“နာမ၀ိသေသနများသည် အန္တရာယ်များ၏”
“Adjectives are dangerous”
■ ဒီဘိုနို ■
နာမ၀ိသေသန များသည် အန္တရာယ် များ၏။ အခြေတင် စကားပြောခန်း များတွင် နာမ၀ိသေသန များအား လှိုင်လှိုင် သုံးစွဲသူတို့ကို များသောအားဖြင့် ယုံကြည်ရန် မသင့်ပေ။ ၎င်းတို့က တစ်စုံတစ်ရာ၏ အရည်အသွေးသည် အမှန်တကယ် ဓမ္မဓိဋ္ဌာန် ကျကြောင်း ထင်မှတ်လာ စေရန် ကြိုးစားခြင်းဖြင့် သင်၏ ပုဂ္ဂလဒိဋ္ဌာန် ခံစားချက် တစ်ရပ် ဖြစ်ပေါ်လာ စေရန် သိမ်းသွင်းခြင်း ဖြစ်ပါသည်။ နာမ၀ိသေသန တို့အား သံသယ ၀င်ရန်မှာ တစ်စိတ်တစ်ပိုင်း အားဖြင့် ဉာဏ်ပညာ ရှိခြင်းပင် ဖြစ်ပါသည်။ ဤသည်မှာ သင်၏ ဘာသာစကား အတွင်းမှ နာမ၀ိသေသန တို့အား ဆွဲထုတ်ပစ်ရမည်ဟု ဆိုလိုခြင်းမဟုတ်ဘဲ “နာမ၀ိသေသနဟူသည် များသောအားဖြင့် ပုဂ္ဂလဒိဋ္ဌာန်သာ ဖြစ်သည်” ဟု မှတ်ယူသင့်ကြောင်း ဆိုလိုခြင်း ဖြစ်ပါသည်။ ဤသို့ ဒီဘိုနိုက ဆိုခဲ့ပါသည်။
“Adjectives are dangerous”
■ ဒီဘိုနို ■
နာမ၀ိသေသန များသည် အန္တရာယ် များ၏။ အခြေတင် စကားပြောခန်း များတွင် နာမ၀ိသေသန များအား လှိုင်လှိုင် သုံးစွဲသူတို့ကို များသောအားဖြင့် ယုံကြည်ရန် မသင့်ပေ။ ၎င်းတို့က တစ်စုံတစ်ရာ၏ အရည်အသွေးသည် အမှန်တကယ် ဓမ္မဓိဋ္ဌာန် ကျကြောင်း ထင်မှတ်လာ စေရန် ကြိုးစားခြင်းဖြင့် သင်၏ ပုဂ္ဂလဒိဋ္ဌာန် ခံစားချက် တစ်ရပ် ဖြစ်ပေါ်လာ စေရန် သိမ်းသွင်းခြင်း ဖြစ်ပါသည်။ နာမ၀ိသေသန တို့အား သံသယ ၀င်ရန်မှာ တစ်စိတ်တစ်ပိုင်း အားဖြင့် ဉာဏ်ပညာ ရှိခြင်းပင် ဖြစ်ပါသည်။ ဤသည်မှာ သင်၏ ဘာသာစကား အတွင်းမှ နာမ၀ိသေသန တို့အား ဆွဲထုတ်ပစ်ရမည်ဟု ဆိုလိုခြင်းမဟုတ်ဘဲ “နာမ၀ိသေသနဟူသည် များသောအားဖြင့် ပုဂ္ဂလဒိဋ္ဌာန်သာ ဖြစ်သည်” ဟု မှတ်ယူသင့်ကြောင်း ဆိုလိုခြင်း ဖြစ်ပါသည်။ ဤသို့ ဒီဘိုနိုက ဆိုခဲ့ပါသည်။§ § § § § § §
သို့ရာတွင် စာပေအနုပညာကို တန်ဖိုးထားသည့် ကဗျာဆရာအချို့ကမူ ဤအဆိုကို အပြင်းအထန် ကန့်ကွက် နိုင်ပါသည်။ အရောင်အသွေးစုံလင်လှသည့် နာမ၀ိသေသနများကိုသာ ဘာသာစကားအတွင်းမှ တစ်ယူသန် ချန်လှပ်ထားခဲ့ပါလျှင် ဆေးအဖြူနှင့် အမည်းသာ ကျန်တော့သည့် ပန်းချီဆရာတစ်ဦးလို မှော်ဝင်သည့် စုတ်ချက်များအား အကန့်အသတ်မဲ့ ချယ်သနိုင်ခွင့် ရှိတော့မည် မဟုတ်ပါ။ အနုပညာအားကောင်းသည့် ကဗျာစာဆိုတစ်ဦး၏ ကဗျာပန်းခင်းမှာ လှပဝေဆာစွာ ပွင့်လန်းနိုင်မည် မဟုတ်တော့ပါ။ အေးမြစိုဆွတ်သည့် လေညင်းလေး သည်ပင် ညင်ညင်သာသာ တိုက်ခတ်ခွင့်မရှိတော့ပါ။ ရွှန်းလဲ့နေသည့် လရောင်အောက်တွင် ၀င်းလက်တောက်ပနေသော ကလီယိုပက်ထရာဟူသည့် မိန်းကလေးငယ်တစ်ယောက်၏ အလှပုံရိပ်သည် စွဲမက်ဖွယ် ထင်ကျန်မနေနိုင်တော့ပါ။ ရက်စက်ကြမ်းကြုတ်လှသည့် စေတန်နတ်ဆိုးအကြောင်း လူအများ သိခွင့်ရအောင် စေတနာကောင်းထား လှစ်ပြနိုင်ခွင့် မရှိတော့ပါ။ မာသာထရီဇာ၏ မြင့်မြတ်သော ဂရုဏာမှာ နွေးနွေးထွေးထွေး ရှိတော့မည် မဟုတ်ပါ။ ရော်ဘင်ဆင်ကရူးဆိုး၏ အထီးကျန်ဆန်သော နှစ်ကာလများအား လွမ်းမောဖွယ် လည်ပြန်ကြည့်နိုင်မည် မဟုတ်တော့ပါ။ လူသိများထင်ရှားသည့် မိုနာလီဇာ၏ မခို့တယို့ အပြုံး မရှိနိုင်တော့ပါ။ ပြင်းထန်သော အဆိပ်ငွေ့ဖြင့် ရက်ရက်စက်စက် သုတ်သင်ခံရသည့် ဒုတိယကမ္ဘာစစ်၏ အပြစ်မဲ့ သားကောင်များဖြစ်သော သနားဖွယ် ဂျူးလူမျိုးခြောက်သန်း မရှိနိုင်တော့ပါ။ ပါရမီရှင် ဗှင်ဂိုး၏ ၀ါထိန်ထိန် နေကြာပန်းများ ထည်ထည်ဝါ၀ါ ပွင့်လန်းနိုင်ခဲ့လိမ့်မည် မဟုတ်တော့ပါ။ ဖြူစင်ရှင်းသန့်နေသော အချစ်စစ်အချစ်မှန်များ ၀မ်းနည်းဖွယ် ဆိတ်သုန်းရလိမ့်မည် ဖြစ်ပါသည်။ တက်သစ်စ လူငယ်တစ်ဦး၏ တောက်ပသော အနာဂတ်မှာ မှောင်မဲပျောက်ကွယ် သွားရလိမ့်မည် ဖြစ်ပါသည်။ ခေတ်မှီဖွံ့ဖြိုး တိုးတက်သော နိုင်ငံတော်သစ်ဆီသို့ ညီညီညာညာ လျှောက်လှမ်းနိုင်ခွင့် ဝေးရတော့မည် ဖြစ်ပါသည်။ ရိုးသားသော၊ ကြိုးစားသော ပြည်သူပြည်သားတို့ စိတ်ဓာတ်ကျဖွယ် ကင်းမဲ့သွားရတော့မည် ဖြစ်ပါသည်။ အေးချမ်းသော၊ သာယာသော၊ ဖွံ့ဖြိုးသော အနာဂတ်များကို စိတ်ကူးယဉ်စွာ မျှော်မှန်းခွင့် ရှိတော့မည် မဟုတ်ပါ။ ကြောက်မက်ဖွယ် အဆုံးမဲ့ ငရဲနှင့် ထာဝရ ကောင်းကင်ဘုံ မရှိနိုင်တော့ပါ။ စင်စစ် မြင့်မြတ်သည့် ဒေသနာတော်အချို့ကိုပင် ကျွန်တော်တို့လူသားများ နာနာကျည်းကျည်း ဆုံးရှုံးခံ လိုက်ရတော့မည် ဖြစ်ပါသည်။ ဤသည်တို့မှာ အန္တရာယ်ကြီးသော နာမ၀ိသေသနများ၏ လူသူတိတ်ဆိတ်နေသည့် ဈာပနအခမ်းအနားတွင် မြင်ရသည့် ပူဆွေးဖွယ် မြင်ကွင်းတစ်ရပ်ကို ရမ်းရော် စိတ်ကူးကြည့်ထားခြင်းသာ ဖြစ်ပါသည်။
တကယ်တော့ ဖြစ်ရပ်မှန်ကို အဖြူအမည်း နှစ်ရောင်တည်းဖြင့်သာ ရေးချယ်ရန် လုံလောက်သည်။ ဒီဘိုနိုက “နာမ၀ိသေသနများသည် အန္တရာယ်ကြီး၏” ဟု ဆိုသည်။ နာမ၀ိသေသနများသည် “အမှန်တကယ်” အန္တရာယ်ကြီးသည်ဟု ကျွန်တော် မပြောချင်ပါ။ ထပ်ပြောပါမည်...။ နာမ၀ိသေသနများသည် အန္တရာယ် ကြီးသည်။ နာမ၀ိသေသနတို့အား လှိုင်လှိုင် သုံးစွဲသူများကို ယုံကြည်ရန် မသင့်ဟု ဒီဘိုနိုက သတိပေးပါသည်။ စင်စစ် အဖြစ်မှန်ကို ရေးချယ်ရန်မှာ အဖြူအမည်း နှစ်ရောင်ထဲနှင့် လုံလောက်မှု ရှိပါသည်။ နာမ၀ိသေသနများကို ကျော်လွှား၍ ဖတ်ရှုနိုင်ပါသည်။ ထပ်ပြောပါမည်...။ နာမ၀ိသေသနများသည် အန္တရာယ် ကြီးသည်။
◄ တေဇာ ► ဇန်န၀ါရီ (၁၅) ၂၀၁၀
Comments
Post a Comment