အိုဘားမားနှင့် နိုဘယ်ငြိမ်းချမ်းရေးဆု

လူသူလေးပါးအလေးထား အသိအမှတ်ပြုခြင်းခံရသော နိုဘယ် ငြိမ်းချမ်းရေးဆုကို အမေရိကန်သမ္မတ ဘာရတ်အိုဘားမားအား “နိုင်ငံတကာဆက်ဆံရေးအား အားကောင်းလာစေရန်နှင့် လူအများကြား ပူးပေါင်းဆောင်ရွက်နိုင်ရေးအတွက် သူ၏ တမူထူးခြားသော အားထုတ်မှုများ” ကြောင့် ပေးအပ်ချီးမြှင့်ခဲ့သည်။

သို့သော် နိုဘယ်ဆုရွေးချယ်ချီးမြှင့်ရေးကော်မတီက ချမှတ်သော အဆိုပါ ဆုံးဖြတ်ချက်မှာ အငြင်းပွားဖွယ်ရာ ဖြစ်နေသည်ဟု ဆိုနိုင်ပါသည်။ အိုဘားမား ရုံးထိုင်အလုပ်လုပ်သည့်ကာလမှာ တစ်နှစ်ပင်မပြည့်တတ်သေးဘဲ သူ၏ စေ့စပ်ဆွေးနွေးရေးမူဝါဒမှာလည်း လသားမျှသာ ရှိပါသေးသည်။ ဤတွင် ဒေါက်တာ ရော်ဘင် နစ်ဘလစ် (Dr Robin Niblett) က အဆိုပါဆုကို ပေးအပ်သော အခြေအနေအချိန်အခါ မှားယွင်းနေသည်ဟု သူအဘယ်ကြောင့် ယုံကြည်သည်ဆိုသည်ကို ချပြခဲ့သည်။ တစ်ချိန်တည်းတွင်ပင် ဒေါက်တာ ဘိတ်ဂေးလ် (Dr Bates Gill) ကလည်း မှန်ကန်သောဆုံးဖြတ်ချက်ဖြစ်ကြောင်း ပြန်လှန်ငြင်းခုန်ထားပါသည်။

ဒေါက်တာ ရော်ဘင်နစ်ဘလစ် ( Chatham House Director)

လွန်ခဲ့တဲ့ကိုးလအတွင်း အိုဘားမား ကတိပြုထားခဲ့တဲ့ ထူးခြားတဲ့ နိုင်ငံတကာရေးရာမူဝါဒတွေကို အသိအမှတ်ပြုဖို့ အရေးကြီးတယ်လို့တော့ ကျွန်တော်ထင်ပါတယ်။ သူက တံခင်းတမန်ခင်း လမ်းသွယ်လေးတွေကို တစ်ချိန်ထဲမှာ အများအပြား ဖွင့်လှစ်ထားခဲ့တယ်။ အများအပြားမှာ ဂတိက၀တ်တွေ ပြထားပါတယ်။ ဒါပေမဲ့ နိုဘယ်ငြိမ်းချမ်းရေးဆုကို အခုလောလောဆယ်မှာ သူ့ကိုပေးဖို့ဆုံးဖြတ်ရာမှာတော့ ပြဿနာတွေ ရှိနေပါတယ်။

အစီအစဉ်တွေကို အောင်မြင်မှုလို့ အဓိပ္ပာယ်ကောက်ဖို့ မလိုအပ်ပါဘူး။ ဒါကိုလည်း အိုဘားမားရဲ့ စီမံအုပ်ချုပ်ရေးပိုင်းက သိမယ်လို့ ကျွန်တော်ထင်ပါတယ်။ အမေရိကဟာ ကမ္ဘာမှာ အင်အားအကြီးဆုံးနိုင်ငံ တစ်နိုင်ငံအဖြစ် ဆက်ရှိကောင်းရှိနေပါမယ်၊ ဒါပေမဲ့ သူ့ရဲ့ ပါဝါကိုလည်း စိန်ခေါ်မှုတွေ တိုးပွားလာနေပါတယ်။ ဘယ်အခြေအနေမှာဖြစ်ဖြစ် ဒါကို သြဇာလွှမ်းမိုးမှုလို့ အဓိပ္ပာယ်ကောက်လို့ ရမှာမဟုတ်ပါဘူး။ သူ့ရဲ့ သံတမန်ရေးရာမူဝါဒကောင်းတွေကြောင့် ထိုက်တန်တဲ့ရလဒ်တစ်ခုခု ပြန်ထွက်လာမယ်ဆိုတာ အာမခံချက် မရှိပါဘူး။

ဒီအဖြစ်မှန်ကိုကြည့်ရင် သမ္မတအိုဘားမားကို အခုလို သြဇာကြီးမားတဲ့ဆုပေးအပ်လိုက်တာဟာ အကူအညီပေးရာ မရောက်ပါဘူး။ ပထမဆုံးအနေနဲ့ အိုဘားမား သမ္မတသက်တမ်းရဲ့ အတိမ်းအစောင်းမခံတဲ့ အချိန်တွေမှာ နိုင်ငံတကာက သူ့အပေါ်ထားတဲ့ မျှော်လင့်ချက်တွေကို ပိုမြင့်တက်လာစေပါလိမ့်မယ်။ ဒါဟာ ပြည့်စုံချင်မှပြည့်စုံမယ့် မျှော်လင့်ချက်တွေပါ။ ဒုတိယအချက်အနေနဲ့ ဒါဟာ သူ့ရဲ့အိမ်နောက်ဖေးက ဝေဖန်ရေးသမားတွေရဲ့ လက်နက်တစ်ခုဖြစ်လာပါ လိမ့်မယ်။ နိုဘယ်ငြိမ်းချမ်းရေးဆုဟာ ကမ္ဘာလုံးဆိုင်ရာ လူ့အဖွဲ့အစည်းရဲ့ တည်ရှိမှုနဲ့ အပြည်ပြည်ဆိုင်ရာ တန်ဖိုးတွေကို ပြောကြားတာပါ။

ဆန္ဒသဘောထားကောက်ခံမှုတွေဟာ ယုံကြည်ရတယ်ဆိုရင် အရေအတွက်တိုးပွားလာနေတဲ့ အမေရိက ကလူတွေက အခုလို အမေရိကန်သမိုင်းရဲ့ ခက်ခဲတဲ့ကာလမှာ သမ္မတအိုဘားမားရဲ့ ပထမဦးစားပေးက အမေရိကန်တန်ဖိုးကို ကာကွယ်ဖို့လားဆိုတာကို သိချင်ကြတယ်။ ယခုလောလောဆယ်မှာ ဒီဆုကို လက်ခံခြင်းအားဖြင့် အတိုက်အခံတွေက သူ့ရဲ့မူဝါဒတွေကို ကိုယ်ကျိုးကြည့်တွေသာဖြစ်ကြောင်း ပိုထင်ကြပြီး၊ ထောက်ခံသူအများအပြားကိုလည်း ပိုပြီးစိုးရိမ်စိတ်ဝင်လာစေပါလိမ့်မယ်။

နောက်ဆုံးအားဖြင့်တော့ သူ့ကို ဒီဆုပေးအပ်ခြင်းအားဖြင့် သူ့ရဲ့ သံတမန်ရေးရာကို အထောက်အကူပြု လိမ့်မယ်လို့ ကျွန်တော် သဘောမတူနိုင်ပါဘူး။ ဒီလိုယုံကြည်တယ်ဆိုရင် ကိုယ့်ကိုယ်ကို ယုံကြည်မှုလွန်ကဲခြင်းသာ ဖြစ်မှာပါ။ အိုဘားမားစေ့စပ်ဆွေးနွေးနေတဲ့ နိုင်ငံတွေဟာ မိမိတို့ရဲ့အကျိုးစီးပွား အခြေခံအပေါ်မှာပဲ လှုပ်ရှားကြမှာပါ။ အမေရိကရဲ့ စေ့စပ်ဆွေးနွေးမှုနဲ့ ဖိအား၊ ရောသမထားတာကို တုံ့ပြန်တဲ့ မူဝါဒတစ်ရပ် ဖန်တီးကြမှာပါပဲ။

စင်စစ်၊ သမ္မတအိုဘားမားဟာ ဆွေးနွေးညှိနှိုင်းမှုကို လျှိုထားပြီး ယခုလောလောဆယ် ညှိုနှိုင်းနေတဲ့ နိုင်ငံတွေထဲက တချို့အပေါ် အနာဂတ်မှာ တင်းတင်းမာမာဆက်ဆံဖို့ လိုကောင်းလိုနိုင်ပါတယ်။ ဒါကြောင့် ဖြစ်စဉ်ဟာ ခက်ခဲကြမ်းတမ်းပြီး ရလဒ်ကို ခန့်မှန်းနိုင်ခြင်းမရှိပေမဲ့ အဓိကအင်အားကြီးနိုင်ငံတွေက စေ့စပ်ညှိနှိုင်းရေးမူဝါဒရဲ့ အရေးပါမှုကို အာရုံစိုက်လာတဲ့အချိန်ကျမှသာ ဘာရတ်အိုဘားမားကို ငြိမ်းချမ်းရေးနိုဘယ်ဆုပေးဖို့ စဉ်းစားရင် ပိုပြီး သင့်လျော်ပါလိမ့်မယ်။

ဒေါက်တာ ဘိတ်ဂေးလ် DIRECTOR OF THE STOCKHOLM INTERNATIONAL PEACE RESEARCH INSTITUTE (SIPRI)

ဒါဟာ အောင်မြင်ပြီးသား တစ်ခုခုအတွက်မဟုတ်ဘဲ ဖြစ်လာနိုင်စရာရှိတဲ့ အရာတစ်ခုအတွက် ဆုပေးချီးမြှင့်ခြင်းခံရတဲ့ လူတွေထဲက ရှားရှားပါးပါး ဖြစ်ရပ်တစ်ခုပါပဲ။

ဒါပေမဲ့ ကျွန်တော်တို့အနေနဲ့ ဆုကို အကောင်းဘက်ကပဲ ရှုမြင်ပါတယ်။ ဒီသမ္မတသစ်အပေါ်မှာ စွမ်းဆောင်နိုင်လိမ့်မယ်ဆိုတဲ့ မျှော်လင့်ချက်တွေကို အသိအမှတ်ပြု၊ ဂုဏ်ပြုလိုတဲ့ ရည်ရွယ်ချက်နဲ့ ပေးအပ်ခဲ့ခြင်း ဖြစ်တယ်ဆိုတာ ရှင်းပါတယ်။

ဘာရတ်အိုဘားမားဟာ အီရန်၊ မြောက်ကိုရီးယားနဲ့ မြန်မာနိုင်ငံတို့လို အမေရိကန်ပြည်ထောင်စုနဲ့ တစ်စိမ်းဆန်နေတဲ့နိုင်ငံတွေကို ကွဲပြားတဲ့လမ်းကြောင်းတစ်ခုနဲ့ ချဉ်းကပ်မယ်ဆိုတဲ့ ကြွေးကြော်သံနဲ့ အိမ်ဖြူတော်ကို လာခဲ့တာပါ။ လွန်ခဲ့တဲ့လများအတွင်းမှာ အဆိုပါနိုင်ငံများအားလုံးမှာ အလုံးစုံ အပြုသဘောဆောင်တဲ့ လှုပ်ရှားမှုတွေနဲ့ အလွန် စိတ်ဝင်စားဖို့ကောင်းတာတွေကို ကျွန်တော်တို့ မြင်တွေ့ခဲ့ရပါတယ်။ လွန်ခဲ့တဲ့သီတင်းပတ်က ဂျီနီဗာမှာ အီရန်နဲ့စကားပြောခြင်းကနေ ရလဒ်တွေ ကျွန်တော်တို့ ရှိခဲ့ပါတယ်။ မြန်မာနိုင်ငံနဲ့ ဘယ်တုန်းကမှမရှိခဲ့ဖူးတဲ့ ပြောဆိုဆက်ဆံမှုတွေ ရှိခဲ့ပါတယ်။ မြောက်ကိုရီးယားကထွက်ပေါ်လာတဲ့ အပြုသဘောဆောင်တဲ့ လှုပ်ရှားမှုတချို့လည်း ပြက်ခနဲရှိခဲ့ပါတယ်။

သမ္မတအိုဘားမား ဆောင်ရွက်ခဲ့တဲ့ ကမ္ဘာ့လုံခြုံရေးတည်ဆောက်မှုကို ကြိုးစားခြင်းနဲ့ပတ်သက်လို့ အရေးအကြီးဆုံးအရာကတော့ နျူကလီးယားလက်နက် ဖျက်သိမ်းရေးကိစ္စပဲ ဖြစ်ပါလိမ့်မယ်။ အိမ်ဖြူတော်မှာရှိခဲ့တဲ့ တခြား မည်သည့်သမ္မထက်မဆို သူ့ရဲ့ နျူကလီးယားလက်နက် ဖျက်သိမ်းရေးကိစ္စကို ပြောဆိုမှုဟာ အားသွန်းခွန်စိုက်ရှိခဲ့ပါတယ်။

အတိတ်က သမ္မတတွေဟာလည်း ဒီကိစ္စကို ပြောဆိုခဲ့ပါတယ်။ ဒါပေမဲ့ ဒီသမ္မတလို ဒိုးဒိုးဒေါက်ဒေါက်နဲ့ စိတ်လိုက်မာန်ပါပြောတာ ရှားပါတယ်။ ဒါဟာ အရင်တုန်းက မကြုံဖူးခဲ့တဲ့ အခြေအနေပါ။ လွန်ခဲ့တဲ့ သီတင်းပတ်က ချမှတ်ခဲ့တဲ့ ကန့်ကွက်မှုမရှိ ထောက်ခံကြတဲ့ ကုလသမဂ္ဂလုံခြုံရေးကောင်စီရဲ့ နျူလက်နက်ဖြုတ်သိမ်းမှုဆုံးဖြတ်ချက်နဲ့ ရုရှားနဲ့ ဆွေးနွေးညှိနှိုင်းခဲ့တဲ့ နျူလက်နက်လျှော့ချရေးတွေဟာ ရှေ့ကို တက်လှမ်းလိုက်တဲ့ အရေးကြီးတဲ့ ခြေလှမ်းတွေပဲ ဖြစ်ပါတယ်။

အမေရိကန်ကို ကျင့်ဝတ်ပိုင်းဆိုင်ရာ ဦးစီးဦးဆောင်နေရာနဲ့ တာဝန်ယူမှု ပိုကြီးမားလာတယ်လို့ယူဆဖို့ အလားအလာဟာ လွန်ခဲ့တဲ့နှစ်များအတွင်း ပိုမို မြင့်တက်လာခဲ့ပါတယ်။ နိုဘယ်ကော်မတီဟာ ဒီအပြောင်းအလဲတွေနဲ့ အလားအလာတွေကို သိမြင်တယ်လို့ ကျွန်တော် ထင်ပါတယ်။ ဒါတွေဟာ ဆုကိုပေးအပ်ရခြင်းရဲ့ အကြောင်းရင်းတွေပါပဲ…။

◄ တေဇာ ► အောက်တိုဘာ (၁၀) ၂၀၀၉
Source: BBC