Skip to main content

အိမ်မြောင်တစ်ကောင်၏ အိပ်မက်

တကယ်တော့ ကျွန်တော်ဟာ
မဟာမြိုင်ခရီးသည် မဟုတ်ဘူး
တကယ်တော့ ကျွန်တော်ဟာ
ယောနသန်ဇင်ယော် မဟုတ်ဘူး
တကယ်တော့ ကျွန်တော်ဟာ
ဉာဏ်အလင်းရသွားတဲ့ ဇီးကွက်မဟုတ်ဘူး
တကယ်တော့ ကျွန်တော်ဟာ
စတောရီ [*] ရှာနေတဲ့ တိဘက်တံမြက်စည်းမဟုတ်ဘူး
တကယ်တော့ ကျွန်တော်ဟာ
အဂ္ဂိရတ်ဖိုထဲမှာပါတဲ့ မစင်မဟုတ်ဘူး
တကယ်တော့ ကျွန်တော်ဟာ
ဘုရားသခင်ကို တစ်ဖက်သတ်ချစ်ခဲ့သူမဟုတ်ဘူး
မဟုတ်ဘူး
မဟုတ်ဘူး
မဟုတ်ဘူး
ထားပါတော့။

အရှေ့ကနေ၀န်းထွက်သည့်ပမာ ၀တ္ထုကို
လရောင်မှာ ထိုင်ဖတ်နေခဲ့တာ
ကျွန်တော်ပေါ့။

အခုတော့ ကျွန်တော်ဟာ
ကိုယ့်ကိုယ်ကိုယ် ရှာဖွေတွေ့ရှိခဲ့ပါပြီ။

တကယ်တော့ ကျွန်တော်ဟာ
ပက်လက်မှ အိပ်တတ်တဲ့ အိမ်မြောင်တစ်ကောင်ပဲ
အခုလည်း ကျွန်တော် အိပ်မက်မက်နေပြန်ပြီထင်တယ်။

ဖွာလန်ကျဲနေတဲ့ ကိုယ်ခန္ဓာပေါ်
နံရံပေါ်က စုတ်သတ်သံများ သံပြိုင်ပြိုကျလာမှ
ကျွန်တော် အိပ်မောကျခဲ့တယ်
ကြောင်တစ်ကောင်
ကျွန်တော့်ကို ဂရုတစိုက် လာသိမ်းဆည်းခဲ့တဲ့နေ့က…။

[*] ကျွတ်တမ်းဝင်ခြင်း၊ ထွက်ရပ်ပေါက်ခြင်း၊ သဗ္ဗေညုတဥာဏ် (Enlightenment) စသည့်အနက်အား ဈင် (Zen) ဗုဒ္ဓဘာသာတွင် သုံးစွဲသော စကားလုံး။

တေဇာ (လရောင်လမ်း)
Labels:

Comments

  1. pandoraOctober 22, 2010 at 5:30 PM

    စတောရီ

    ဆာတိုရီ လို့ ရှေ့ကဆရာတွေက အသံဖလှယ်ခဲ့တာ ဖတ်ဖူးတယ်။

    ReplyDelete
  2. တေဇာ (လရောင်လမ်း)October 23, 2010 at 2:55 PM

    ဟုတ်။ ကျွန်တော်လည်း အဲလိုတွေ့ဖူးတယ်။ စတောရီက ချမ်းမြေ့ဆရာတော်ကြီးရဲ့ အသုံးပါ။ ကျွန်တော်အမှတ်မမှားရင် အခြေပျိုးဗုဒဘာသာ၊ ဒါမှမဟုတ် တက္ကသိုလ်ဓမ္မသဘင်စာအုပ်မှာ ပါတယ်ထင်တယ်။

    ReplyDelete

Post a Comment

Popular posts from this blog

ဂမ္ဘီရကြက်ခြေ

ဤကမ္ဘာမြေကို နောက်သို့လှည့်ခိုင်းပြီး အရာရာအသစ်ကပြန်စခွင့်ရှိရင် အရင်လိုမျှော်လင့်ချက်နဲ့ ရှင်သန်အားမွေးလိုက်ချင်… ။ (ကျော်ဟိန်း) အ၀တ်အထည် ကိုယ်တစ်ခုဟူသော စကားမှ (သေးသေးကွေးကွေး) ကိုယ်ခန္ဓာတစ်ခုသာ အကျုံးဝင်ပြီး အ၀တ်အစားမျှပင် မကပ်ဘဲ မွေးဖွားလာခဲ့ရပြီးသည့်နောက် မိမိ၏ ပိုင်ဆိုင်မှုစစ်စစ်တစ်ခုအဖြစ် ဤကမ္ဘာမြေကြီးတွင် လက်ဆုပ်လက်ကိုင် ပြစရာဟူ၍ လက်သီးဆုပ်လိုက်သည့်အခါတိုင်း လက်ဖ၀ါးထဲတွင် ကျစ်ကျစ်ပါအောင် ဆုပ်ကိုင်မိနေသော ဂမ္ဘီရကြက်ခြေတစ်ခုသာ သူ့ တွင်ရှိသည်။ လက်ဖ၀ါးပြင်တွင် နက်ရှိုင်းထင်ရှားစွာ နေရာယူထားသော ကြက်ခြေခတ်တစ်ခု။ လက်သီးဆုပ်လိုက်ချိန်တိုင်း ထိုအရာအား ဆုပ်ကိုင်နေမိကြောင်း သူ အစဉ်အမြဲ သတိပြုနေခဲ့မိသည်။ ထိုအရာသည် သူ၏ ပိုင်ဆိုင်မှုစစ်စစ်တစ်ခု ဖြစ်သည်။ သူ၏ မွေးရာပါ ဥစ္စာဓန ဖြစ်သည်။ စင်စစ် သူက ရွေးချယ် ရယူထားခဲ့ခြင်းမဟုတ်ဘဲ အလိုလိုရရှိခဲ့သော စွမ်းအင်တစ်ခုသာ ဖြစ်ပါသည်။ ၎င်းသည် တစ်စုံတစ်ယောက်က ရေးခြစ်ထားသော သာမန်ကြက်ခြေခတ်တစ်ခုမျှ မဟုတ်ဘဲ စွမ်းအင်တစ်မျိုး ကိန်းအောင်းနေသည့် မှော်ဆန်ဆန်အမှတ်အသားတစ်ခုသာ ဖြစ်ကြောင်း သူ ကောင်းစွာ သိရှိခဲ့ပြီးဖြစ်သည်။ ထိုစွမ်းအင်သည် သူကိုယ်တိုင် ရေရေရာရာ မသိရသည့် အရပ်တစ်ခ
1 comment
Read More

အရူးရောဂါနှင့် မရူးတရူးပြဿနာ

အင်္ဂလိပ်စကားတွင် “ရူး” သည့်အကြောင်း ရည်ညွှန်းလိုသည့်အခါ ယေဘုယျအားဖြင့် နှစ်ခါပြန် မစဉ်းစားဘဲ ပါးစပ်သင့်ရာ အလွယ်တကူ ပြောဆိုသုံးနှုန်းတတ်သည့် စကားလုံး နှစ်လုံးရှိပါသည်။ Psychotic နှင့် Neurotic တို့ ဖြစ်ကြပါသည်။ မြန်မာစကားတွင်မူ ရူးသည်၊ စိတ်မနှံ့ဖြစ်သည်၊ ကျပ်မပြည့်ဖြစ်သည်၊ ဂေါက်သည် မှအစ အခုနောက်ပိုင်းတွင် လူငယ် အသုံးအဖြစ် ဆိုက်ကိုဝင်သည် ဟုပါ ကပြားအသုံးအနှုန်းများ ကျယ်ကျယ်ပြန့်ပြန့် သုံးစွဲလာကြသည်။ Psychotic ကို “အပြင်းစား စိတ်ရောဂါ”၊ Neurosis ကို “အနုစား စိတ်ရောဂါ” ဟု ကျောင်းတုန်းက အလွယ် မှတ်ခဲ့ရဖူးသည်။ “ကုမရသည့် အရူး“ နှင့် “ကု၍ရသည့် အရူး” ဟုလည်း မှတ်သားဖူးသည်။ စိတ်ပညာအရ “အရူးရောဂါ” Psychosis နှင့် “မရူးတရူး ပြဿနာ” Neurosis  တို့၏ ကွဲပြားပုံကို လေ့လာကြည့်ပါမည်။ Psychosis (အရူးရောဂါ) စိတ်ပညာရပ် ဘောင်အတွင်း အကျုံးဝင်သည့် ဝေါဟာရတစ်ခုဖြစ်သော Psychosis သည် ပုံမှန် လူမှုရေး လုပ်ဆောင်ချက်များကို ဆိုးဆိုးရွားရွား ဖြစ်လာစေသည့် အရှိတရားနှင့် ဆက်သွယ်ချက် ဆုံးရှုံးသွားသော စိတ်အခြေအနေကို ခေါ်ညွှန်းသည့် ပညာရပ်ဆိုင်ရာ ဝေါဟာရတစ်ခု ဖြစ်ပါသည်။ အဆိုပါ စကားလုံးကို Ernst Von Reuchtersleben   ဆိုသူက “ရူးသွပ်မှု”
4 comments
Read More

“တပင်ရွှေထီး၏ အပ်စိုက်စမ်းသပ်မှု”

“လက်သည်းကြားတွင် အပ်စိုက်၍ တူနှင့်ရိုက်ကာ စမ်းသပ်၏။ နောက်မတွန့်သူကိုသာ သူရဲကောင်းအဖြစ် ရွေးချယ်၏” ငယ်စဉ်ဘ၀က မြန်မာ့သမိုင်းမှာ ဒီလို သင်ကြားခဲ့ရဖူးပါတယ်။ ဒါကို မြန်မာ့ရာဇ၀င်သူရဲကောင်း ဘုရင့်နောင်...လို့ ကာလအတော်ကြာကထဲက ကျွန်တော် အမှတ်မှားနေခဲ့မိပါတယ်။ ဒီအကြောင်းကို ဝေဖန်မယ်လုပ်တော့ မသေချာတာနဲ့ မေးစမ်းကြည့်တော့လည်း အဖြေမှန်မရခဲ့ဘူး။ မြန်မာဝီကီကိုလည်း မေ့နေခဲ့တယ်။ အမှန်က ဒီလိုစမ်းသပ်တဲ့ မြန်မာဘုရင်ဟာ “တပင်ရွှေထီး” ဖြစ်ပါတယ်။ အကျဉ်းချုပ်ကို မြန်မာဝီကီမှ တစ်ဆင့် ပြန်လည်ဖော်ပြပေးလိုက်ပါတယ်။ နန်းတက်ပြီး နှစ်နှစ်ကျော်အကြာ၊ အသက် ၁၇ နှစ်အရွယ်ရောက်လျှင် တပင်ရွှေထီးမှာ နားထွင်းခြင်း၊သျှောင်ထုံးခြင်း အမှုတို့ကို ပြုချိန်ရောက်လာခဲ့သည်။ထိုသို့သောအချိန်တွင် တပင်ရွှေထီးမှာ ထူးဆန်းသော အကြံတို့ဖြစ်လာသည်။ အခြားမဟုတ်၊ ရန်သူဟံသာဝတီ မင်း သုရှင်တကာရွတ်ပိ၏ ပိုင်နတ်နေပြည်တော်အနီးတွင်ရှိသည့် ရွှေမောဓော ဘုရားရင်ပြင်တွင် ထိုနားထွင်းခြင်း၊ သျှောင်ထုံးခြင်း တို့ကို ပြုလုပ်လိုခြင်းဖြစ်သည်။ အချို့သောမှူးမတ်တို့က အလွန်ရန်များလှသည်ကြောင့် မလိုအပ်ပဲ မစွန့်စားရန် လျှောက်တင်သော်လည်း၊ ယောက်ဖတော် ကျော်ထင်နော်ရထာက ဆန္ဒရှိလျှင် သွ
Post a Comment
Read More