်မယ်။         ။

တေဇာ (လရောင်လမ်း)
သြဂုတ် (၁၅) ၂၀၁၀

5 comments:

Anonymous said...

မမြင်ချင်ယောင်ဆောင်သွားဖို့ တစ်ခြားလူမှာ သူ့မျက်လုံးသူ ထိုးဖောက်ပစ်လိုက်ရတယ်ဆိုရင်ကော...
ဘာရယ်မဟုတ်ဘူးတွေးကြည့်တာဗျ..

တေဇာ (လရောင်လမ်း) said...

ဘာရယ်မဟုတ် တွေးကြည့်တဲ့အတွေးက ရက်စက်လိုက်တာဗျာ။
ဒီလောက်ထိ ရက်စက်ရတာ အကြောင်းတစ်ခုခုတော့ ရှိရမယ်...း)

ကောင်းကင်ကို said...

ဒီကဗျာရေးရခြင်းမှာ အကြောင်းတခုခု ရှိရမယ်ဗျ။ :D

တေဇာ (လရောင်လမ်း) said...

ဒီလူကြီးဗျာ.. ရှူးတိုးတိုးလုပ်။ :P
တချို့ ဆင်ခြေတွေက လျှို့ဝှက်ချက်ဗျ...။

ချော(အစိမ်းရောင်လွင်ပြင်) said...

ဆင်ခြေသမားတော်တော်များများနဲ့ တွေ့ဖူးတယ်
ဒါကြောင့် ဒီကဗျာကိုတော့ ဖတ်လိုက်တာနဲ့ သဘောကျသွားတယ်.. အင်း ကဗျာထဲကလို မျက်နှာလွဲပြီး မမြင်ချင်ယောင် ဆောင်သွားလိုက်တော့မယ်..

Post a Comment